തൃക്കരിപ്പൂർ: മുസ്ലിം ലീഗ് കമ്മിറ്റി സംഘടിപ്പിക്കുന്ന ഉത്തരകേരള ഖുർആൻ പാരായണ മത്സരം 'മുസാബഖ' ഞായറാഴ്ച ഉടുമ്പുന്തലയിൽ നടക്കുമെന്ന് സംഘാടകർ അറിയിച്ചു. ശിഹാബ് തങ്ങൾ സമാശ്വാസ പെൻഷൻ വിതരണോദ്ഘാടനം, നൂറുൽ ബിലാദ് ആദരം, മതപ്രഭാഷണം എന്നിവയും നടക്കും. രാവിലെ 8.45ന് ഖുർആൻ പാരായണ മത്സര രജിസ്ട്രേഷൻ ആരംഭിക്കും. മണ്ഡലം ജനറൽ സെക്രട്ടറി എം.ടി.പി. കരീം ഉദ്ഘാടനം ചെയ്യും. ജനറൽ, ജൂനിയർ വിഭാഗങ്ങളിലായി ഖുർആൻ പാരായണ മത്സരം അരങ്ങേറും. ഇരുവിഭാഗങ്ങളിലും ഒന്നും രണ്ടും മൂന്നും സ്ഥാനം നേടുന്നവർക്ക് യഥാക്രമം 15,000, 10,000, 5,000 രൂപ കാഷ് അവാർഡുകൾ സമ്മാനിക്കും. ശിഹാബ് തങ്ങൾ സമാശ്വാസ പെൻഷൻ വിതരണോദ്ഘാടനം പഞ്ചായത്ത് മുസ്ലിം ലീഗ് പ്രസിഡൻറ് എസ്. കുഞ്ഞഹമ്മദ് നിർവഹിക്കും. അതോടൊപ്പം നിർധനർക്കുള്ള പെരുന്നാൾ വസ്ത്രവിതരണം, വനിത ക്വിസ് മത്സരം, സമസ്ത പൊതുപരീക്ഷയിൽ മികച്ച വിജയം നേടിയവർക്കുള്ള കാഷ് അവാർഡ് വിതരണം, സമൂഹ നോമ്പുതുറ എന്നിവ സംഘടിപ്പിക്കും. വാർത്തസമ്മേളനത്തിൽ എം.ടി. അബ്ദുറഹിമാൻ, കെ.പി. മുഹമ്മദ് കുഞ്ഞി, ഫാറൂഖ് മാവിലാടം, കെ.പി. സദഖത്തുല്ല ഹാജി, വി.കെ.പി. മുഹമ്മദ് കുഞ്ഞി എന്നിവർ പങ്കെടുത്തു.
വായനക്കാരുടെ അഭിപ്രായങ്ങള് അവരുടേത് മാത്രമാണ്, മാധ്യമത്തിേൻറതല്ല. പ്രതികരണങ്ങളിൽ വിദ്വേഷവും വെറുപ്പും കലരാതെ സൂക്ഷിക്കുക. സ്പർധ വളർത്തുന്നതോ അധിക്ഷേപമാകുന്നതോ അശ്ലീലം കലർന്നതോ ആയ പ്രതികരണങ്ങൾ സൈബർ നിയമപ്രകാരം ശിക്ഷാർഹമാണ്. അത്തരം പ്രതികരണങ്ങൾ നിയമനടപടി നേരിടേണ്ടി വരും.
വായനക്കാരുടെ അഭിപ്രായങ്ങള് അവരുടേത് മാത്രമാണ്, മാധ്യമത്തിേൻറതല്ല. പ്രതികരണങ്ങളിൽ വിദ്വേഷവും വെറുപ്പും കലരാതെ സൂക്ഷിക്കുക. സ്പർധ വളർത്തുന്നതോ അധിക്ഷേപമാകുന്നതോ അശ്ലീലം കലർന്നതോ ആയ പ്രതികരണങ്ങൾ സൈബർ നിയമപ്രകാരം ശിക്ഷാർഹമാണ്. അത്തരം പ്രതികരണങ്ങൾ നിയമനടപടി നേരിടേണ്ടി വരും.