വേ​ലി​യേ​റ്റം: വെ​ള്ള​പ്പൊ​ത്തിന് കാരണം ത​ണ്ണീ​ർ​മു​ക്കം ബ​ണ്ടി​ന്‍റെ ഷ​ട്ട​റു​ക​ൾ അ​ട​ച്ച​ത്

അ​രൂ​ർ: വേ​മ്പ​നാ​ട്ട് കാ​യ​ലി​ൽ വേ​ലി​യേ​റ്റ​ത്തി​ൽ വെ​ള്ള​പ്പൊ​ക്കം ഉ​ണ്ടാ​കു​ന്ന​ത്​ ത​ണ്ണീ​ർ​മു​ക്കം ബ​ണ്ടി​ന്‍റെ ഷ​ട്ട​റു​ക​ൾ അ​ട​ച്ച​തു​മൂ​ല​മാ​ണെ​ന്ന്​ കാ​യ​ലി​നെ കു​റി​ച്ച് പ​ഠ​നം ന​ട​ത്തു​ന്ന കു​ഫോ​സി​ന്‍റെ റി​പ്പോ​ർ​ട്ട്.

എ​റ​ണാ​കു​ളം, ആ​ല​പ്പു​ഴ, കോ​ട്ട​യം ജി​ല്ല​ക​ളി​ൽ വേ​മ്പ​നാ​ട് കാ​യ​ലി​നോ​ട് ചേ​ർ​ന്നു കി​ട​ക്കു​ന്ന​തും ബ​ണ്ടി​ന് വ​ട​ക്കോ​ട്ടു​ള്ള​തു​മാ​യ പ​ഞ്ചാ​യ​ത്തു​ക​ളി​ലാ​ണ്​ വെ​ള്ള​പ്പൊ​ക്ക ഭീ​ഷ​ണി. ത​ണ്ണീ​ർ​മു​ക്കം ബ​ണ്ടി​ന്‍റെ ഷ​ട്ട​റു​ക​ൾ അ​ട​ക്കു​മ്പോ​ഴാ​ണ്​ വെ​ള്ള​പ്പൊ​ക്കം ഉ​ണ്ടാ​കു​ന്ന​ത്. എ​ല്ലാ വ​ർ​ഷ​വും വൃ​ശ്ചി​ക മാ​സ​ത്തി​ൽ വേ​ലി​യേ​റ്റ വെ​ള്ള​പ്പൊ​ക്കം പ​ണ്ടു​മു​ത​ലേ ഉ​ണ്ടാ​കാ​റു​ണ്ട്.

കാ​യ​ലി​ന്‍റെ ഇ​പ്പോ​ഴ​ത്തെ അ​വ​സ്ഥ​യെ​ക്കു​റി​ച്ച് പ​ഠി​ക്കാ​ൻ സം​സ്ഥാ​ന സ​ർ​ക്കാ​ർ കു​ഫോ​സി​നെ ചു​മ​ത​ല​പ്പെ​ടു​ത്തി​യ​ത​നു​സ​രി​ച്ചാ​ണ്​ ഇ​വ​ർ പ​ഠ​നം ന​ട​ത്തി റി​പ്പോ​ർ​ട്ട് സ​ർ​ക്കാ​റി​ന്​ ന​ൽ​കി​യ​ത്.

ഏ​റ്റ​വും ഗു​രു​ത​ര​മാ​യ കാ​ര്യം കാ​യ​ലി​ന്‍റെ അ​ടി​ത്ത​ട്ടി​ൽ അ​ടി​ഞ്ഞ് കൂ​ടി​യ പ്ലാ​സ്റ്റി​ക് മാ​ലി​ന്യ​മാ​ണ്. കാ​യ​ൽ കൈ​യേ​റ്റം, കാ​യ​ലി​ന്‍റെ ആ​ഴ​ക്കു​റ​വ്, കാ​യ​ൽ മ​ലി​നീ​ക​ര​ണം ഇ​വ​യും വെ​ള്ള​പ്പൊ​ക്ക​ത്തി​ന് കാ​ര​ണ​ങ്ങ​ളാ​ണെ​ന്ന്​ റി​പ്പോ​ർ​ട്ട്​ ചൂ​ണ്ടി​ക്കാ​ട്ടു​ന്നു. ഇ​തി​ൽ പ്ലാ​സ്റ്റി​ക് മാ​ലി​ന്യം നീ​ക്കം ചെ​യ്യു​ന്ന​തി​ന് ശ​നി​യാ​ഴ്ച തു​ട​ക്കം കു​റി​ച്ചു. ആ​ല​പ്പു​ഴ ജി​ല്ല മാ​ത്രം വി​ചാ​രി​ച്ചാ​ൽ പ​രി​ഹ​രി​ക്കേ​ണ്ട വി​ഷ​യ​മ​ല്ല കാ​യ​ൽ സം​ര​ക്ഷ​ണ​മെ​ന്ന്​ ചൂ​ണ്ടി​കാ​ണി​ക്ക​പ്പെ​ടു​ന്നു​ണ്ട്.

സം​ഭ​ര​ണ​ശേ​ഷി കു​റ​ഞ്ഞ​ത് വെ​ള്ള​പ്പൊ​ക്ക​ത്തി​ന് കാ​ര​ണം

വേ​ലി​യേ​റ്റ​ത്തി​നും വേ​ലി​യി​റ​ക്ക​ത്തി​നും അ​നു​സ​രി​ച്ച് കാ​യ​ലി​ലെ ജ​ല​നി​ര​പ്പി​ലും മാ​റ്റം വ​രും. സാ​ധാ​ര​ണ ആ​റു​മ​ണി​ക്കൂ​റോ​ളം നീ​ണ്ടു​നി​ൽ​ക്കു​ന്ന വേ​ലി​യേ​റ്റ​വും വേ​ലി​യി​റ​ക്ക​വു​മാ​ണ്​ കാ​യ​ലി​ലെ ജ​ല​നി​ര​പ്പ് നി​യ​ന്ത്രി​ക്കു​ന്ന​ത്. ക​ട​ലി​ൽ വേ​ലി​യേ​റ്റ​മു​ണ്ടാ​കു​മ്പോ​ൾ കൊ​ച്ചി​ക്കാ​യ​ലി​ലൂ​ടെ വേ​മ്പ​നാ​ട്ടു കാ​യ​ലി​ലേ​ക്ക് വെ​ള്ളം ഒ​ഴു​കി​യെ​ത്തും. വേ​ലി​യേ​റ്റ​ത്തി​ൽ ക​യ​റി​യ വെ​ള്ളം വേ​ലി​യി​റ​ക്ക സ​മ​യ​ങ്ങ​ളി​ൽ ക​ട​ലി​ലേ​ക്ക് ഇ​റ​ങ്ങാ​തെ വ​രു​ന്ന​തും കി​ഴ​ക്ക​ൻ വെ​ള്ളം കൂ​ടു​ത​ലാ​യി കാ​യ​ലി​ലേ​ക്ക് എ​ത്തു​ന്ന​തും കാ​യ​ൽ​ത്തീ​ര​ങ്ങ​ളി​ൽ വെ​ള്ള​പ്പൊ​ക്ക​ത്തി​നു കാ​ര​ണ​മാ​കും. വേ​മ്പ​നാ​ട്ടു​കാ​യ​ലി​ന്റെ ആ​ഴം​കൂ​ട്ടി സം​ഭ​ര​ണ​ശേ​ഷി വ​ർ​ധി​പ്പി​ക്കു​ക​യാ​ണ് ഇ​തി​നു പ്ര​തി​വി​ധി​യെ​ന്ന്​ റി​പ്പോ​ർ​ട്ടി​ൽ പ​റ​യു​ന്നു. അ​ന്ധ​കാ​ര​ന​ഴി​യി​ലെ മ​ണ​ൽ​ത്തി​ട്ട നീ​ക്കം ചെ​യ്യാ​ൻ സ്ഥി​രം​സം​വി​ധാ​ന​മി​ല്ലാ​ത്ത​ത് തു​റ​വൂ​ർ മേ​ഖ​ല​യി​ലെ വെ​ള്ള​പ്പൊ​ക്ക​ത്തി​ന് കാ​ര​ണ​മാ​കു​ന്നു​ണ്ട്.