പൂച്ചാക്കൽ: പാണാവള്ളി എളംകുളം പാടശേഖരം ശക്തമായ വേലിയേറ്റത്തിൽ മുങ്ങി. 70 ഏക്കറോളമുള്ള പാടശേഖരത്തിലെ 50 ഏക്കറിൽ മുൻ പഞ്ചായത്ത് മെംബർ പി.എൻ. ഷിബു എട്ട് ലക്ഷത്തോളം മുടക്കിയാണ് കൃഷി നടത്തിയത്. ഓരുമുട്ട് ഇടാത്തതിനാൽ ഉപ്പുവെള്ളം കയറി കതിര് പൊട്ടി വന്ന ചെടിയെല്ലാം നശിച്ചു. തരിശു കിടക്കുന്ന കാരാള പതി പാടം ഓരുവെള്ളത്തിൽ മുങ്ങി അവിടെനിന്ന് റാവുത്തർ കലുങ്ക് വഴിയാണ് എളംകുളം പാടത്ത് വെള്ളം എത്തിയത്. 13 ലക്ഷം രൂപയുടെ നഷ്ടമാണ് കണക്കാക്കുന്നത്. ഉളെവയ്പ് കൊറ്റശ്ശേരി പാടശേഖരത്തിലും വെള്ളം കയറി നഷ്ടം സംഭവിച്ചിട്ടുണ്ട്. ചിത്രം : എളംകുളം പാടശേഖരത്തിൽ ഓരുവെള്ളം കയറിയപ്പോൾ
വായനക്കാരുടെ അഭിപ്രായങ്ങള്‍ അവരുടേത് മാത്രമാണ്, മാധ്യമത്തിേൻറതല്ല. പ്രതികരണങ്ങളിൽ വിദ്വേഷവും വെറുപ്പും കലരാതെ സൂക്ഷിക്കുക. സ്പർധ വളർത്തുന്നതോ അധിക്ഷേപമാകുന്നതോ അശ്ലീലം കലർന്നതോ ആയ പ്രതികരണങ്ങൾ സൈബർ നിയമപ്രകാരം ശിക്ഷാർഹമാണ്. അത്തരം പ്രതികരണങ്ങൾ നിയമനടപടി നേരിടേണ്ടി വരും.