ആവശ്യമെങ്കിൽ സർവിസിലുള്ള ഡോക്ടറുടെ യോഗ്യതയും പരിശോധിക്കാം -ഹൈകോടതി

കൊ​ച്ചി: സം​സ്ഥാ​ന​ത്ത്​ സ​ർ​വി​സി​ലു​ള്ള ഡോ​ക്ട​ർ​മാ​രു​ടെ യോ​ഗ്യ​ത​യും ആ​വ​ശ്യ​മെ​ങ്കി​ൽ പ​രി​ശോ​ധി​ക്കാ​മെ​ന്ന്​ ഹൈ​കോ​ട​തി. യോ​ഗ്യ​ത സ​ർ​ട്ടി​ഫി​ക്ക​റ്റു​ക​ൾ പ​രി​ശോ​ധി​ക്കു​ന്ന​തി​ൽ തെ​റ്റി​ല്ല. ഡോ​ക്ട​ർ​മാ​രെ നി​യ​മി​ക്കും​മു​മ്പ് വി​ദ്യാ​ഭ്യാ​സ സ​ർ​ട്ടി​ഫി​ക്ക​റ്റു​ക​ളു​ടെ സാ​ധു​ത പ​രി​ശോ​ധി​ച്ച് ഉ​റ​പ്പാ​ക്ക​ണ​മെ​ന്നും ജ​സ്റ്റി​സ്​ പി.​വി. കു​ഞ്ഞി​കൃ​ഷ്ണ​ൻ നി​ർ​ദേ​ശി​ച്ചു. ഇ​തു​മാ​യി ബ​ന്ധ​പ്പെ​ട്ട്​ മാ​ർ​ഗ​നി​ർ​ദേ​ശ​ങ്ങ​ൾ അ​നി​വാ​ര്യ​മാ​ണെ​ന്ന്​ നി​രീ​ക്ഷി​ച്ച കോ​ട​തി, സ​ത്യ​വാ​ങ്​​മൂ​ലം ന​ൽ​കാ​ൻ സ​ർ​ക്കാ​റി​നോ​ട്​ ആ​വ​ശ്യ​പ്പെ​ട്ടു. അ​നാ​സ്ഥ​​യെ​ത്തു​ട​ർ​ന്ന്​ കു​ഞ്ഞ്​ മ​രി​ച്ചെ​ന്ന്​ ആ​രോ​പി​ക്ക​പ്പെ​ടു​ന്ന കേ​സി​ൽ ക​രു​നാ​ഗ​പ്പ​ള്ളി താ​ലൂ​ക്ക് ആ​ശു​പ​ത്രി​യി​ലെ ഗൈ​ന​ക്കോ​ള​ജി​സ്റ്റാ​യി​രു​ന്ന ചേ​ർ​ത്ത​ല സ്വ​ദേ​ശി ഡോ. ​ടി.​എ​സ്. സീ​മ​ക്കെ​തി​രെ ക്രൈം​ബ്രാ​ഞ്ച്​ അ​ന്വേ​ഷ​ണം നി​ർ​ദേ​ശി​ക്കു​ന്ന ഉ​ത്ത​ര​വി​ലാ​ണ്​ കോ​ട​തി​യു​ടെ നി​രീ​ക്ഷ​ണം.

ഡോ​ക്ട​ർ​ക്ക്​ മ​തി​യാ​യ യോ​ഗ്യ​ത​യി​ല്ലെ​ന്ന​ത​ട​ക്കം ചൂ​ണ്ടി​ക്കാ​ട്ടി മ​രി​ച്ച കു​ഞ്ഞി​ന്‍റെ മാ​താ​പി​താ​ക്ക​ളാ​യ സാ​ബു​വും ശ്രീ​ദേ​വി​യും ന​ൽ​കി​യ ഹ​ര​ജി​യാ​ണ്​ കോ​ട​തി പ​രി​ഗ​ണി​ച്ച​ത്. ശ്രീ​ദേ​വി​യെ 2019 ന​വം​ബ​ർ 11നാ​ണ് പ്ര​സ​വ​വേ​ദ​ന​യെ​ത്തു​ട​ർ​ന്ന് ആ​ശു​പ​ത്രി​യി​ലെ​ത്തി​ച്ച​ത്.

വൈ​കീ​ട്ട് മൂ​ന്നി​ന് പ​രി​ശോ​ധ​ന ക​ഴി​ഞ്ഞ്​ പോ​യ​ശേ​ഷം വേ​ദ​ന ക​ല​ശ​ലാ​യ​പ്പോ​ൾ ഡോ​ക്ട​റെ വി​ളി​ച്ചെ​ങ്കി​ലും എ​ത്തി​യി​ല്ല. രാ​ത്രി ഏ​ഴ​ര​യോ​ടെ സ്ഥി​തി വ​ഷ​ളാ​യി. ഈ​സ​മ​യം ന​ഴ്‌​സ് അ​റി​യി​ച്ച​തി​നെ​ത്തു​ട​ർ​ന്ന് ഡോ​ക്ട​ർ എ​ത്തി കു​ഞ്ഞി​നെ പു​റ​ത്തെ​ടു​ത്തെ​ങ്കി​ലും ര​ക്ഷി​ക്കാ​നാ​യി​ല്ല. ഡോ​ക്ട​റു​ടെ യോ​ഗ്യ​ത​യി​ൽ സം​ശ​യം തോ​ന്നി​യ​തി​നെ​ത്തു​ട​ർ​ന്ന് ഹ​ര​ജി​ക്കാ​ർ ഡോ. ​സീ​മ മാ​സ്റ്റ​ർ ബി​രു​ദ​ത്തി​ന്​ പ​ഠി​ച്ച മ​ഹാ​രാ​ഷ്ട്ര​യി​ലെ മ​ഹാ​ത്മാ​ഗാ​ന്ധി ഇ​ൻ​സ്റ്റി​റ്റ‌്യൂ​ട്ട് ഓ​ഫ് മെ​ഡി​ക്ക​ൽ സ​യ​ൻ​സി​ൽ വി​വ​രാ​വ​കാ​ശ നി​യ​മ​പ്ര​കാ​രം അ​പേ​ക്ഷ ന​ൽ​കി. ഡോ​ക്ട​ർ ഇ​വി​ടെ പ​ഠി​ച്ചി​രു​ന്നെ​ങ്കി​ലും കോ​ഴ്‌​സ് പൂ​ർ​ത്തി​യാ​ക്കി​യി​ല്ലെ​ന്നാ​യി​രു​ന്നു മ​റു​പ​ടി. തു​ട​ർ​ന്നാ​ണ് ഹൈ​കോ​ട​തി​യെ സ​മീ​പി​ച്ച​ത്.

സം​ഭ​വ​ത്തി​ൽ ക​രു​നാ​ഗ​പ്പ​ള്ളി പൊ​ലീ​സ് കേ​സെ​ടു​ത്തി​ട്ടു​ണ്ടെ​ന്ന് സ​ർ​ക്കാ​ർ അ​ഭി​ഭാ​ഷ​ക​ൻ അ​റി​യി​ച്ചു. എ​ന്നാ​ൽ, ക്രൈം​ബ്രാ​ഞ്ച് അ​ന്വേ​ഷി​ക്ക​ണ​മെ​ന്നും ഇ​തി​നാ​യി ഒ​രാ​ഴ്‌​ച​ക്ക​കം ഡി.​ജി.​പി പ്ര​ത്യേ​ക സം​ഘ​ത്തെ നി​യോ​ഗി​ക്ക​ണ​മെ​ന്നും കോ​ട​തി ഉ​ത്ത​ര​വി​ട്ടു. ഹ​ര​ജി​ക്കാ​രു​ടെ ആ​രോ​പ​ണം ശ​രി​യാ​ണെ​ങ്കി​ൽ ഡോ​ക്ട​ർ​മാ​രെ​ക്കു​റി​ച്ച് ജ​ന​ങ്ങ​ൾ​ക്ക്​ ആ​ശ​ങ്ക​യു​ണ്ടാ​വാ​നി​ട​യു​ണ്ടെ​ന്നും ഇ​ത്​ മാ​റ്റേ​ണ്ട​ത് സ​ർ​ക്കാ​റി​ന്‍റെ ക​ട​മ​യാ​ണെ​ന്നും കോ​ട​തി ഓ​ർ​മി​പ്പി​ച്ചു. തു​ട​ർ​ന്ന്,​ ഹ​ര​ജി വീ​ണ്ടും സെ​പ്​​റ്റം​ബ​ർ നാ​ലി​ന്​ പ​രി​ഗ​ണി​ക്കാ​ൻ മാ​റ്റി.