പാർക്കിങിൽ വലഞ്ഞ് ജനം

ബ​ദി​യ​ടു​ക്ക: ബ​ദി​യ​ടു​ക്ക ടൗ​ണി​ൽ ട്രാ​ഫി​ക് നി​യ​ന്ത്ര​ണ​മേ​ർ​പ്പെ​ടു​ത്താ​ത്ത​തി​ൽ വലഞ്ഞ് പൊ​തു​ജ​ന​ങ്ങ​ൾ. കു​മ്പ​ള-​ബ​ദി​യ​ടു​ക്ക-​മു​ള്ളേ​രി​യ റോ​ഡി​ന്റെ ന​വീ​ക​ര​ണം പൂ​ർ​ത്തി​യാ​യ​തോ​ടെ ബ​ദി​യ​ടു​ക്ക ടൗ​ണി​ൽ ട്രാ​ഫി​ക് നി​യ​ന്ത്ര​ണ​മി​ല്ലാ​ത്ത അ​വ​സ്ഥ​യി​ലാ​ണ്. ഇതുമൂലം വ്യാ​പാ​രി​ക​ളും ഓ​ട്ടോ തൊ​ഴി​ലാ​ളി​ക​ളും ത​മ്മി​ൽ വാ​ഹ​ന പാ​ർ​ക്കി​ങ്ങി​നെ ചൊ​ല്ലി​യു​ള്ള ത​ർ​ക്ക​വും ടൗണിൽ പതിവാണ്. ന​ട​പ​ടി​യെ​ടു​ക്കേ​ണ്ട അ​ധി​കാ​രി​ക​ൾ കൈ​യൊ​ഴി​യു​ന്ന​താ​യും ആ​ക്ഷേ​പ​മു​യ​രു​ന്നു.

പ​ഞ്ചാ​യ​ത്തി​ന്റെ കീ​ഴി​ൽ ആ​ർ.​ടി.​ഒ-​പൊ​ലീ​സ് അ​ട​ങ്ങി​യ ട്രാ​ഫി​ക് ക​മ്മി​റ്റി ഉ​ണ്ടെ​ന്ന് പ​റ​യു​ന്നു. ക​ഴി​ഞ്ഞ ഒ​രു​വ​ർ​ഷ​മാ​യി വ്യാ​പാ​രി​ക​ൾ രേ​ഖാ​മൂ​ലം ക​ത്ത് ന​ൽ​കി പ​ഞ്ചാ​യ​ത്ത് ഭ​ര​ണ​സ​മി​തി ട്രാ​ഫി​ക് നി​യ​ന്ത്ര​ണ​ത്തി​നാ​യി തീ​രു​മാ​നം കൈ​ക്കൊ​ണ്ട​താ​യും പ​റ​യു​ന്നു. എ​ന്നാ​ൽ, ആ ​തീ​രു​മാ​നം എ​വി​ടെ​യു​മെ​ത്തി​യി​ല്ലെ​ന്നാ​ണ് ജ​നം പ​റ​യു​ന്ന​ത്.

ജ​ന​ങ്ങ​ൾ​ക്ക് അ​വ​ശ്യ​സാ​ധ​ന​ങ്ങ​ൾ വാ​ങ്ങാ​നും ഹോ​ട്ട​ലി​ൽ ഭ​ക്ഷ​ണം ക​ഴി​ക്കാ​നു​മാ​യി ടൗ​ണി​ലെ​ത്തി​യാ​ൽ വാ​ഹ​നം പാ​ർ​ക്ക് ചെ​യ്യാ​ൻ ക​ഴി​യു​ന്നി​ല്ലെ​ന്നാ​ണ് വ്യാ​പാ​രി​ക​ളു​ടെ പ​രാ​തി. ക​ട​യു​ടെ മു​ന്നി​ൽ പൊ​തു​ജ​ന​ങ്ങ​ൾ​ക്ക് വാ​ഹ​നം നി​ർ​ത്താ​മെ​ന്ന് വി​ചാ​രി​ച്ചാ​ൽ ഒ​ഴി​ഞ്ഞു​കി​ട​ക്കു​ന്ന സ്ഥ​ല​ത്ത് ത​ല​ങ്ങും വി​ല​ങ്ങും നി​യ​ന്ത്ര​ണ​മി​ല്ലാ​തെ ഓ​ട്ടോ പാ​ർ​ക്ക് ചെ​യ്യു​ന്ന​താ​ണ് പ്ര​ശ്ന​ങ്ങ​ൾ​ക്ക് കാ​ര​ണ​മാ​കു​ന്ന​തെ​ന്നാ​ണ് വ്യാ​പാ​രി​ക​ള​ട​ക്കം പ​റ​യു​ന്ന​ത്. ഞ​ങ്ങ​ളു​ടെ നി​ല​നി​ൽ​പ്പി​ലും പ്രാ​ധാ​ന്യ​മി​ല്ലേ​യെ​ന്ന് ഓ​ട്ടോ തൊ​ഴി​ലാ​ളി​ക​ളു​ടെ ചോ​ദി​ക്കു​ന്നു.

ഈ ​പ്ര​തി​സ​ന്ധി തീ​ര​ണ​മെ​ങ്കി​ൽ പ​ഞ്ചാ​യ​ത്തി​ന്‍റെ നേ​തൃ​ത്വ​ത്തി​ലു​ള്ള ട്രാ​ഫി​ക് നി​യ​ന്ത്ര​ണ ക​മ്മി​റ്റി ഉ​ചി​ത​മാ​യ ന​ട​പ​ടി സ്വീ​ക​രി​ക്ക​ണ​മെ​ന്ന​താ​ണ് പൊ​തു​ജ​ന​ങ്ങ​ളു​ടെ ആ​വ​ശ്യം. അ​തേ​സ​മ​യം, ആ​രെ​യും വേ​ദ​നി​പ്പി​ക്കാ​തെ ടൗ​ണി​ന്റെ ട്രാ​ഫി​ക് നി​യ​ന്ത്ര​ണം ഉ​ട​ന​ടി​യു​ണ്ടാ​കു​മെ​ന്ന് പ​ഞ്ചാ​യ​ത്ത് വൈ​സ് പ്ര​സി​ഡ​ന്റ് എം. ​അ​ബ്ബാ​സ് ‘മാ​ധ്യ​മ’​ത്തോ​ട് പ​റ​ഞ്ഞു.