താറാവുകളുടെ കുത്തക കുട്ടനാടിന്​ സ്വന്തം

കോ​ഴി​മു​ട്ട​യും ഇ​റ​ച്ചി​ക്കോ​ഴി​ക​ളു​മെ​ല്ലാം ത​മി​ഴ്​​നാ​ട്ടി​ൽ നി​ന്ന്​ വ​ര​വാ​ണ്. താ​റാ​വു​ക​ളു​ടെ കാ​ര്യ​ത്തി​ൽ കേ​ര​ള​ത്തി​നാ​ണ്​ മേ​ൽ​ക്കൈ. ത​മി​ഴ്​​നാ​ട്ടി​ലും ആ​ന്ധ്ര​യി​ലു​മൊ​ക്കെ പ്രി​യം കു​ട്ട​നാ​ട​ൻ ചെ​മ്പ​ല്ലി​യും ചാ​ര​യും താ​റാ​വു​ക​ളെ​യാ​ണ്. തൂ​ക്ക​ക്കൂ​ടു​ത​ൽ, മു​ട്ട​യി​ടാ​നു​ള്ള ശേ​ഷി കൂ​ടു​ത​ൽ, സാ​മാ​ന്യം രോ​ഗ പ്ര​തി​രോ​ധ​ശേ​ഷി എ​ന്നി​വ​യൊ​ക്കെ​യാ​ണ്​ ചാ​ര​യെ​യും ചെ​മ്പ​ല്ലി​യെ​യും താ​ര​മാ​ക്കു​ന്ന​ത്. ചാ​ര​യും ചെ​മ്പ​ല്ലി​യും വ​ർ​ഷ​ത്തി​ൽ 180 ഓ​ളം മു​ട്ട​യി​ടും. പു​റ​ത്തു​നി​ന്ന്​ വ​രു​ന്ന​വ 80-110 ദി​വ​സ​മേ മു​ട്ട​യി​ടൂ.

കു​ട്ട​നാ​ട്ടി​ൽ മി​ക്ക​വ​രും ഹാ​ച്ച​റി​യി​ൽ നി​ന്ന്​ 24 രൂ​പ​ക്ക്​ കു​ഞ്ഞു​ങ്ങ​ളെ വാ​ങ്ങി​യാ​ൽ 40 ദി​വ​സം പ്രാ​യ​മാ​കു​മ്പോ​ഴേ​ക്കും വി​ൽ​ക്കും. അ​പ്പോ​ഴേ​ക്കും നെ​ല്ല്​ തി​ന്നു​ന്ന പ​രു​വ​മാ​കും. പി​ന്നീ​ട്​ മു​ന്നോ​ട്ട്​ പോ​ക​ണ​മെ​ങ്കി​ൽ പാ​ട​ങ്ങ​ളി​ൽ മേ​യാ​നി​റ​ക്ക​ണം. അ​പ്പോ​ൾ സം​ര​ക്ഷ​ണ​ത്തി​ന്​​ കൂ​ലി​ക്ക്​ ആ​ളെ വ​ക്ക​ണം. കൂ​ലി ചെ​ല​വ്​ താ​ങ്ങാ​ൻ ക​ഴി​യു​ന്ന​വ​രെ തു​ട​ർ​ന്ന്​ വ​ള​ർ​ത്തൂ. 40 ദി​വ​സം പ്രാ​യ​മാ​യ​വ​ക്ക്​ 85 രൂ​പ​വ​രെ ല​ഭി​ക്കും. കു​ഞ്ഞി​ന്‍റെ വി​ല​യും 40 ദി​വ​സ​ത്തെ തീ​റ്റ​യും മ​രു​ന്നും കൂ​ലി​ച്ചെ​ല​വും എ​ല്ലാം​കൂ​ടി 70 രൂ​പ​യി​ലേ​റെ ചെ​ല​വ്​ വ​രും.

വാ​ങ്ങു​ന്ന​വ​ർ ത​മി​ഴ്​​നാ​ട്ടി​ലും പാ​ല​ക്കാ​ട്ടു​മൊ​ക്കെ കൊ​യ്ത്തു​ക​ഴി​ഞ്ഞ പാ​ട​ങ്ങ​ളി​ൽ കൊ​ണ്ട്​​പോ​യി മേ​യാ​നി​റ​ക്കി വ​ള​ർ​ത്തും. അ​തി​നാ​യി കൊ​ണ്ടു​പോ​കാ​ൻ വാ​ഹ​ന​ങ്ങ​ളൊ​ക്കെ​യു​ണ്ട്. അ​വി​ടെ നി​ന്ന്​ മു​ട്ട​യി​ടു​ന്ന പ​രു​വ​മാ​കു​മ്പോ​ഴേ​ക്കും വീ​ണ്ടും ഇ​വി​ട​ത്തു​കാ​ർ വാ​ങ്ങാ​റു​ണ്ട്. വാ​ങ്ങാ​ത്ത​വ​യു​ടെ മു​ട്ട​യാ​ണ്​ ത​മി​ഴ്​​നാ​ട്ടി​ൽ നി​ന്ന്​ വ​രു​ന്ന​ത്. ത​മി​ഴ്​​നാ​ട്ടി​ൽ താ​റാ​വ്​ ഹാ​ച്ച​റി​ക​ളു​ണ്ടാ​യി​രു​ന്നി​ല്ല. ഇ​പ്പോ​ൾ കു​റ​ച്ചൊ​ക്കെ ആ​യി​വ​രു​ന്ന​തേ​യു​ള്ളൂ. അ​തി​നാ​ൽ താ​റാ​വു​ക​ളു​ടെ കു​ത്ത​ക കു​ട്ട​നാ​ടി​നാ​ണ്. ഈ ​തി​രി​ച്ച​റി​വ്​ കേ​ര​ള​ത്തി​ലെ സ​ർ​ക്കാ​റി​നി​ല്ല. അ​തി​നാ​ലാ​ണ്​ അ​വ​ർ താ​റാ​വ്​ ക​ർ​ഷ​ക​രെ അ​വ​ഗ​ണി​ക്കു​ന്ന​ത്. ജൈ​വ മു​ട്ട, ഇ​റ​ച്ചി എ​ന്നി​വ​ക്കാ​യി പ്ര​സം​ഗി​ച്ച്​ ന​ട​ക്കു​ന്ന​വ​രാ​ണ്​ മ​ന്ത്രി​മാ​ർ. കു​ട്ട​നാ​ട​ൻ മേ​ഖ​ല​യി​ൽ അ​വ ഉ​ണ്ടാ​യി​ട്ടും മ​ന്ത്രി​മാ​ർ ക​ണ്ട മ​ട്ട്​ ന​ടി​ക്കു​ന്നി​ല്ല.

വെ​റ്റ​റി​ന​റി ഡോ​ക്ട​ർ​മാ​ർ​ക്കും പേ​ടി

വെ​റ്റ​റി​ന​റി ഡോ​ക്ട​ർ​മാ​ർ കാ​ണു​മ്പോ​ൾ ച​ക്ക​ര വാ​ക്ക്​ പ​റ​യു​മെ​ന്ന​ല്ലാ​തെ അ​വ​ർ​ക്കും താ​റാ​വു​ക​ൾ അ​ല​ർ​ജി​യാ​ണെ​ന്ന്​ ക​ർ​ഷ​ക​നാ​യ സാ​മു​വ​ൽ​കു​ട്ടി പ​റ​യു​ന്നു. അ​വ​ർ പ​റ​യു​ന്ന​ത്​ ഞ​ങ്ങ​ൾ​ക്കും പേ​ടി​യാ​ണെ​ന്നാ​ണ്. പി​ന്നെ ഞ​ങ്ങ​ൾ എ​ന്ത്​ ചെ​യ്യ​ണം. ഞ​ങ്ങ​ൾ​ക്ക്​ ഒ​രു പേ​ടി​യു​മി​ല്ല. ഞ​ങ്ങ​ൾ കു​ഞ്ഞു​ങ്ങ​ളെ വ​ള​ർ​ത്തി​യ​തും അ​വ​രെ പ​ഠി​പ്പി​ച്ച​തും വി​വാ​ഹം ക​ഴി​പ്പി​ച്ച​തും ജീ​വി​ക്കു​ന്ന​തു​മെ​ല്ലാം ഇ​തി​ൽ നി​ന്ന്​ ല​ഭി​ച്ച വ​രു​മാ​നം കൊ​ണ്ടാ​ണ്.

40 ദി​വ​സം പ്രാ​യ​മാ​യ ഒ​രു താ​റാ​വി​ന്​ എ​ട്ട്​ രൂ​പ​യെ​ങ്കി​ലും ലാ​ഭം കി​ട്ടി​യി​ല്ലെ​ങ്കി​ൽ ക​ർ​ഷ​ക​ന്​ ജീ​വി​ക്കാ​നാ​വി​ല്ല. 5000 താ​റാ​വി​നെ കൊ​ടു​ത്താ​ൽ 40,000 രൂ​പ​യെ​ങ്കി​ലും ലാ​ഭം കി​ട്ടി​യി​ല്ലെ​ങ്കി​ൽ വ​ള​ർ​ത്തി​യി​ട്ട്​ കാ​ര്യ​മി​ല്ല. വി​റ്റാ​ൽ പൈ​സ കി​ട്ടാ​ൻ മാ​സ​ങ്ങ​ൾ ക​ഴി​യും. പൂ​വ​നാ​ണ്​ ഡി​മാ​ൻ​ഡ്​ കൂ​ടു​ത​ൽ. ഇ​റ​ച്ചി​ക്ക്​ മി​ക​ച്ച​ത്​ പൂ​വ​നാ​ണ്. മു​ട്ട​ക്കാ​യി വ​ള​ർ​ത്തി​യാ​ൽ പ​ക്ഷി​പ്പ​നി​യും മ​റ്റ്​ രോ​ഗ​ബാ​ധ​യും ഒ​ക്കെ​വ​ന്ന്​ ച​ത്തു​പോ​യാ​ൽ വ​ലി​യ ന​ഷ്ട​മാ​കു​മെ​ന്നും സാ​മു​വ​ൽ കു​ട്ടി പ​റ​ഞ്ഞു. 

4100 താ​റാ​വു​ക​ളെ കൊ​ന്ന്​ ക​ത്തി​ച്ചു; ഉ​ള്ളി​ൽ തീ​യു​മാ​യി ബി​നോ​യി

ത​ല​വ​ടി സ്വ​ദേ​ശി ബി​നോ​യി ജോ​സ​ഫി​ന്‍റെ 4100 താ​റാ​വു​ക​ളെ​യാ​ണ്​ ശ​നി​യാ​ഴ്ച കൊ​ന്ന്​ ക​ത്തി​ച്ച​ത്. എ​ട​ത്വ പ​ള്ളി​പെ​രു​ന്നാ​ളി​ന്​ വി​ൽ​പ​ന​ക്കാ​യി വ​ള​ർ​ത്തി​യ​വ​യാ​യി​രു​ന്നു. 120 ദി​വ​സം പ്രാ​യ​മാ​യ​പ്പോ​ഴാ​ണ്​ രോ​ഗ​ബാ​ധ. ക​ണ്ണു​ക​ൾ​ക്ക്​ നീ​ല നി​റം​ബാ​ധി​ച്ച്​ ചു​ണ്ടു​ക​ൾ നി​ല​ത്ത​ടി​ച്ച്​ ഒ​ന്നൊ​ന്നാ​യി കു​ഴ​ഞ്ഞ്​ വീ​ണു. ല​ക്ഷ​ണം ക​ണ്ട ഉ​ട​നെ മൃ​ഗ​സം​ര​ക്ഷ​ണ വ​കു​പ്പി​നെ അ​റി​യി​ച്ചു. അ​വ​ർ സാ​മ്പി​ൾ ശേ​ഖ​രി​ച്ച്​ 15 ദി​വ​സ​ത്തി​ന്​ ശേ​ഷ​മാ​ണ്​ ഫ​ലം എ​ത്തി​യ​ത്. 350 രൂ​പ നി​ര​ക്കി​ൽ വി​ൽ​പ​ന ന​ട​ത്തേ​ണ്ട​വ​യെ​യാ​ണ്​ കൊ​ന്ന്​ ക​ത്തി​ക്കേ​ണ്ടി​വ​ന്ന​ത്. 14.35 ല​ക്ഷം രൂ​പ​യു​ടെ ന​ഷ്ട​മാ​ണ്​ ബി​നോ​യി ജോ​സ​ഫി​ന്​ ഉ​ണ്ടാ​യി​രി​ക്കു​ന്ന​ത്. സ​ർ​ക്കാ​ർ ധ​ന​സ​ഹാ​യം ല​ഭി​ക്കു​മോ​യെ​ന്ന്​ അ​റി​യി​ല്ലെ​ന്ന്​ ​ബി​നോ​യി ‘മാ​ധ്യ​മ’​ത്തോ​ട്​ പ​റ​ഞ്ഞു. ല​ഭി​ച്ചാ​ലും എ​ത്ര​കാ​ലം കാ​ത്തി​രി​ക്ക​ണം എ​ന്ന ആ​ശ​ങ്ക​യാ​ണ്​ ബി​നോ​യി​ക്ക്.​ 14 ല​ക്ഷ​ത്തോ​ളം രൂ​പ​യു​ടെ ക​ട​മു​ണ്ട്. ര​ണ്ടാ​ഴ്ച മു​മ്പ്​ പി​താ​വ്​ സ്​​ട്രോ​ക്ക്​​വ​ന്ന്​ കി​ട​പ്പാ​യി. ആ​ശു​പ​ത്രി​യി​ൽ വ​ലി​യ​തു​ക ചെ​ല​വാ​യി.

നി​ത്യ​ചെ​ല​വി​നു​പോ​ലും ഗ​തി​യി​ല്ലാ​താ​യെ​ന്ന്​ പ​റ​ഞ്ഞ്​ സ​ങ്ക​ട​പ്പെ​ടു​ക​യാ​ണ്​ ബി​നോ​യി ജോ​സ​ഫ്. 2020ൽ ​കോ​വി​ഡ്​ സ​മ​യ​ത്ത്​ 9000 താ​റാ​വു​ക​ൾ ച​ത്തി​രു​ന്നു. അ​ന്ന്​ 18 ല​ക്ഷം രൂ​പ​യു​ടെ ന​ഷ്ട​മു​ണ്ടാ​യി. മൃ​ഗ​സം​ര​ക്ഷ​ണ വ​കു​പ്പി​ൽ നി​ന്ന്​ 50,000 രൂ​പ മാ​ത്ര​മാ​ണ്​ ല​ഭി​ച്ച​തെ​ന്ന്​ ബി​നോ​യി പ​റ​ഞ്ഞു.