ജില്ലക്ക് അനുവദിച്ച വാഹനങ്ങളുടെ ഫ്ലാഗ്ഓഫ് ജില്ല പൊലീസ് മേധാവി ചൈത്ര തെരേസ ജോൺ നിർവഹിക്കുന്നു
ആലപ്പുഴ: കേരള പൊലീസ് സ്റ്റേറ്റ് പ്ലാൻ സ്കീമിൽ ഉൾപ്പെടുത്തി ജില്ല പൊലീസിന് അനുവദിച്ച 12 വാഹനത്തിന്റെ ഫ്ലാഗ്ഓഫ് ജില്ല ആസ്ഥാനത്ത് ജില്ല പൊലീസ് മേധാവി ചൈത്ര തെരേസ ജോൺ നിർവഹിച്ചു. എട്ട് ബൊലേറോ ജീപ്പും രണ്ട് എക്സ്.യു.വി 300ഉം രണ്ട് മോട്ടോർ സൈക്കിളുമാണ് ജില്ലക്ക് അനുവദിച്ചത്.
പൊലീസ് സ്റ്റേഷനുകളിലെ പഴയ വാഹനങ്ങൾ മാറ്റാനാണ് പുതിയവ അനുവദിച്ചത്. 10 വർഷവും അതില് കൂടുതലും പഴക്കമുള്ള വാഹനങ്ങള് ഇനിമുതല് ജില്ലയിൽ ഒരു സ്റ്റേഷനിലും ഉണ്ടാവില്ല. എല്ലാ പൊലീസ് സ്റ്റേഷനിലും രണ്ട് ജിപ്പ് വീതം ഉണ്ടാവും. എക്സ്.യു.വി 300 ജില്ല സ്പെഷൽ ബ്രാഞ്ച് ഡിവൈ.എസ്.പിക്കും ജില്ല ഫിംഗർ ബ്യൂറോക്കുമാണ് അനുവദിച്ചത്. അഡീഷനൽ എസ്.പി എസ്.ടി. സുരേഷ് കുമാർ, ഡി.എച്ച്.ക്യു അസി. കമാൻഡന്റ് ഇൻ ചാർജ് ബി. സുദർശനൻ, എം.ടി.ഒ ജിജോ ജോസഫ് ജോർജ് എന്നിവർ പങ്കെടുത്തു.
വായനക്കാരുടെ അഭിപ്രായങ്ങള് അവരുടേത് മാത്രമാണ്, മാധ്യമത്തിേൻറതല്ല. പ്രതികരണങ്ങളിൽ വിദ്വേഷവും വെറുപ്പും കലരാതെ സൂക്ഷിക്കുക. സ്പർധ വളർത്തുന്നതോ അധിക്ഷേപമാകുന്നതോ അശ്ലീലം കലർന്നതോ ആയ പ്രതികരണങ്ങൾ സൈബർ നിയമപ്രകാരം ശിക്ഷാർഹമാണ്. അത്തരം പ്രതികരണങ്ങൾ നിയമനടപടി നേരിടേണ്ടി വരും.