ദേവി, ശിവ
ചേർത്തല: സ്വകാര്യ ബസ് യാത്രക്കിടെ വയോധികയുടെ സ്വർണമാല പൊട്ടിച്ചെടുത്ത ആന്ധ്ര സ്വദേശികളായ സ്ത്രീകളെ യാത്രക്കാരുടെ സഹായത്തോടെ പൊലീസ് പിടികൂടി. തിരുപ്പൂർ ചെട്ടിപ്പാളയം കോവിൽ വളവ് ഡോർ നമ്പർ 13ൽ താമസിക്കുന്ന ദേവി (39), ശിവ (36) എന്നിവരെയാണ് ബസ് യാത്രക്കാരുടെ സഹായത്തോടെ പൊലീസ് പിടികൂടിയത്.
ശനിയാഴ്ച രാവിലെ കോട്ടയത്തുനിന്ന് ചേർത്തലയിലേക്ക് സർവിസ് നടത്തിയ സ്വകാര്യ ബസിൽ യാത്ര ചെയ്ത വാരനാട് കുപ്പക്കാട്ടിൽ ദേവകിയുടെ സ്വർണമാലയാണ് ഇവർ പൊട്ടിച്ചെടുത്തത്. മാല പൊട്ടിച്ചത് പെട്ടെന്ന് ശ്രദ്ധയിൽപെട്ടതോടെ ദേവകി മറ്റു യാത്രക്കാരോട് വിവരം പറയുകയായിരുന്നു.
തുടർന്ന് യാത്രക്കാരുടെ സഹായത്തോടെ ഇരുവരെയും പിടികൂടി. ഉടൻ ചേർത്തല പൊലീസിൽ വിവരം അറിയിച്ചു. പൊലീസ് സ്ഥലത്തെത്തി ഇരുവരെയും അറസ്റ്റ് ചെയ്തു കോടതിയിൽ ഹാജരാക്കി റിമാൻഡ് ചെയ്തു.
വായനക്കാരുടെ അഭിപ്രായങ്ങള് അവരുടേത് മാത്രമാണ്, മാധ്യമത്തിേൻറതല്ല. പ്രതികരണങ്ങളിൽ വിദ്വേഷവും വെറുപ്പും കലരാതെ സൂക്ഷിക്കുക. സ്പർധ വളർത്തുന്നതോ അധിക്ഷേപമാകുന്നതോ അശ്ലീലം കലർന്നതോ ആയ പ്രതികരണങ്ങൾ സൈബർ നിയമപ്രകാരം ശിക്ഷാർഹമാണ്. അത്തരം പ്രതികരണങ്ങൾ നിയമനടപടി നേരിടേണ്ടി വരും.