കായംകുളം: സൗഹൃദത്തിന്റെ കണ്ണികൾ മുറുക്കി ജമാഅത്തെ ഇസ്ലാമി ഒരുക്കിയ ഇഫ്താർ സായാഹ്നം ശ്രദ്ധേയമായി. വിവിധ മതസമൂഹങ്ങൾക്കിടയിൽ സൗഹൃദവും സ്നേഹവും ഊട്ടിയുറപ്പിക്കുന്നതിനായി വർഷങ്ങളായി നടത്തിവരുന്ന ഇടപെടലുകളുടെ തുടർച്ചയായാണ് പരിപാടി സംഘടിപ്പിച്ചത്.
നിലപാടുകളുടെ ഭിന്നതകൾക്കിടയിലും മാനവികത ഉയർത്തിപ്പിടിക്കാൻ ഇത്തരം സംഗമങ്ങൾക്ക് കഴിയുമെന്ന് പങ്കെടുത്തവർ അഭിപ്രായപ്പെട്ടു. മനുഷ്യർ പരസ്പരം അകലങ്ങൾ പാലിക്കുന്ന കാലത്ത് വ്യത്യസ്ത ആശയങ്ങൾ പേറുന്നവർ ഒരുമിച്ചിരിക്കാൻ സാധ്യമാകുന്നത് തന്നെ വലിയ സാംസ്കാരിക പ്രവർത്തനമാണെന്ന സന്ദേശവും സംഗമം നൽകി.
നഗരസഭ കൗൺസിലർ ലേഖ സോമരാജൻ ഉദ്ഘാടനം നിർവഹിച്ചു. ഡയലോഗ് സെന്റർ കേരള ഏരിയ രക്ഷാധികാരി എസ്. മുജീബ് റഹ്മാൻ അധ്യക്ഷത വഹിച്ചു. ജില്ല കോഓഡിനേറ്റർ വൈ. ഇർഷാദ് മുഖ്യപ്രഭാഷണം നടത്തി. കെ.എസ്. നിസാബീഗം, എ. മഹ്മൂദ്, ഡോ. സുൽഫിയ സമദ്, ഇ. സക്കീർ, എസ്. മുഹ്യിദ്ദീൻ ഷാ, നിയാസ്, നുജും, നസീർ ഹമീദ്, അൻസാദ്, സീനത്ത്, ഫൗസിയ, ഫസീല, തസ്മില, നസിയ സക്കീർ, മുബീർ, അനസ്, മിഷാൽ, നബീൽ തുടങ്ങിയവർ നേതൃത്വം നൽകി.
വായനക്കാരുടെ അഭിപ്രായങ്ങള് അവരുടേത് മാത്രമാണ്, മാധ്യമത്തിേൻറതല്ല. പ്രതികരണങ്ങളിൽ വിദ്വേഷവും വെറുപ്പും കലരാതെ സൂക്ഷിക്കുക. സ്പർധ വളർത്തുന്നതോ അധിക്ഷേപമാകുന്നതോ അശ്ലീലം കലർന്നതോ ആയ പ്രതികരണങ്ങൾ സൈബർ നിയമപ്രകാരം ശിക്ഷാർഹമാണ്. അത്തരം പ്രതികരണങ്ങൾ നിയമനടപടി നേരിടേണ്ടി വരും.