ആലപ്പുഴ: വിവിധ ആവശ്യങ്ങളുന്നയിച്ച് ചെറുകിട കയർ ഫാക്ടറി സൊസൈറ്റീസ് അസോസിയേഷൻ ആഭിമുഖ്യത്തിൽ വിവിധ കയറ്റുമതി സ്ഥാപനങ്ങൾക്ക് മുന്നിൽ ബുധനാഴ്ച പ്രക്ഷോഭ പ്രചാരണജാഥ നടത്തും. രാവിലെ ഒമ്പതിന് എൻ.സി. ജോൺ കമ്പനിക്ക് മുന്നിൽനിന്ന് ജാഥ ആരംഭിക്കും. സി.പി.എം ജില്ല സെക്രട്ടറി ആർ. നാസർ ഉദ്ഘാടനം നിർവഹിക്കും. തുടർന്ന് ഉച്ചക്കുശേഷമുള്ള പര്യടനം ഇന്ത്യൻ എംപോറിയത്തിന് മുന്നിൽ കയർ ഗുഡ്സ് അസോ. പ്രസിഡന്റ് കെ.ആർ. രാജേന്ദ്രപ്രസാദ് ഉദ്ഘാടനം ചെയ്യും. വൈകീട്ട് 4.30ന് മുഹമ്മ ബ്രദേഴ്സ് കയർ മിൽസിൽ സമാപന സമ്മേളനം സി.പി.ഐ ജില്ല എക്സിക്യൂട്ടിവ് അംഗം എൻ.എസ്. ശിവപ്രസാദ് ഉദ്ഘാടനം ചെയ്യും. വാർത്തസമ്മേളനത്തിൽ അസോസിയേഷൻ സെക്രട്ടറി വി.എം. ഹരിഹരൻ, നേതാക്കളായ എം.പി. പവിത്രൻ, കെ.ആർ. ഭഗീരഥൻ, കെ.വി. സതീശൻ, ടി.എ. ജോസഫ്, കെ.വി. രമേശൻ, പി.എൻ. സുധീർ എന്നിവർ പങ്കെടുത്തു.
വായനക്കാരുടെ അഭിപ്രായങ്ങള് അവരുടേത് മാത്രമാണ്, മാധ്യമത്തിേൻറതല്ല. പ്രതികരണങ്ങളിൽ വിദ്വേഷവും വെറുപ്പും കലരാതെ സൂക്ഷിക്കുക. സ്പർധ വളർത്തുന്നതോ അധിക്ഷേപമാകുന്നതോ അശ്ലീലം കലർന്നതോ ആയ പ്രതികരണങ്ങൾ സൈബർ നിയമപ്രകാരം ശിക്ഷാർഹമാണ്. അത്തരം പ്രതികരണങ്ങൾ നിയമനടപടി നേരിടേണ്ടി വരും.