നീലേശ്വരം: റഷ്യ- ഉക്രെയ്ൻ യുദ്ധസാഹചര്യത്തിൽ തൈക്കടപ്പുറം വി.ജി.എം.എ.എൽ.പി സ്കൂൾ വിദ്യാർഥികളും രക്ഷിതാക്കളും യുദ്ധവിരുദ്ധ പ്രതിജ്ഞയെടുത്തു. ഉക്രെയ്നിൽ മെഡിസിന് പഠിക്കുന്ന കാഞ്ഞങ്ങാട് സ്വദേശി ആഗ്ന അസീസ് യുദ്ധത്തിന്റെ നേർസാക്ഷ്യം കുട്ടികളോട് വിവരിച്ചു. ഭക്ഷണവും വെള്ളവുമില്ലാതെ ബങ്കറിൽ കിടന്നതും ജീവഭയത്തോടെ രാജ്യം വിടേണ്ടിവന്നതും ഭീതിതമായ ഓർമയാണെന്നും ആഗ്ന അസീസ് കൂട്ടിച്ചേർത്തു. യുദ്ധവിരുദ്ധ പ്രതിജ്ഞയിൽ കുട്ടികളോടൊപ്പം രക്ഷിതാക്കളും നാട്ടുകാരും പങ്കുചേർന്നു. നഗരസഭ കൗൺസിലർ വിനു നിലാവ് ഉദ്ഘാടനം ചെയ്തു. ഇ. അനിൽകുമാർ അധ്യക്ഷത വഹിച്ചു. സ്കൂൾ മാനേജർ കെ. കുഞ്ഞിമാണിക്കം ഉപഹാരം വിതരണം നടത്തി. നഗരസഭ കൗൺസിലർമാരായ കെ.വി. ശശികുമാർ, പി.കെ. ലത, കെ. പ്രകാശൻ, എം.വി. സുകുമാരൻ, മഹമൂദ് കോട്ടായി, എൻ.കെ. സുബ്രഹ്മണ്യൻ, സുധീർ മാടക്കത്ത്, പി. അഷിത, എം.വി.കെ. ഗിരീശൻ എന്നിവർ സംസാരിച്ചു. പ്രാധാനാധ്യാപിക എം.പി. നിർമല സ്വാഗതവും കെ. പ്രവീൺ കുമാർ നന്ദിയും പറഞ്ഞു.
വായനക്കാരുടെ അഭിപ്രായങ്ങള് അവരുടേത് മാത്രമാണ്, മാധ്യമത്തിേൻറതല്ല. പ്രതികരണങ്ങളിൽ വിദ്വേഷവും വെറുപ്പും കലരാതെ സൂക്ഷിക്കുക. സ്പർധ വളർത്തുന്നതോ അധിക്ഷേപമാകുന്നതോ അശ്ലീലം കലർന്നതോ ആയ പ്രതികരണങ്ങൾ സൈബർ നിയമപ്രകാരം ശിക്ഷാർഹമാണ്. അത്തരം പ്രതികരണങ്ങൾ നിയമനടപടി നേരിടേണ്ടി വരും.
വായനക്കാരുടെ അഭിപ്രായങ്ങള് അവരുടേത് മാത്രമാണ്, മാധ്യമത്തിേൻറതല്ല. പ്രതികരണങ്ങളിൽ വിദ്വേഷവും വെറുപ്പും കലരാതെ സൂക്ഷിക്കുക. സ്പർധ വളർത്തുന്നതോ അധിക്ഷേപമാകുന്നതോ അശ്ലീലം കലർന്നതോ ആയ പ്രതികരണങ്ങൾ സൈബർ നിയമപ്രകാരം ശിക്ഷാർഹമാണ്. അത്തരം പ്രതികരണങ്ങൾ നിയമനടപടി നേരിടേണ്ടി വരും.