കുരുന്നുകളെത്തി; അംഗൻവാടികളിൽ വീണ്ടും കളിചിരി

ചെറുവത്തൂർ: രണ്ടു വർഷത്തിനുശേഷം അംഗൻവാടികളിൽ കളിചിരികളുയർന്നു. കോവിഡിനെ തുടർന്ന് അടച്ചുപൂട്ടിയ അംഗൻവാടികൾ 720 ദിവസത്തിനുശേഷമാണ് വീണ്ടും തുറന്നത്. ടീച്ചർമാരെയും അംഗൻവാടിയും ഇതുവരെ കാണാത്ത മക്കളാണ് ആദ്യ ദിവസം എത്തിയത്. പതിവ് കരച്ചിലുകൾക്കും പിണക്കങ്ങൾക്കും വിടനൽകി സന്തോഷത്തോടെയാണ് കുട്ടികൾ ഇക്കുറി എത്തിയത്. ഉച്ചവരെയാണ് ക്ലാസുകൾ ക്രമീകരിച്ചിട്ടുള്ളത്. പാട്ടും കഥകളുമായി അധ്യാപികമാർ കുരുന്നുകളെ വരവേറ്റു. മധുരവും വിതരണം ചെയ്തു. പടം.. പിലിക്കോട് കരക്കേരു അംഗൻവാടിയിൽ പ്രവേശനത്തിന് എത്തിയ കുട്ടികൾ