കോവിഡ് നിരീക്ഷണ വാർഡിൽനിന്ന്​ രക്ഷപ്പെട്ട പ്രതികളിൽ ഒരാൾ പിടിയിൽ; കൂ​ട്ടാ​ളി​യെ ക​ണ്ടെ​ത്തി​യി​ല്ല

മ​ഞ്ചേ​രി: മെ​ഡി​ക്ക​ൽ കോ​ള​ജ്​ ആ​ശു​പ​ത്രി കോ​വി​ഡ് നി​രീ​ക്ഷ​ണ വാ​ർ​ഡി​ൽ​നി​ന്ന്​ ര​ക്ഷ​പ്പെ​ട്ട പ്ര​തി​ക​ളി​ൽ ഒ​രാ​ൾ പി​ടി​യി​ൽ. പോ​ക്സോ കേ​സി​ൽ പ്ര​തി​യാ​യ എ​ട​വ​ണ്ണ​പ്പാ​റ പൊ​ന്നാ​ട് സ്വ​ദേ​ശി കു​റ്റി​ക്കാ​ട്ടി​ൽ മെ​ഹ​ബൂ​ബി​നെ​യാ​ണ് (22) കൊ​ണ്ടോ​ട്ടി സി.​ഐ ബി​ജു​വി​​െൻറ നേ​തൃ​ത്വ​ത്തി​ൽ പ്ര​ത്യേ​ക അ​ന്വേ​ഷ​ണ സം​ഘം പി​ടി​കൂ​ടി​യ​ത്.

ചൊ​വ്വാ​ഴ്ച പു​ല​ർ​ച്ച ന​ട​ത്തി​യ പ​രി​ശോ​ധ​ന​യി​ൽ മെ​ഹ​ബൂ​ബ് വീ​ട്ടി​ൽ വ​ന്ന് പ​ണ​വും വ​സ്ത്ര​വും എ​ടു​ത്ത് ര​ക്ഷ​പ്പെ​ടാ​ൻ ശ്ര​മി​ക്കു​ന്ന​തി​നി​ടെ​യാ​ണ് കു​ടു​ങ്ങി​യ​ത്. ഇ​യാ​ളെ കൂ​ടെ ര​ക്ഷ​പ്പെ​ട്ട റം​ഷാ​ദി​നെ ക​ണ്ടെ​ത്താ​നാ​യി​ല്ല. പ്ര​ത്യേ​ക അ​ന്വേ​ഷ​ണ സം​ഘ​ത്തി​ന് സൂ​ച​ന ല​ഭി​ച്ചി​ട്ടു​ണ്ട്. അ​ന്വേ​ഷ​ണം ഊ​ർ​ജി​ത​മാ​ക്കി​യ​താ​യി പൊ​ലീ​സ് അ​റി​യി​ച്ചു. 

ഞാ​യ​റാ​ഴ്ച രാ​ത്രി 12.30ഓ​ടെ​യാ​ണ് മെ​ഹ​ബൂ​ബ് നി​ര​വ​ധി മോ​ഷ​ണ​ക്കേ​സു​ക​ളി​ൽ പ്ര​തി​യാ​യ കോ​ഴി​ക്കോ​ട് ക​ല്ലാ​യി സ്വ​ദേ​ശി നൗ​ഷാ​ദ് എ​ന്ന റം​ഷാ​ദി​നൊ​പ്പം(19) ര​ക്ഷ​പ്പെ​ട്ട​ത്. ആ​ശു​പ​ത്രി​യി​ൽ ത​ട​വു​കാ​ർ​ക്കാ​യു​ള്ള  പ്ര​ത്യേ​ക വാ​ർ​ഡി​ൽ​നി​ന്ന്​ സു​ര​ക്ഷ ജീ​വ​ന​ക്കാ​രു​ടെ ക​ണ്ണു​വെ​ട്ടി​ച്ച് ശു​ചി​മു​റി​യി​ലെ വ​െൻറി​ലേ​ഷ​ൻ വ​ഴി​യാ​ണ് ഇ​വ​ർ പു​റ​ത്തി​റ​ങ്ങി​യ​ത്. പി​ന്നീ​ട് ആ​ശു​പ​ത്രി​യി​ലെ ആം​ബു​ല​ൻ​സ് ജീ​വ​ന​ക്കാ​ര​​െൻറ ബൈ​ക്ക് മോ​ഷ്​​ടി​ച്ച് ര​ക്ഷ​പ്പെ​ടു​ക​യാ​യി​രു​ന്നു. 

റം​ഷാ​ദി​​െൻറ പേ​രി​ൽ നി​ര​വ​ധി മോ​ഷ​ണ​ക്കേ​സു​ക​ൾ ജി​ല്ല​ക്ക​ക​ത്തും പു​റ​ത്തും ര​ജി​സ്​​റ്റ​ർ ചെ​യ്തി​ട്ടു​ണ്ട്. ജി​ല്ല പൊ​ലീ​സ് മേ​ധാ​വി യു. ​അ​ബ്​​ദു​ൽ ക​രീ​മി​​െൻറ നി​ർ​ദേ​ശ​പ്ര​കാ​രം പ്ര​ത്യേ​ക അ​ന്വേ​ഷ​ണ സം​ഘാം​ഗ​ങ്ങ​ളാ​യ അ​ബ്​​ദു​ൽ അ​സീ​സ്, സ​ത്യ​നാ​ഥ​ൻ മ​നാ​ട്ട്, ശ​ശി കു​ണ്ട​റ​ക്കാ​ട്, ഉ​ണ്ണി​കൃ​ഷ്ണ​ൻ, പി. ​സ​ഞ്ജീ​വ് എ​ന്നി​വ​രാ​ണ് അ​ന്വേ​ഷ​ണം ന​ട​ന്നു​ന്ന​ത്.