അതിസാരവും ഛർദിയും പടരുന്നു; ആർ.ഒ പ്ലാന്‍റുകളിലെ കുടിവെള്ളം പരിശോധിക്കണം -താലൂക്ക്​ വികസന സമിതി

ആലപ്പുഴ: അതിസാരവും ഛർദിയും പടരുന്ന സാഹചര്യത്തിൽ നഗരത്തിലെ ആർ.ഒ പ്ലാന്‍റുകളിലെ കുടിവെള്ളം കൃത്യമായ ഇടവേളകളിൽ പരിശോധിച്ച്​ റി​പ്പോർട്ട്​ നൽകണമെന്ന്​ അമ്പലപ്പുഴ താലൂക്ക്​ വികസനസമിതി യോഗം. നഗരസഭ ചെയർപേഴ്​സൻ സൗമ്യരാജിന്‍റെ അധ്യക്ഷതയിൽ അമ്പലപ്പുഴ താലൂക്ക്​ ഓഫിസിൽ ചേർന്ന യോഗത്തിലാണ്​ നിർദേശം. ഇതിനൊപ്പം ജലജന്യരോഗങ്ങൾ പടരുന്നതിനാൽ കുടിവെള്ളം സൂപ്പർ ക്ലോറിനേഷൻ ചെയ്യാൻ ജല അതോറിറ്റി അധികൃതർക്ക്​ നിർദേശം നൽകി. ഗതാഗതക്കുരുക്ക്​ ഒഴിവാക്കാൻ പൊളിച്ചിട്ട പാലങ്ങളുടെ പണി ജൂൺ 30ന്​ മുമ്പ്​ തീർക്കണം. നഗരത്തിലെ ചിലയിടങ്ങളിൽ ലഹരിമരുന്ന്​, മദ്യക്കച്ചവടം, മയക്കുമരുന്ന്​, കള്ളക്കടത്ത്​ എന്നിവ വ്യാപകമായതിനാൽ പൊലീസ്​-എക്​സൈസ്​ വകുപ്പുകൾ ഇട​പെടണം. സ്കൂൾ തുറന്ന സാഹചര്യത്തിൽ കെ.എസ്​.ആർ.ടി.സി ബസ് ​സ്റ്റോപ്പുകളിൽ നിർത്താത്തതും സ്വകാര്യ ബസുകൾ റൂട്ടുമാറി ഓടുന്നതും അന്വേഷിക്കും. തി​രക്കേറിയ സ്ഥലത്തെ​ ബസ്​ സ്റ്റോപ്പുകൾ മാറ്റുന്നതിനെക്കുറിച്ച്​ ആലോചിക്കണമെന്ന്​ ആർ.ടി.ഒയോട്​ ആവശ്യപ്പെട്ടു. അമ്പലപ്പുഴ ​ബ്ലോക്ക്​ പഞ്ചായത്ത്​ പ്രസിഡന്‍റ്​ ഷീബ രാകേഷ്​, പുന്നപ്ര വടക്ക്​ പഞ്ചായത്ത്​ പ്രസിഡന്‍റ്​ സജിത സതീശൻ, പുറക്കാട്​ പഞ്ചായത്ത്​ പ്രസിഡന്‍റ്​ എ.എസ്​. സുദർശനൻ, അജ്​മൽ ഹസൻ, അഡ്വ. നാസർ എം. പൈങ്ങാമഠം, നിസാർ അഹമ്മദ്​, രവികുമാരപിള്ള, റോയി പി. തിയോച്ചൻ, അബ്ദുൽസലാം ലബ്ബ എന്നിവർ പ​​ങ്കെടുത്തു. അമ്പലപ്പുഴ തഹസിൽദാർ ​ജി.സി. പ്രേംജി സ്വാഗതവും ടി.പി. ശ്രീവിദ്യ നന്ദിയും പറഞ്ഞു. പരിപാടികൾ ഇന്ന്​ ആലപ്പുഴ ശിശുപരിചരണ ​കേന്ദ്രം: ജില്ല ശിശുക്ഷേമ സമിതിയുടെ നേതൃത്വത്തില്‍ ലോക പരിസ്ഥിതി ദിനാചരണം ഉദ്​ഘാടം എ.എം. ആരിഫ്​ എം.പി -12.30 ആലപ്പുഴ ബ്രദേഴ്​സ്​ ഓഡിറ്റോറിയം: പരിസ്ഥിതി ദിനത്തോടനുബന്ധിച്ച്​ ഭാരതീയ വിചാരകേന്ദ്രം വിചാരസദസ്സ്​ -2.30 ആലപ്പുഴ അമൃത വിദ്യാലയം: ​മാത അമൃതാനന്ദമയി സേവാസമിതിയുടെ നേതൃത്വത്തിൽ അമൃതമഠാധിപതികൾക്ക്​ സ്വീകരണം -10.00 പുന്നപ്ര സാഗര സഹകരണ ആശുപത്രി: ഇന്ത്യൻ ​മെഡിക്കൽ അസോസിയേഷൻ ജില്ല കമ്മിറ്റി നേതൃത്വത്തിൽ ജീവൻരക്ഷ പരിശീലന പരിപാടി -10.00