കറ്റാനം: കറ്റാനം കട്ടച്ചിറയിൽ ആളില്ലാതിരുന്ന വീട്ടിൽ മോഷണം. കറ്റാനം കട്ടച്ചിറ ദിലീപ് സദനത്തിൽ ദിലീപിന്റെ വീട്ടിലാണ് മോഷണം നടന്നത്. വാതിൽ തകർത്ത് കയറിയ കള്ളൻ നാലു പവനും 50,000 രൂപയും അപഹരിച്ചു. ദിലീപും രണ്ട് മക്കളും ഞായറാഴ്ച പുനലൂരിലുള്ള ബന്ധുവീട്ടിൽ മരണാനന്തര ചടങ്ങുകൾക്ക് പോയിരുന്നു.
ഭാര്യ മലപ്പുറത്ത് ജോലി സ്ഥലത്തായിരുന്നു. തിങ്കളാഴ്ച വൈകീട്ട് ദിലീപ് തിരികെ എത്തിയപ്പോഴാണ് വിവരം അറിയുന്നത്. പുറകുവശത്തെ വാതിൽ തകർത്ത് അകത്തുകടന്ന മോഷ്ടാക്കൾ അലമാര കുത്തിത്തുറന്നാണ് മോഷണം നടത്തിയത്.
മകളുടെ 800 രൂപയും മകൻ സൂക്ഷിച്ച കുടുക്കയും അപഹരിച്ചു. എ.ടി.എം കാർഡും രേഖകളും അടങ്ങുന്ന ബാഗും നഷ്ടമായിട്ടുണ്ട്. വള്ളികുന്നം പൊലീസ് സ്ഥലത്ത് എത്തി മേൽനടപടികൾ സ്വീകരിച്ചു.
വായനക്കാരുടെ അഭിപ്രായങ്ങള് അവരുടേത് മാത്രമാണ്, മാധ്യമത്തിേൻറതല്ല. പ്രതികരണങ്ങളിൽ വിദ്വേഷവും വെറുപ്പും കലരാതെ സൂക്ഷിക്കുക. സ്പർധ വളർത്തുന്നതോ അധിക്ഷേപമാകുന്നതോ അശ്ലീലം കലർന്നതോ ആയ പ്രതികരണങ്ങൾ സൈബർ നിയമപ്രകാരം ശിക്ഷാർഹമാണ്. അത്തരം പ്രതികരണങ്ങൾ നിയമനടപടി നേരിടേണ്ടി വരും.