പേരാമ്പ്ര: കുറ്റ്യാടി അസംബ്ലി മണ്ഡലത്തിൻ്റെ കാര്യത്തിൽ പാർട്ടിക്കു ഒരു നിർബന്ധവുമില്ലെന്നു പേരാമ്പ്രയിൽ ചേർന്ന കേരളാ കോൺഗ്രസ് (എം) ജില്ലാ നേതൃയോഗം. മുന്നണിയുടെ കെട്ടുറപ്പിനാണു പാർട്ടി പ്രാമുഖ്യം നൽകുന്നതെന്ന് യോഗം അഭിപ്രായപ്പെട്ടു.
കുറ്റ്യാടി സീറ്റ് കേരളകോൺഗ്രസ് (എം) ന് നൽകാൻ സി.പി.എം തീരുമാനിച്ചതിനെ തുടർന്ന് പ്രാദേശികമായി ഉയർന്ന പ്രതിഷേധങ്ങളുടെ പശ്ചാത്തലത്തിലാണ് ജില്ലാ നേതൃയോഗം നടന്നത്. സി.പി.എം സ്ഥാനാർഥി വേണമെന്ന ആവശ്യവുമായി കടുത്ത പ്രതിഷേധമാണ് കുറ്റ്യാടിയിൽ അരങ്ങേറുന്നത്.
ജില്ലാ പ്രസിഡൻ്റ് ടി. എം. ജോസഫ് അധ്യക്ഷത വഹിച്ചു. ബേബി കാപ്പുകാട്ടിൽ, കെ. കെ. നാരായണൻ, ആൻ്റണി ഈരൂരി, സുരേന്ദ്രൻ പാലേരി, ബോബി മൂക്കൻതോട്ടം, റോയി മുരിക്കോലിൽ, കെ. എം. പോൾസൺ എന്നിവർ സംസാരിച്ചു.
വായനക്കാരുടെ അഭിപ്രായങ്ങള്‍ അവരുടേത് മാത്രമാണ്, മാധ്യമത്തിേൻറതല്ല. പ്രതികരണങ്ങളിൽ വിദ്വേഷവും വെറുപ്പും കലരാതെ സൂക്ഷിക്കുക. സ്പർധ വളർത്തുന്നതോ അധിക്ഷേപമാകുന്നതോ അശ്ലീലം കലർന്നതോ ആയ പ്രതികരണങ്ങൾ സൈബർ നിയമപ്രകാരം ശിക്ഷാർഹമാണ്. അത്തരം പ്രതികരണങ്ങൾ നിയമനടപടി നേരിടേണ്ടി വരും.