മാരാരിക്കുളം: കോവിഡ് മൂന്നാം തരംഗത്തെ പ്രതിരോധിക്കാനും നിയന്ത്രണ വിധേയമാക്കുന്നതിലും തദ്ദേശ സ്ഥാപനങ്ങളുടെ പങ്ക് നിർണായകമാണെന്നും മുമ്പ് തദ്ദേശ സ്ഥാപനങ്ങൾ നടത്തിയ പ്രവർത്തനങ്ങൾ മാതൃകാപരമാണെന്നും എം.എം. ആരിഫ് എം.പി. കോവിഡ് മൂന്നാം വ്യാപനത്തിന്റെ പ്രതിരോധ പ്രവർത്തനങ്ങൾക്ക് തുടക്കം കുറിച്ച് കഞ്ഞിക്കുഴി പഞ്ചായത്ത് സംഘടിപ്പിച്ച ഓൺലൈൻ ആരോഗ്യ ഗ്രാമസഭകളുടെ ഉദ്ഘാടനം നിർവഹിക്കുകയായിരുന്നു എം.പി. പഞ്ചായത്ത് പ്രസിഡന്റ് ഗീത കാർത്തികേയൻ അധ്യക്ഷത വഹിച്ചു. ജില്ല മാസ് മീഡിയ ഓഫിസർ സുജ, മെഡിക്കൽ ഓഫിസർ സജില എസ്. പിള്ള, സീനിയർ ഹെൽത്ത് ഇൻസ്പെക്ടർ ജോബി എം. ലീൻ, കമ്യൂണിറ്റി കൗൺസിലർ കസ്തൂരി, പഞ്ചായത്ത് സെക്രട്ടറി പി. ഗീതകുമാരി, അസിസ്റ്റൻറ് സെക്രട്ടറി എ.എസ്. ഗോപാലകൃഷ്ണൻ, വിവിധ സ്ഥിരം സമിതി ചെയർമാൻമാർ, ജനപ്രതിനിധികൾ തുടങ്ങിയവർ സംസാരിച്ചു. വൈസ് പ്രസിഡന്റ് എം. സന്തോഷ് കുമാർ സ്വാഗതവും ക്ഷേമകാര്യ സ്ഥിരം സമിതി ചെയർമാൻ ബൈ രഞ്ജിത്ത് നന്ദിയും പറഞ്ഞു. പടം: കഞ്ഞിക്കുഴി പഞ്ചായത്ത് സംഘടിപ്പിച്ച ഓൺലൈൻ ആരോഗ്യ ഗ്രാമസഭകളുടെ ഉദ്ഘാടനം എ.എം. ആരിഫ് എം.പി നിർവഹിക്കുന്നു
വായനക്കാരുടെ അഭിപ്രായങ്ങള് അവരുടേത് മാത്രമാണ്, മാധ്യമത്തിേൻറതല്ല. പ്രതികരണങ്ങളിൽ വിദ്വേഷവും വെറുപ്പും കലരാതെ സൂക്ഷിക്കുക. സ്പർധ വളർത്തുന്നതോ അധിക്ഷേപമാകുന്നതോ അശ്ലീലം കലർന്നതോ ആയ പ്രതികരണങ്ങൾ സൈബർ നിയമപ്രകാരം ശിക്ഷാർഹമാണ്. അത്തരം പ്രതികരണങ്ങൾ നിയമനടപടി നേരിടേണ്ടി വരും.