കലവൂരിൽ കാറുകൾ കൂട്ടിയിടച്ചു; പൂച്ചാക്കൽ സി.ഐ ഉൾപ്പെടെ രണ്ടുപേർക്ക്​ പരിക്ക്​

ആലപ്പുഴ: ദേശീയപാതയിൽ കലവൂരിൽ കാറുകൾ കൂട്ടിയിടിച്ച്​ പൂച്ചാക്കൽ സി.ഐ ഉൾപ്പെടെ രണ്ടുപേർക്ക്​ പരിക്ക്​. ചൊവ്വാഴ്ച രാവിലെ 7.30ന്​ കൊച്ചുപള്ളിക്ക് സമീപമാണ്​ അപകടം. പൂച്ചാക്കൽ സി.ഐ എം. അജയമോഹൻ, തിരുവല്ല പാലമറ്റം ഈപ്പന്‍റെ മകൻ ജെറിൻ അലക്സ് എന്നിവർക്കാണ് പരിക്കേറ്റത്. കലവൂർ സ്വദേശിയായ അജയമോഹൻ രാവിലെ സ്​റ്റേഷനിലേക്ക് കാറിൽ പോകവേ എതിരെ വന്ന കാർ ഇടിക്കുകയായിരുന്നു. ഇടിയുടെ ആഘാതത്തിൽ അജയമോഹൻ സഞ്ചരിച്ച കാർ റോഡിന്‍റെ താഴ്ചയിലേക്ക്​ തെറിച്ചുവീണു. നാട്ടുകാരാണ് ഇരുവാഹനത്തിലുമുണ്ടായിരുന്നവരെ ആശുപത്രിയിൽ എത്തിച്ചത്. ചേർത്തലയിലെ സ്വകാര്യ ആശുപത്രിയിൽ എത്തിച്ച അജയമോഹനനെ പിന്നീട് എറണാകുളത്തെ സ്വകാര്യ ആശുപത്രിയിലേക്കു മാറ്റി. അപകടത്തെത്തുടർന്ന് ഗതാഗതം ഭാഗികമായി തടസ്സപ്പെട്ടു. റോഡിൽ ചിതറിക്കിടന്ന ഓയിലും ചില്ലുകഷണങ്ങളും ആലപ്പുഴയിൽനിന്ന്​ എത്തിയ അഗ്​നിരക്ഷാസേന നീക്കി. APL CAR1, APL CAR2 ആലപ്പുഴ കലവൂരിൽ കൂട്ടിയിടിച്ച്​ തകർന്ന കാറുകൾ APL fire force അപകടത്തെത്തുടർന്ന്​ അഗ്​നിരക്ഷാസേന റോഡ്​ വൃത്തിയാക്കുന്നു