വഴിപാട് രസീത് തുണയായി; ട്രെയിൻ തട്ടി മരിച്ച കർണാടക സ്വദേശിയെ തിരിച്ചറിഞ്ഞു

കാ​സ​ർ​കോ​ട്​: ആ​റു മാ​സം മു​മ്പ് ട്രെ​യി​ൻ ത​ട്ടി തി​രി​ച്ച​റി​യാ​നാ​വാ​ത്ത വി​ധം ശ​രീ​രം ചി​ത​റി​പ്പോ​യ അ​ജ്ഞാ​ത​നെ വ​ഴി​പാ​ട്​ ര​സീതി​ന്റെ അ​ടി​സ്ഥാ​ന​ത്തി​ൽ തി​രി​ച്ച​റി​ഞ്ഞു. മൂ​ഡ​ബി​ദ്രി​ക്ക​ടു​ത്ത്​ ബെ​ല്ലു​ബാ​യി സ്വ​ദേ​ശി ഈ​ശ്വ​ര (52)ആ​ണ് മ​രി​ച്ച​ത്. ക​ഴി​ഞ്ഞ ഏ​പ്രി​ൽ ഒ​മ്പ​തി​ന്​ വീ​ട്ടി​ൽ​നി​ന്ന് ആ​രോ​ടും പ​റ​യാ​തെ ഇ​റ​ങ്ങി​യ ഈ​ശ്വ​ര​യെ കാ​ണാ​നി​ല്ലെ​ന്ന്​ സൂ​ചി​പ്പി​ച്ച് വീ​ട്ടു​കാ​ർ 12ന്​ ​കാ​ർ​ക്ക​ല പൊ​ലീസി​ൽ പ​രാ​തി ന​ൽ​കി​യി​രു​ന്നു. 10ന്​ ​ക​ള​നാ​ട് ​പാ​ല​ത്തി​ന്​ സ​മീ​പം റെ​യി​ൽ​വേ പാ​ള​ത്തി​ന​രി​കെ ഒ​രാ​ൾ തീ​വ​ണ്ടി ത​ട്ടി മ​രി​ച്ച വി​വ​രം മേ​ൽ​പ​റ​മ്പ്​ പൊ​ലി​സി​നു ല​ഭി​ച്ചു. പൊ​ലീസെ​ത്തി പ​രി​ശോ​ധി​ച്ച​പ്പോ​ൾ തി​രി​ച്ച​റി​യാ​നാ​വാ​ത്ത വി​ധം ചി​ന്നി​ച്ചിത​റി​യി​രി​ക്കു​ക​യാ​യി​രു​ന്നു ശ​രീ​രം.

സ്ഥ​ല​ത്തു​നി​ന്ന് ആ​കെ തെ​ളി​വാ​യി ല​ഭി​ച്ച​ത് പ​ഴ​കി ദ്ര​വി​ച്ച ക​ർ​ണാ​ട​ക ക​ർ​ക്ക​ല സി​റ്റി ന​ഴ്സി​ങ് ഹോ​മി​ലെ ബി​ല്ലും ഒ​രു ക്ഷേ​ത്ര​ത്തി​ലെ ഒ​രു വ​ർ​ഷം മു​മ്പ​ത്തെ വ്യ​ക്ത​മ​ല്ലാ​ത്ത വ​ഴി​പാ​ട് ര​സീ​തു​മാ​ണ്. എ​സ്.​ഐ. വി​ജ​യ​ൻ, സി.​പി.​ഒ​മാ​രാ​യ ശ്രീ​ജ​ത്, ര​ജീ​ഷ്​ എ​ന്നി​വ​ർ കാ​ർ​ക്ക​ല പൊ​ലീ​സ് സ്റ്റേ​ഷ​നി​ലും ന​ഴ്സി​ങ് ഹോ​മി​ലും അ​ന്വേ​ഷി​ച്ചെ​ങ്കി​ലും വി​വ​ര​മൊ​ന്നും ല​ഭി​ച്ചി​ല്ല.

തി​രി​ച്ച​റി​യാ​ത്ത കേ​സു​ക​ളി​ൽ ആ​റു മാ​സ​ത്തി​നുശേ​ഷം അ​ന്വേ​ഷ​ണ ന​ട​പ​ടി​ക​ൾ അ​വ​സാ​നി​പ്പി​ക്കാ​മെ​ന്നാ​ണ്​ ച​ട്ടം. അ​വ​സാ​ന ശ്ര​മ​മെ​ന്ന നി​ല​യി​ൽ കീ​റി​പ്പ​റി​ഞ്ഞ വ​ഴി​പാ​ട് ര​സീതിൽ ക​ണ്ട പൂ​ർ​ണ​മ​ല്ലാ​ത്ത ഫോ​ൺ ന​മ്പ​രി​ലെ അ​വ​സാ​ന അ​ക്ക​ങ്ങ​ൾ പ​ല​ത​വ​ണ മാ​റ്റി സി.​പി.​ഒ ശ്രീ​ജി​ത്ത് വി​ളി​ച്ചു​നോ​ക്കി. അ​ത് ദ​ക്ഷി​ണ ക​ർ​ണാ​ട​ക​യി​ലെ ഒ​രു ക്ഷേ​ത്ര​ത്തി​ലെ ന​മ്പ​റാണെ​ന്ന്​ വ്യ​ക്ത​മാ​യി.

ക​ർ​ണാ​ട​ക സം​സാ​രി​ക്കാ​ന​റി​യു​ന്ന ര​ജീ​ഷ് എ​ന്ന പൊ​ലീ​സു​കാ​ര​ന്റെ സ​ഹാ​യ​ത്തോ​ടെ നാ​ട്ടി​ൽ​നി​ന്ന് കാ​ണാ​താ​യ​വ​രു​ടെ വി​വ​ര​ങ്ങ​ൾ ചോ​ദി​ച്ച​പ്പോ​ഴാ​ണ് ഈ​ശ്വ​ര എ​ന്ന​യാ​ളെ കാ​ണാ​ത്ത വി​വ​രം അ​റി​യു​ന്ന​ത്. ഉ​ട​ൻ അ​യാ​ളു​ടെ മ​ക​നെ ബന്ധപ്പെട്ട് കാ​ര്യ​ങ്ങ​ൾ ചോ​ദി​ച്ച​റി​ഞ്ഞ് മേ​ൽ​പ​റ​മ്പ്​ സ്റ്റേ​ഷ​നി​ൽ എ​ത്താ​ൻ ആ​വ​ശ്യ​പ്പെ​ട്ടു. വെ​ള്ളി​യാ​ഴ്​​ച ബ​ന്ധു​ക്ക​ൾ മേ​ല്പ​റ​മ്പ്​ പൊ​ലീ​സ് സ്റ്റേ​ഷ​നി​ലെ​ത്തി സി.​ഐ. ഉ​ത്തം​ദാ​സി​നെ​യും കേ​സ്​ അ​ന്വേ​ഷി​ക്കു​ന്ന എ​സ്.​ഐ. വി​ജ​യ​നെ​യും ക​ണ്ടു. മ​രി​ച്ച​യാ​ളു​ടെ അ​ട​യാ​ള വി​വ​ര​ങ്ങ​ൾ കൈ​മാ​റി ട്രെ​യി​ൻ ത​ട്ടി മ​രി​ച്ച​ത് പി​താ​വാ​ണെ​ന്ന് ഉ​റ​പ്പു​വ​രു​ത്തി. തു​ട​ർ​ന്ന് ബ​ന്ധു​ക്ക​ൾ ഈ​ശ്വ​ര​യെ മ​റ​വ് ചെ​യ്ത നു​ള്ളി​പ്പാ​ടി ശ്മ​ശാ​ന​ത്തി​ൽ എ​ത്തി.

ശ​രീ​രം മ​റ​വു​ചെ​യ്ത ഭാ​ഗ​ത്ത്​ കാ​ൽ​തൊ​ട്ട്​ വ​ന്ദി​ച്ച്​ ക​ണ്ണീ​ർ പൊ​ഴി​ച്ച്​ ബ​ന്ധു​ക്ക​ൾ മ​ട​ങ്ങി. അ​ജ്ഞാ​ത മൃ​ത​ശ​രീ​ര​ത്തി​ന്റെ യ​ഥാ​ർ​ഥ ബ​ന്ധു​ക്ക​ളെ ക​ണ്ടെ​ത്തി​യ ആ​ത്മനി​ർ​വൃ​തി​യി​ലാ​ണ്​ പൊ​ലീ​സു​കാ​ർ.