തിരുവനന്തപുരം: നേമത്ത് യു.ഡി.എഫ് സ്ഥാനാർഥിയായി മത്സരിക്കുന്ന കെ.മുരളീധരന് തിരുവനന്തപുരം വിമാനത്താവളത്തിൽ ആവേശ വരവേൽപ്പൊരുക്കി യൂത്ത് കോൺഗ്രസ്. തിരുവനന്തപുരം വിമാനത്താവളത്തിൽ വൈകീട്ടെത്തിയ മുരളീധരൻ നേമത്തേക്ക് പുറപ്പെട്ടു.
വർഗീയവിഷം ചീറ്റുന്ന സംഘപരിവാർ എന്ന വിപത്തിനെ കേരളത്തിന്‍റെ മതേതര മണ്ണിൽനിന്നും പിഴുതെറിഞ്ഞേ മതിയാവൂവെന്ന് കെ.മുരളീധരൻ ഫേസ്ബുക്കിൽ കുറിച്ചു. വർഗീയതയ്ക്ക് എതിരായ സന്ധിയില്ലാത്ത പോരാട്ടമാണ് ഇവിടെ നടക്കുന്നതെന്നും
ഇത് കേരളം മുഴുവൻ ആളിപ്പടരുമെന്നും അഞ്ചു വർഷം ഭരിച്ച പിണറായി സർക്കാരും കേരളത്തിനു സമ്മാനിച്ചത് ദുരിതങ്ങളും ദുരന്തങ്ങളും മാത്രമാണെന്നും കെ.മുരളീധരൻ കൂട്ടിച്ചേർത്തു.
വായനക്കാരുടെ അഭിപ്രായങ്ങള്‍ അവരുടേത് മാത്രമാണ്, മാധ്യമത്തിേൻറതല്ല. പ്രതികരണങ്ങളിൽ വിദ്വേഷവും വെറുപ്പും കലരാതെ സൂക്ഷിക്കുക. സ്പർധ വളർത്തുന്നതോ അധിക്ഷേപമാകുന്നതോ അശ്ലീലം കലർന്നതോ ആയ പ്രതികരണങ്ങൾ സൈബർ നിയമപ്രകാരം ശിക്ഷാർഹമാണ്. അത്തരം പ്രതികരണങ്ങൾ നിയമനടപടി നേരിടേണ്ടി വരും.