സംസ്ഥാന വെയ്​റ്റ്​ ലിഫിറ്റിങ്​ ചാമ്പ്യൻഷിപ്പിന്​ ഇന്ന്​ തുടക്കം

ആലപ്പുഴ: സംസ്ഥാന വനിത-പുരുഷ വെയ്റ്റ്​ ലിഫ്​റ്റിങ്​ ചാമ്പ്യൻഷിപ് പുന്നപ്ര നോർത്ത് പഞ്ചായത്ത് കമ്യൂണിറ്റി ഹാളിൽ വെള്ളി, ശനി ദിവസങ്ങളിൽ നടക്കുമെന്ന്​ ഭാരവാഹികൾ അറിയിച്ചു. വെള്ളിയാഴ്​ച രാവിലെ 10ന് എച്ച്. സലാം എം.എൽ.എ ഉദ്ഘാടനം ചെയ്യും. അഭിനേതാവും മുൻ വെയ്റ്റ്ലിഫ്റ്ററുമായ രഞ്ജി പണിക്കരെ ആദരിക്കും. ശനിയാഴ്​ച വൈകീട്ട് 5.30ന് സമാപനസമ്മേളനത്തിൽ ജില്ല പഞ്ചായത്ത് അംഗം ഗീത ബാബു, പുന്നപ്ര ബ്ലോക്ക് പഞ്ചായത്ത് പ്രസിഡൻറ്​ ഷീബ രാകേഷ് എന്നിവർ സമ്മാനദാനം നിർവഹിക്കും. ജില്ല വെയ്റ്റ്​ ലിഫ്റ്റിങ്​ അസോസിയേഷൻ, സംസ്ഥാന വെയ്റ്റ്​ ലിഫിറ്റിങ്​ അസോസിയേഷൻ എന്നിവയുടെ ആഭിമുഖ്യത്തിൽ നടക്കുന്ന മത്സരത്തിൽ 14 ജില്ലകളിൽനിന്ന്​ 250ലധികം താരങ്ങൾ പങ്കെടുക്കും. ജനുവരിയിൽ ഒഡിഷയിൽ നടക്കുന്ന ദേശീയമത്സരങ്ങളിൽ പങ്കെടുക്കുന്ന കേരള ടീമി​ൻെറ തെരഞ്ഞെടുപ്പ്​ നടക്കും​. വാർത്തസമ്മേളനത്തിൽ ഭാരവാഹികളായ ജി. ബാലകൃഷ്ണൻ, കെ. ശ്രീകുമാർ, എൻ. ചന്ദ്രഭാനു, ടി.കെ. വികാസ് എന്നിവർ പങ്കെടുത്തു. ഫ്യുമ്മ ഫർണിച്ചർ ഫെസ്​റ്റിവൽ നാളെ മുതൽ ആലപ്പുഴ: ഫർണിച്ചർ മാനുഫാക്ചറേഴ്സ് ആൻഡ്​ മർച്ചൻറ്​സ്​ വെൽഫെയർ അസോസിയേഷൻ (ഫ്യുമ്മ) ജില്ല കമ്മിറ്റിയുടെ ഫർണിച്ചർ ഷോപ്പിങ്​ ഫെസ്​റ്റിവൽ ശനിയാഴ്​ച ആരംഭിക്കുമെന്ന്​ സംഘാടകർ വാർത്തസമ്മേളനത്തിൽ അറിയിച്ചു. ക്രിസ്മസ്-പുതുവത്സരത്തെ വരവേൽക്കാനും കോവിഡ് പ്രതിസന്ധിയിലായ ഫർണിച്ചർ വ്യവസായത്തിന് പുത്തൻ ഉണർവ് നൽകാനുമാണ്​ ലക്ഷ്യമിടുന്നത്​. 15 ലക്ഷത്തോളം രൂപയുടെ 500ലേറെ സമ്മാനങ്ങളാണ് നറുക്കെടുപ്പിലൂടെ ഉപഭോക്താക്കൾക്ക് നൽകുന്നത്. അസോസിയേഷനിൽ അംഗത്വമുള്ള ജില്ലയിലെ ഫർണിച്ചർ സ്ഥാപനത്തിൽനിന്ന്​ ഉൽപന്നങ്ങൾ വാങ്ങുന്നവർക്കാണ്​ സമ്മാനകൂപ്പണുകൾ ലഭിക്കുക. കൂപ്പൺ വഴി സമാഹരിക്കുന്ന തുകയുടെ ഒരുഭാഗം സാന്ത്വന പ്രവർത്തനങ്ങൾക്ക്​ വിനിയോഗിക്കും. 100 പേർക്ക് ഡയാലിസിസ്, സർക്കാർ ആശുപത്രികൾക്കായി ഐ.സി.യു കിടക്ക, കസേര, സ്​റ്റാൻഡ് എന്നിവയും നൽകും. ശനിയാഴ്​ച ൈവകീട്ട് അഞ്ചിന് ആലപ്പുഴ റമദ ഹോട്ടലിൽ നടക്കുന്ന ചടങ്ങിൽ മന്ത്രി പി. പ്രസാദ് ഫെസ്​റ്റിവൽ ഉദ്​ഘാടനം ചെയ്യും. സമ്മാനകൂപ്പൺ വിതരണോദ്​ഘാടനം പി.പി. ചിത്തരഞ്ജൻ എം.എൽ.എ നിർവഹിക്കും. വാർത്തസമ്മേളനത്തിൽ ഭാരവാഹികളായ ടോമി പുലിക്കാട്ടിൽ, ആൻറണി ചാക്കോ, തോമസ് ആ​േൻറാ പുളിക്കൻ, അനിൽകുമാർ, ആർ. മുരളി, ഷാജി സുര്യ, ബിജു മോഹൻ എന്നിവർ പങ്കെടുത്തു.