കണ്ണൂർ: ഇന്ധനംക്ഷാമം കാരണം കണ്ണൂർ ഡിപ്പോയിൽ രണ്ടാം ദിവസവും കെ.എസ്.ആർ.ടി.സി സർവിസുകൾ മുടങ്ങി. ഇരിട്ടി, കുടിയാൻമല, ചതിരൂർ തുടങ്ങിയ സർവിസുകളും കോഴിക്കോട്, കാസർകോട് റൂട്ടിലെ ട്രിപ്പുകളുമാണ് ഡീസൽ ഇല്ലാത്തതിനാൽ മുടങ്ങിയത്. കണ്ണൂരിൽനിന്ന് പുറപ്പെടുന്ന ബസുകൾക്ക് 8,000 ലിറ്ററും മറ്റ് ഡിപ്പോകളിൽനിന്ന് എത്തുന്നവക്ക് 4,000 ലിറ്ററുമാണ് ഒരുദിവസം ആവശ്യമായ ഇന്ധനം.
രാവിലെയും വൈകീട്ടുമായി ആറായിരം ലിറ്റർ വീതമാണ് ഡിപ്പോയിലെത്തുക.
ചൊവ്വാഴ്ച ഡീസൽ എത്താത്തതാണ് ട്രിപ്പുകൾ മുടങ്ങാൻ കാരണമായത്. ബുധനാഴ്ച വൈകീട്ടോടെ കണ്ണൂരിൽ ഡീസൽ എത്തിയത് ആശ്വാസമായി. അതേസമയം തലശ്ശേരി, പയ്യന്നൂർ ഡിപ്പോകളിൽ ഇന്ധനക്ഷാമം അനുഭവപ്പെട്ടില്ല.
വായനക്കാരുടെ അഭിപ്രായങ്ങള് അവരുടേത് മാത്രമാണ്, മാധ്യമത്തിേൻറതല്ല. പ്രതികരണങ്ങളിൽ വിദ്വേഷവും വെറുപ്പും കലരാതെ സൂക്ഷിക്കുക. സ്പർധ വളർത്തുന്നതോ അധിക്ഷേപമാകുന്നതോ അശ്ലീലം കലർന്നതോ ആയ പ്രതികരണങ്ങൾ സൈബർ നിയമപ്രകാരം ശിക്ഷാർഹമാണ്. അത്തരം പ്രതികരണങ്ങൾ നിയമനടപടി നേരിടേണ്ടി വരും.