പണിമുടക്കിൽ ജില്ല നിശ്ചലമാകും

-സഹകരണ ബാങ്കുകളും റേഷൻകടകളും ഞായറാഴ്ച പ്രവർത്തിച്ചു ആലപ്പുഴ: കേന്ദ്രസർക്കാറിന്‍റെ ജനവിരുദ്ധനയങ്ങളിൽ പ്രതിഷേധിച്ച്​ സംയുക്തട്രേഡ്​ യൂനിയന്‍റെ നേതൃത്വത്തിൽ ആരംഭിച്ച 48 മണിക്കൂർ ദേശീയ . കടകമ്പോളങ്ങളും ഹോട്ടലുകളും വ്യാപാരസ്ഥാപനങ്ങളും തുറന്നുപ്രവർത്തിക്കില്ല. രണ്ടുദിവസത്തെ അവധിക്കൊപ്പം പണിമുടക്കും എത്തിയതോടെ തുടർച്ചയായ നാലുദിവസം ബാങ്കുകൾ അടഞ്ഞുകിടക്കും. ഈ പ്രതിസന്ധി മറികടക്കാൻ ജില്ലയിൽ സഹകരണ ബാങ്കുകൾ ഞായറാഴ്ച തുറന്നുപ്രവർത്തിച്ചു. എന്നാൽ, കാര്യമായ തിരക്കുണ്ടായില്ല. റേഷൻകടകളും തുറന്നു. സാധനസാമഗ്രികൾ വാങ്ങാൻ കടകളിൽ തിരക്ക്​ ഏറെയായിരുന്നു. വാഹനങ്ങളുടെ നീണ്ട ക്യൂ പെട്രോൾപമ്പുകളിലുമുണ്ടായിരുന്നു. കെ.എസ്​.ആർ.ടി.സി സർവിസുകൾ വെട്ടിച്ചുരുക്കിയതോടെ പലയിടത്തും യാത്രാ​​ക്ലേശം രൂക്ഷമായി. മറ്റ്‌ യാത്രാസൗകര്യമില്ലാത്ത പെരുമ്പളത്ത്‌ മൂന്ന്‌ ഫെറികൾ ജലഗതാഗതവകുപ്പ്‌ ഓടിക്കും. വാട്ടർ ആംബുലൻസ്‌ സർവിസുമുണ്ടാകും. സ്വകാര്യബസുകളുടെ സമരം ഞായറാഴ്ച ഉച്ചയോടെ പിൻവലിച്ചെങ്കിലും ബസുകൾ നിരത്തിലിറങ്ങിയില്ല. സ്വകാര്യബസ്​ സമരം പരീക്ഷകാലത്ത്​ വിദ്യാർഥികളെ ഏറെ വലച്ചിരുന്നു. പ്ലസ്​ടു പരീക്ഷകൾ തുടങ്ങുന്ന ബുധനാഴ്ച മുതൽ സ്വകാര്യബസുകൾ സജീവമാകുന്നത്​ ആശ്വാസമാണ്​. വ്യാഴാഴ്ചയാണ്​ എസ്​.എസ്​.എൽ.സി പരീക്ഷ തുടങ്ങുക. കർഷക, കർഷകത്തൊഴിലാളി സംഘടനകളും കേന്ദ്ര-സംസ്ഥാന സർവിസ്‌ സംഘടനകളും അധ്യാപക സംഘടനകളും ബി.എസ്‌.എൻ.എൽ, എൽ.ഐ.സി, ബാങ്ക്‌ ജീവനക്കാരുടെ സംഘടനകളും തുറമുഖ തൊഴിലാളികളുമാണ്​ പണിമുടക്കിൽ പങ്കാളികളാവുന്നത്​. പണിമുടക്കിന്‍റെ ഭാഗമായി ജില്ലയിൽ വിവിധയിടങ്ങളിൽ സംയുക്തപ്രകടനവും പൊതുസമ്മേളനവും നടത്തും. ജില്ലയിലെ പഞ്ചായത്ത് - മുനിസിപ്പൽ കേന്ദ്രങ്ങളിൽ സമരകേന്ദ്രങ്ങൾ തുറക്കും. തൊഴിലാളികൾ ഈ സമരകേന്ദ്രങ്ങളിൽ ധർണ നടത്തും. അധികസർവിസുമായി കെ.എസ്​.ആർ.ടി.സി ആലപ്പുഴ: സ്വകാര്യബസ്​ പണിമുടക്കിൽ കെ.എസ്​.ആർ.ടി.സി​ ​അധികസർവിസ്​ നടത്തി. ഞായറാഴ്ച ആലപ്പുഴ ഡിപ്പോയിൽനിന്ന്​ 53 സർവിസാണ്​ ഓടിയത്​. സാധാരണ ഞായറാഴ്ചകളിൽ 45 സർവിസുകളാണ്​ നടത്തുന്നത്​. സ്വകാര്യബസ്​ പണിമുടക്ക്​ കണക്കിലെടുത്താണ്​ കൂടുതൽ സ്ഥലങ്ങളിലേക്ക്​ ബസുകൾ ഓടിയത്​. അവധിദിനമായതിനാൽ യാത്രക്കാരുടെ എണ്ണം കുറവായിരുന്നു. വെള്ളിയാഴ്​ച 63ഉം ശനിയാഴ്ച 62ഉം സർവിസുകളാണ്​ നടത്തിയത്​. APL ration shop അവധിദിനമായ ഞായറാഴ്ച തുറന്ന പുന്നപ്ര കളത്തട്ടിലെ റേഷൻകടയിൽ എത്തിയവർ