ചേർത്തല: എസ്.എൻ.ഡി.പി യോഗം ജനറൽ സെക്രട്ടറി വെള്ളാപ്പള്ളി നടേശൻ ശ്രീനാരായണ പ്രസ്ഥാനങ്ങളുടെ നേതൃസ്ഥാനത്ത് 25 വർഷം പൂർത്തിയാക്കിയതിൻെറ സ്നേഹാദരവായി യോഗത്തിൻെറയും ട്രസ്റ്റിൻെറയും കീഴിലെ സ്കൂളിലെ ജീവനക്കാർ 32 സ്നേഹ വീടുകൾ നിർമിച്ചു നൽകും. 'ഒരു വിദ്യാലയം ഒരു വീട്' പേരിൽ നടപ്പാക്കുന്ന പദ്ധതിയുടെ സംസ്ഥാനതല ഉദ്ഘാടനം ചേർത്തല എസ്.എൻ. ട്രസ്റ്റ് എച്ച്.എസ്.എസിലെ പ്ലസ്ടു വിദ്യാർഥിയുടെ വീടിന് ശിലാസ്ഥാപനം നടത്തി വെള്ളാപ്പള്ളി നടേശൻ നിർവഹിച്ചു. ഈ സമയം തന്നെ കേരളത്തിൻെറ വിവിധ ഭാഗങ്ങളിൽ മറ്റ് 31 വീടുകളുടെയും ശിലാസ്ഥാപനവും നടത്തി. മൂന്നു മാസത്തിനുള്ളിൽ നിർമാണം പൂർത്തിയാക്കി ഒരു വേദിയിൽ വെച്ച് താക്കോൽ കൈമാറാനാണ് തീരുമാനം. കണിച്ചുകുളങ്ങരയിൽ നടന്ന ചടങ്ങിൽ യോഗം വിദ്യാഭ്യാസ സെക്രട്ടറി സി.പി. സുദർശനൻ, എസ്.എൻ. ട്രസ്റ്റ് ബോർഡ് അംഗം ചള്ളിയിൽ സ്വാമിനാഥൻ, പി.എസ്.എൻ. ബാബു, പി.കെ. ധനേശൻ, യു. ജയൻ, ടി.കെ. പ്രശോഭ, സിബി നടേശ്, സജിമോൻ, സുദീപ് പി. ദാസ് എന്നിവർ പങ്കെടുത്തു. ിത്രം : 'ഒരു വിദ്യാലയം ഒരു വീട്' പദ്ധതി ചേർത്തല എസ്.എൻ. ട്രസ്റ്റ് എച്ച്.എസ്.എസിലെ പ്ലസ്ടു വിദ്യാർഥിയുടെ വീടിന് ശിലാസ്ഥാപനം നടത്തി വെള്ളാപ്പള്ളി നടേശൻ ഉദ്ഘാടനം ചെയ്യുന്നു
വായനക്കാരുടെ അഭിപ്രായങ്ങള് അവരുടേത് മാത്രമാണ്, മാധ്യമത്തിേൻറതല്ല. പ്രതികരണങ്ങളിൽ വിദ്വേഷവും വെറുപ്പും കലരാതെ സൂക്ഷിക്കുക. സ്പർധ വളർത്തുന്നതോ അധിക്ഷേപമാകുന്നതോ അശ്ലീലം കലർന്നതോ ആയ പ്രതികരണങ്ങൾ സൈബർ നിയമപ്രകാരം ശിക്ഷാർഹമാണ്. അത്തരം പ്രതികരണങ്ങൾ നിയമനടപടി നേരിടേണ്ടി വരും.
വായനക്കാരുടെ അഭിപ്രായങ്ങള് അവരുടേത് മാത്രമാണ്, മാധ്യമത്തിേൻറതല്ല. പ്രതികരണങ്ങളിൽ വിദ്വേഷവും വെറുപ്പും കലരാതെ സൂക്ഷിക്കുക. സ്പർധ വളർത്തുന്നതോ അധിക്ഷേപമാകുന്നതോ അശ്ലീലം കലർന്നതോ ആയ പ്രതികരണങ്ങൾ സൈബർ നിയമപ്രകാരം ശിക്ഷാർഹമാണ്. അത്തരം പ്രതികരണങ്ങൾ നിയമനടപടി നേരിടേണ്ടി വരും.