അമ്പലപ്പുഴ: കാക്കാഴം മുസ്ലിം ജമാഅത്ത് പള്ളിക്കുളത്തിൽ മത്സ്യ കൃഷി വിളവെടുപ്പ് നടന്നു. ഫിഷറീസ് വകുപ്പാണ് സുഭിക്ഷ കേരളം പദ്ധതിയിൽ ഉൾപ്പെടുത്തി ഇവിടെ കാർപ്പ് മത്സ്യങ്ങളെ നിക്ഷേപിച്ചത്. രണ്ടാം തവണയാണ് ജമാഅത്ത് പള്ളിക്കുളത്തിൽ മത്സ്യകൃഷി വിളവെടുപ്പ് നടക്കുന്നത്. അമ്പലപ്പുഴ തെക്ക് ഗ്രാമപഞ്ചായത്ത് പ്രസിഡന്റ് കെ. കവിത ഉദ്ഘാടനം നിർവഹിച്ചു. ജമാഅത്ത് പ്രസിഡന്റ് അഡ്വ. എ. നിസാമുദ്ദീൻ അധ്യക്ഷത വഹിച്ചു. ബ്ലോക്ക് പഞ്ചായത്തംഗം ശ്രീജ രതീഷ്, ഫിഷറീസ് എക്സ്റ്റൻഷൻ ഓഫിസർ ടി. ചന്ദ്രലേഖ, ഫിഷറീസ് ഓഫിസർ പി.എസ്. സൂര്യ, പ്രോജക്ട് കോഓഡിനേറ്റർ ഇമ്മാനുവൽ ഷാജി, അക്വാകൾചർ പ്രമോട്ടർ രഞ്ജിനി, ജമാഅത്ത് വൈസ് പ്രസിഡന്റ് എം. മുഹമ്മദ് കോയ എന്നിവർ സംസാരിച്ചു. (അമ്പലപ്പുഴ തെക്ക് ഗ്രാമപഞ്ചായത്ത് പ്രസിഡന്റ് കെ. കവിത മത്സ്യകൃഷി വിളവെടുപ്പ് ഉദ്ഘാടനം ചെയ്യുന്നു)
വായനക്കാരുടെ അഭിപ്രായങ്ങള് അവരുടേത് മാത്രമാണ്, മാധ്യമത്തിേൻറതല്ല. പ്രതികരണങ്ങളിൽ വിദ്വേഷവും വെറുപ്പും കലരാതെ സൂക്ഷിക്കുക. സ്പർധ വളർത്തുന്നതോ അധിക്ഷേപമാകുന്നതോ അശ്ലീലം കലർന്നതോ ആയ പ്രതികരണങ്ങൾ സൈബർ നിയമപ്രകാരം ശിക്ഷാർഹമാണ്. അത്തരം പ്രതികരണങ്ങൾ നിയമനടപടി നേരിടേണ്ടി വരും.