കൂടത്തായി കേസിൻെറ നാൾവഴികൾ

• 2002 ആഗസ്​റ്റ്​ 22: റിട്ട.അധ്യാപികയായ അന്നമ്മ തോമസ്​(57) മരിക്കുന്നു. ആട്ടിൻസൂപ്പ്​ കഴിച്ച ശേഷം ഛർദ്ദിക്കുകയും തളർന്ന്​ വീഴുകയുമായിരുന്നു. ഇവർ ആശുപത്രിയിലെത്തിക്കും മുമ്പേ മരിച്ചു.
• 2008 ആഗസ്​റ്റ്​ 26: അന്നമ്മ തോമസിൻെറ ഭർത്താവും റിട്ട. വിദ്യാഭ്യാസ വകുപ്പ്​ ഉദ്യോഗസ്ഥനുമായ ടോം തോമസ്​ പൊന്നാമറ്റം(66) മരിക്കുന്നു. കപ്പ പുഴുക്ക്​ കഴിച്ചതിനെ തുടർന്ന്​ ഛർദ്ദിക്കുകയും തളർന്നു വീഴുകയും ​െചയ്​തു. വായിൽ നിന്ന്​ നുരയും പതയും വന്ന ടോം തോമസ്​ ആശുപത്രിയിൽ എത്തും മുമ്പേ മരിച്ചു.
• 2011 സെപ്​തംബർ 30: ടോം തോമസ്​- അന്നമ്മ ദമ്പതികളുടെ മകനും കേസിൽ കസ്​റ്റഡിയിലുള്ള ജോളിയുടെ ഭർത്താവുമായ റോയ്​ തോമസ്​(40) മരിച്ചു. ഭക്ഷണം കഴിച്ച ശേഷം ശുചിമുറിയിലേക്ക്​ പോയ റോയ്​ തോമസ്​ അവിടെ ഛർദ്ദിച്ച്​ തളർന്നു വീഴ​ുകയായിരുന്നു. അയൽക്കാരെത്തി റോയിയെ ആശുപത്രിയിൽ എത്തിക്കുമ്പോഴേക്ക്​ മരണം നടന്നു.
• 2014 ഫെബ്രുവരി 24: അന്നമ്മ തോമസിൻെറ സഹോദരൻ എം എം. മാത്യു മഞ്ചാടിയിൽ(68) മരിക്കുന്നു. വൈകീട്ട്​ 3.30ഓടെ വീട്ടിൽ തളർന്നു വീഴുകയായിരുന്നു. ഈ സമയം വീട്ടിൽ ആരും ഉണ്ടായിരുന്നില്ല. സമീപത്ത്​ താമസിക്കുന്ന ജോളി വിവരമറിയിച്ചതിനെ തുടർന്നാണ്​ അയൽവാസികളെത്തുന്നത്​. ആശുപത്രിയിൽ എത്തിക്കും മുമ്പേ മാത്യു മരിച്ചിരുന്നു.
• 2014 മെയ്​ മൂന്ന്​: ടോം തോമസിൻെറ സഹോദരൻ സക്കറിയയുടെ കൊച്ചുമകൾ ആൽഫൈൻ ഷാജു(രണ്ട്​) മരിക്കുന്നു. ആൽഫൈൻെറ സഹോദരൻെറ ആദ്യ കുർബാന ദിവസമായിരുന്നു അന്ത്യം. ഇറച്ചിക്കറി കൂട്ടി ബ്രഡ്​ കഴിച്ചതിനു പിന്നാലെ തളർന്ന്​ വീണ ആൽഫൈനെ ആശുപത്രിയിലെത്തിച്ചെങ്കിലും​ മൂന്നാം ദിവസം മരിക്കുകയായിരുന്നു.
• 2016 ജനുവരി 11: ടോം തോമസിൻെറ സഹോദര പുത്രൻ ഷാജുവിൻെറ ഭാര്യയും മരിച്ച ആൽഫൈൻെറ മാതാവുമായ സിലി ഷാജു(44) മരിക്കുന്നു. ഷാജുവിനെ ദന്ത ഡോക്​ടറെ കാണിക്കാൻ പോയതായിരുന്നു. ജോളിയും ഒപ്പമുണ്ടായിരുന്നു. ഷാജു ഡോക്​ടറു​െട മുറിയിലേക്ക്​ പോയ ശേഷം പുറത്ത്​ കാത്തിരുന്ന സിലി, ജോളിയുടെ മടിയിലേക്ക്​ തളർന്നു വീഴ​ുകയായിരുന്നു. വായിൽ നിന്ന്​ നുരയും പതയും വന്ന സിലിയെ ആശുപത്രിയിൽ എത്തിക്കും മുമ്പേ മരിക്കുകയായിരുന്നു.​​
• 2017 ഫെബ്രുവരി ആറ്​: ​ടോം തോമസിൻെറ മകൻെറ ഭാര്യ ജോളി, ടോം തോമസിൻെറ സഹോദര പുത്രൻ ഷാജുവിനെ വിവാഹം കഴിക്കുന്നു.

koodathai deaths by Anonymous DfAgZ7 on Scribd