കോ​ഴി​ക്കോ​ട് ഹോട്ടലുകളിൽ പഴകിയ ഭക്ഷണസാധനങ്ങൾ സുലഭം

കോ​ഴി​ക്കോ​ട്: ന​ഗ​ര​ത്തി​ലെ ഹോ​ട്ട​ലു​ക​ളി​ൽ ന​ട​ത്തി​യ പ​രി​ശോ​ധ​ന​യി​ൽ ദി​വ​സ​ങ്ങ​ൾ പ​ഴ​ക്ക​മു​ള്ള ഭ​ക്ഷ​ണ​സാ​ധ​ന​ങ്ങ​ൾ പി​ടി​കൂ​ടി. കൊ​ട്ടാ​രം റോ​ഡി​ലെ ഹോ​ട്ട​ൽ സോ​ളാ​ർ, ബൈ​പാ​സി​ലെ ഫൈ​വ്​ സ്​​റ്റാ​ർ ത​ട്ടു​ക​ട, ഹോ​ട്ട​ൽ സ​മോ​വ​ർ, ഹോ​ട്ട​ൽ കീ​ർ​ത്തി എ​ന്നി​വി​ട​ങ്ങ​ളി​ലാ​ണ് കോ​ർ​പ​റേ​ഷ​ൻ ആ​രോ​ഗ്യ വി​ഭാ​ഗ​ത്തി​​െൻറ നേ​തൃ​ത്വ​ത്തി​ൽ ചൊ​വ്വാ​ഴ്​​ച പ​രി​ശോ​ധ​ന ന​ട​ത്തി​യ​ത്. ത​ലേ​ദി​വ​സം പാ​ച​കം ചെ​യ്ത​തും ഭ​ക്ഷ്യ​യോ​ഗ്യ​മ​ല്ലാ​ത്ത​തു​മാ​യ ചി​ക്ക​ൻ, ബീ​ഫ്, ചെ​മ്മീ​ൻ, പൊ​റോ​ട്ട, ചോ​റ്, ചൈ​നീ​സ് മ​സാ​ല, അ​ച്ചാ​ർ, എ​ണ്ണ​ക്ക​ടി​ക​ൾ, പ​ഴ​ങ്ങ​ൾ തു​ട​ങ്ങി​യ​വ​യാ​ണ് ഹെ​ൽ​ത്ത് സ്ക്വാ​ഡ് പി​ടി​ച്ച​ത്. പ​ഴ​കി​യ എ​ണ്ണ വീ​ണ്ടും ഉ​പ​യോ​ഗി​ക്കാ​നാ​യി ഫ്രീ​സ​റി​ൽ സൂ​ക്ഷി​ച്ച​തും പി​ടി​കൂ​ടി.

ഹോ​ട്ട​ൽ സോ​ളാ​ർ, ഫൈ​വ്​ സ്​​റ്റാ​ർ ത​ട്ടു​ക​ട എ​ന്നി​വി​ട​ങ്ങ​ളി​ൽ നി​ന്നും പ​ഴ​കി​യ​തും ഭ​ക്ഷ​യോ​ഗ്യ​മ​ല്ലാ​ത്ത​തു​മാ​യ ഏ​ക​ദേ​ശം 250 കി​ലോ​ഗ്രാം സാ​ധ​ന​ങ്ങ​ളാ​ണ് പി​ടി​ച്ചെ​ടു​ത്ത​ത്. ഹോ​ട്ട​ൽ സോ​ളാ​ർ തി​ക​ച്ചും വൃ​ത്തി​ഹീ​ന​മാ​യ സാ​ഹ​ച​ര്യ​ത്തി​ലാ​ണ് ഭ​ക്ഷ​ണ​സാ​ധ​ന​ങ്ങ​ൾ കൈ​കാ​ര്യം ചെ​യ്യു​ന്ന​ത്. അ​ടു​ക്ക​ള​യു​ടെ പ​രി​സ​ര​ത്ത് മാ​ലി​ന്യ​ങ്ങ​ൾ കു​ന്നു​കൂ​ട്ടി​യി​ട്ടി​രി​ക്കു​ക​യാ​ണ്. സ്ഥാ​പ​ന​ത്തി​ലെ ജീ​വ​ന​ക്കാ​ർ വ്യ​ക്​​തി​ശു​ചി​ത്വം പാ​ലി​ക്കു​ന്നി​ല്ല. പ​ക​ർ​ച്ച​വ്യാ​ധി​ക​ൾ പ​ക​ർ​ന്നു​പി​ടി​ക്കാ​നു​ള്ള സാ​ഹ​ച​ര്യ​വും നി​ല​നി​ൽ​ക്കു​ന്ന​തി​നാ​ൽ ന്യൂ​ന​ത​ക​ൾ പ​രി​ഹ​രി​ച്ച​തി​നു​ശേ​ഷം മാ​ത്ര​മേ തു​റ​ന്നു​പ്ര​വ​ർ​ത്തി​ക്കാ​വൂ​വെ​ന്ന് ഹെ​ൽ​ത്ത് ഓ​ഫി​സ​ർ ഡോ. ​ആ​ർ.​എ​സ്. ഗോ​പ​കു​മാ​ർ നി​ർ​ദേ​ശി​ച്ചു.

വ​രും​ദി​വ​സ​ങ്ങ​ളി​ലും ഹോ​ട്ട​ലു​ക​ളി​ലും കൂ​ൾ ബാ​റു​ക​ളി​ലും പ​രി​ശോ​ധ​ന വ്യാ​പ​ക​മാ​ക്കാ​നാ​ണ്​ കോ​ർ​പ​റേ​ഷ​​െൻറ തീ​രു​മാ​നം. മ​ത്സ്യ​ത്തി​ൽ ഫോ​ർ​മാ​ലി​നും അ​മോ​ണി​യ​യും ചേ​ർ​ക്കു​ന്ന​താ​യി പ​രാ​തി ഉ​യ​ർ​ന്ന​തി​നാ​ൽ മാ​ർ​ക്ക​റ്റു​ക​ളി​ലും പ​രി​ശോ​ധ​ന തു​ട​രാ​ൻ തീ​രു​മാ​നി​ച്ചി​ട്ടു​ണ്ട്. പ​രി​ശോ​ധ​ന​ക്ക്​ ഹെ​ൽ​ത്ത് സൂ​പ്പ​ർ​വൈ​സ​ർ എം.​എം. ഗോ​പാ​ല​ൻ, ഹെ​ൽ​ത്ത് ഇ​ൻ​സ്പെ​ക്ട​ർ​മാ​രാ​യ ടി.​കെ. പ്ര​കാ​ശ​ൻ, കെ.​സി. മു​ര​ളീ​ധ​ര​ൻ, ജൂ​നി​യ​ർ ഹെ​ൽ​ത്ത് ഇ​ൻ​സ്പെ​ക്ട​ർ​മാ​രാ​യ കെ. ​ഷ​മീ​ർ, ഡെ​യ്സ​ൺ എ​ന്നി​വ​ർ നേ​തൃ​ത്വം ന​ൽ​കി.