കളിയിക്കാവിള കൊലപാതകം തോക്ക് കൊച്ചിയിൽനിന്ന് കണ്ടെടുത്തു

കൊ​ച്ചി: ക​ളി​യി​ക്കാ​വി​ള ചെ​ക്ക്​​പോ​സ്​​റ്റി​ൽ പൊ​ലീ​സ് ഉ​ദ്യോ​ഗ​സ്ഥ​നെ കൊ​ല​പ്പെ​ടു​ത്താ​ന്‍ ഉ​പ​യ ോ​ഗി​ച്ച​തെ​ന്ന് ക​രു​തു​ന്ന തോ​ക്ക് കൊ​ച്ചി​യി​ൽ​നി​ന്ന്​ ക​ണ്ടെ​ടു​ത്തു. പ്ര​തി​ക​ളാ​യ അ​ബ്​​ദു​ൽ ഷ​മീ ം, തൗ​ഫീ​ഖ്​ എ​ന്നി​വ​രു​മാ​യി ത​മി​ഴ്നാ​ട് ക്യു ​ബ്രാ​ഞ്ച് ന​ട​ത്തി​യ തെ​ളി​വെ​ടു​പ്പി​നി​ടെ എ​റ​ണാ​കു​ളം കെ.​എ​സ്.​ആ​ർ.​ടി.​സി സ്​​റ്റാ​ൻ​ഡി​ന് സ​മീ​പ​ത്തെ ഓ​ട​യി​ൽ​നി​ന്നാ​ണ് വ്യാ​ഴാ​ഴ്ച രാ​വി​ലെ 11ഓ​ടെ തോ​ക്ക് ക​ ണ്ടെ​ത്തി​യ​ത്.

എ.​എ​സ്.​ഐ​യെ കൊ​ല​പ്പെ​ടു​ത്തി​യ​ശേ​ഷം ബ​സി​ൽ കൊ​ച്ചി​യി​ലെ​ത്തി തോ​ക്ക് ഉ​പേ​ക്ഷി​ക്കു​ക​യാ​യി​രു​ന്നെ​ന്ന പ്ര​തി​ക​ളു​ടെ മൊ​ഴി​യു​ടെ അ​ടി​സ്ഥാ​ന​ത്തി​ലാ​യി​രു​ന്നു തെ​ളി​വെ​ടു​പ്പ്. സ്​​റ്റാ​ൻ​ഡി​ൽ വ​ന്നി​റ​ങ്ങി​യ​പ്പോ​ൾ കൊ​ല​പാ​ത​കം സം​ബ​ന്ധി​ച്ച വാ​ർ​ത്ത പ​ത്ര​ത്തി​ൽ ക​ണ്ട​തി​നെ​ത്തു​ട​ർ​ന്ന് തോ​ക്ക് ഓ​ട​യി​ൽ ഉ​പേ​ക്ഷി​ച്ച് ഉ​ഡു​പ്പി​യി​ലേ​ക്ക് ക​ട​ക്കു​ക​യാ​യി​രു​ന്നെ​ന്ന് പൊ​ലീ​സ് പ​റ​ഞ്ഞു. ഇ​റ്റാ​ലി​യ​ൻ നി​ർ​മി​ത 7.65 എം.​എം പി​സ്​​റ്റ​ൾ സൈ​നി​ക-​അ​ർ​ധ സൈ​നി​ക വി​ഭാ​ഗ​ങ്ങ​ൾ മാ​ത്രം ഉ​പ​യോ​ഗി​ക്കു​ന്ന ത​ര​ത്തി​ലു​ള്ള​താ​ണെ​ന്ന് പ്രാ​ഥ​മി​ക പ​രി​ശോ​ധ​ന​യി​ൽ വ്യ​ക്ത​മാ​യ​താ​യി പൊ​ലീ​സ് പ​റ​ഞ്ഞു. കൊ​ല ന​ട​ന്ന സ്ഥ​ല​ത്തു​നി​ന്ന്​ അ​ഞ്ച് വെ​ടി​യു​ണ്ട ല​ഭി​ച്ചി​രു​ന്നു.

കേ​ര​ള പൊ​ലീ​സി​െൻറ​യും കൊ​ച്ചി കോ​ർ​പ​റേ​ഷ​ൻ ജീ​വ​ന​ക്കാ​രു​ടെ​യും സ​ഹാ​യ​ത്തോ​ടെ​യാ​യി​രു​ന്നു തെ​ളി​വെ​ടു​പ്പ്. തെ​ളി​വെ​ടു​പ്പ് ആ​രം​ഭി​ച്ച് അ​ൽ​പ​സ​മ​യ​ത്തി​ന​കം തോ​ക്ക് ക​ണ്ടു​കി​ട്ടി. കൃ​ത്യ​ത്തി​ന് ഉ​പ​യോ​ഗി​ച്ച തോ​ക്കു​ത​ന്നെ​യാ​ണോ എ​ന്ന​റി​യാ​ൻ ഫോ​റ​ൻ​സി​ക് പ​രി​ശോ​ധ​ന ന​ട​ത്തും.

സൈ​ന്യം ഉ​പ​യോ​ഗി​ക്കു​ന്ന ത​രം തോ​ക്ക് കി​ട്ടി​യ​തി​നെ​ക്കു​റി​ച്ച് അ​ന്വേ​ഷി​ക്കു​മെ​ന്ന് ത​മി​ഴ്നാ​ട് ക്യു ​ബ്രാ​ഞ്ച് ഡി​വൈ.​എ​സ്.​പി കെ. ​ഗ​ണേ​ശ​ൻ പ​റ​ഞ്ഞു. ക​ളി​യി​ക്കാ​വി​ള ചെ​ക്ക്​​പോ​സ്​​റ്റ്​ പ​രി​സ​ര​ത്തും പ്ര​തി​ക​ള്‍ താ​മ​സി​ച്ചി​രു​ന്ന സ്ഥ​ല​ങ്ങ​ളി​ലും ബു​ധ​നാ​ഴ്ച രാ​ത്രി തെ​ളി​വെ​ടു​പ്പ് ന​ട​ത്തി​യി​രു​ന്നു.