കോഴിക്കോട്: കോഴിക്കോട് മൂന്നര വയസുള്ള കുഞ്ഞിനെ പരിക്കേറ്റ നിലയിൽ കണ്ടെത്തിയ സംഭവത്തിൽ അമ്മയും ആൺ സുഹൃ ത്തും കസ്റ്റഡിയിൽ. പാലക്കാട് സ്വദേശികളായ യുവതിയും യുവാവുമാണ് പൊലീസ് കസ്റ്റഡിയിലുള്ളത്. പൊലീസ് ഇവരെ ചോദ്യം ചെയ്തു വരികയാണ്.
കുഞ്ഞിനെ വിദഗ്ധ ചികിത്സക്കായി കോഴിക്കോട് ബീച്ച് ആശുപത്രിയിൽ പ്രവേശിപ്പിച്ചു. കുഞ്ഞ് ബൈക്കിൽ നിന്ന് വീണ് പരിക്കേറ്റതാണ് എന്നാണ് യുവാവ് നൽകിയ മൊഴി.
പാലക്കാട് നിന്ന് കഴിഞ്ഞ 27 മുതൽ അമ്മയെയും കുഞ്ഞിനെയും കാണാതായിട്ടുണ്ടെന്ന് ഭർത്താവിൻെറ ബന്ധുക്കൾ പൊലീസിൽ പരാതി നൽകിയിരുന്നു. പിന്നീട് വീട്ടുകാർ നടത്തിയ അന്വേഷണത്തിലാണ് യുവതി സുഹൃത്തിനൊപ്പം പോയെന്ന് മനസിലാക്കിയത്. കോഴിക്കോട് നടക്കാവിൽ വാടക വിട്ടീൽ ഇയാൾക്കൊപ്പം താമസിക്കുന്നത് മനസിലാക്കിയ ഭർത്താവിൻെറ ബന്ധുക്കൾ കോഴിക്കോടെത്തി പൊലീസിൽ വിവരമറിയിക്കുകയായിരുന്നു. കുട്ടിശയ പരിക്കേൽപ്പിച്ചെന്ന് ഭർത്താവിൻെറ ബന്ധുക്കളുടെ പരാതിയിലാണ് ഇരുവരെയും ചോദ്യം ചെയ്യാൻ കസ്റ്റഡിയിലെടുത്തത്.
വായനക്കാരുടെ അഭിപ്രായങ്ങള് അവരുടേത് മാത്രമാണ്, മാധ്യമത്തിേൻറതല്ല. പ്രതികരണങ്ങളിൽ വിദ്വേഷവും വെറുപ്പും കലരാതെ സൂക്ഷിക്കുക. സ്പർധ വളർത്തുന്നതോ അധിക്ഷേപമാകുന്നതോ അശ്ലീലം കലർന്നതോ ആയ പ്രതികരണങ്ങൾ സൈബർ നിയമപ്രകാരം ശിക്ഷാർഹമാണ്. അത്തരം പ്രതികരണങ്ങൾ നിയമനടപടി നേരിടേണ്ടി വരും.