കാസര്കോട് ഗവ. മെഡിക്കല് കോളജിലെ ആദ്യ വിദ്യാർഥി രാജസ്ഥാനിലെ ഗുര്വീന്ദര് സിങ്ങിനെ മധുരം നൽകി സ്വീകരിക്കുന്നു
കാസര്കോട്: വര്ഷങ്ങള് നീണ്ട കാത്തിരിപ്പിനറുതിയായി. കാസര്കോട് ഗവ. മെഡിക്കല് കോളജിന് ഇന്ത്യന് മെഡിക്കല് കൗണ്സിലിന്റെ അംഗീകാരം ലഭിച്ചതോടെ ആദ്യ ബാച്ചിലെ ആദ്യ വിദ്യാര്ഥി കോളജിലെത്തി. ഉക്കിനടുക്കയില് കാസര്കോട് ഗവ. മെഡിക്കല് കോളജിലെ ആദ്യ ബാച്ചിലെ ഓള് ഇന്ത്യ മെഡിക്കല് എന്ട്രന്സ് ക്വോട്ടയിലുള്ള ഏഴ് സീറ്റിലേക്കാണ് ആദ്യ വിദ്യാർഥിയായി രാജസ്ഥാനിലെ അല്വാറില്നിന്നുള്ള ഗുര്വീന്ദര് സിങ് പ്രവേശനം നേടിയത്.
അതിര്ത്തി കടന്ന് എം.ബി.ബി.എസ് പഠനത്തിന് കേരളത്തിലെത്തിയതും സവിശേഷതയായി. ഇദ്ദേഹത്തെ പ്രിന്സിപ്പല് ഇന് ചാര്ജ് ഡോ. സന്തോഷ് കുമാറിന്റെയും മെഡിക്കല് സൂപ്രണ്ട് ഡോ. പ്രവീണിന്റേയും നേതൃത്വത്തിലുള്ള സംഘം മധുരം നല്കി സ്വീകരിച്ചു. പിന്നീട് ഹാജര് രേഖപ്പെടുത്തി. മൊത്തം 50 എം.ബി.ബി.എസ് സീറ്റുകളാണ് കാസര്കോട് ഗവ. മെഡിക്കല് കോളജിലുള്ളത്. വിദ്യാർഥികള്ക്ക് ഹോസ്റ്റല് സൗകര്യവുമൊരുക്കിയിട്ടുണ്ട്. ക്ലാസുകള് ഉടന് ആരംഭിക്കും. കാസര്കോട് ഗവ. മെഡിക്കല് കോളജ് പൂര്ണസജ്ജമാക്കുന്നതിനുള്ള ഒരുക്കം അവസാനഘട്ടത്തിലാണ്.
വായനക്കാരുടെ അഭിപ്രായങ്ങള് അവരുടേത് മാത്രമാണ്, മാധ്യമത്തിേൻറതല്ല. പ്രതികരണങ്ങളിൽ വിദ്വേഷവും വെറുപ്പും കലരാതെ സൂക്ഷിക്കുക. സ്പർധ വളർത്തുന്നതോ അധിക്ഷേപമാകുന്നതോ അശ്ലീലം കലർന്നതോ ആയ പ്രതികരണങ്ങൾ സൈബർ നിയമപ്രകാരം ശിക്ഷാർഹമാണ്. അത്തരം പ്രതികരണങ്ങൾ നിയമനടപടി നേരിടേണ്ടി വരും.