മോഷണം നടന്ന വീട്ടിൽ പൊലീസ് പരിശോധന നടത്തുന്നു
മണ്ണഞ്ചേരി: അടുക്കള വാതിൽ കുത്തിത്തുറന്ന് വീട്ടിൽ കയറിയ മോഷ്ടാക്കൾ ഉറങ്ങിക്കിടന്ന കുട്ടിയുടെ സ്വർണമാലയും അലമാരയിൽ സൂക്ഷിച്ച സ്വർണാഭരണങ്ങളും പണവും മോഷ്ടിച്ചു. പഞ്ചായത്ത് 12 ാം വാർഡ് എട്ടുകണ്ടത്തിൽ അബ്ദുൽ കരീമിന്റെ വീട്ടിലാണ് ബുധനാഴ്ച രാത്രി മോഷണം നടന്നത്. വ്യാഴാഴ്ച പുലർച്ച നാലിന് വീട്ടുകാർ എഴുന്നേറ്റപ്പോഴാണ് മോഷണവിവരം അറിഞ്ഞത്. കരീമിന്റെ പേരമകൾ നാലര വയസ്സുകാരിയുടെ മുക്കാൽ പവൻ വരുന്ന മാലയാണ് മോഷ്ടിച്ചത്.
വീടിനു മുകളിലത്തെ നിലയിൽ ഉറങ്ങിക്കിടക്കുകയായിരുന്നു കുട്ടിയും മാതാവും. അലമാരയിൽ സൂക്ഷിച്ച മാല, ഒരു ജോടി കമ്മൽ, റിങ് തുടങ്ങി നാലര പാവനോളം ആഭരണണങ്ങളും 4000 രൂപയും അപഹരിച്ചു. മണ്ണഞ്ചേരി സ്റ്റേഷൻ പ്രിൻസിപ്പൽ എസ്.ഐ കെ.ആർ. ബിജുവിന്റെ നേതൃത്വത്തിൽ പൊലീസും ഡോഗ്സ് സ്ക്വാഡും പരിശോധന നടത്തി
വായനക്കാരുടെ അഭിപ്രായങ്ങള് അവരുടേത് മാത്രമാണ്, മാധ്യമത്തിേൻറതല്ല. പ്രതികരണങ്ങളിൽ വിദ്വേഷവും വെറുപ്പും കലരാതെ സൂക്ഷിക്കുക. സ്പർധ വളർത്തുന്നതോ അധിക്ഷേപമാകുന്നതോ അശ്ലീലം കലർന്നതോ ആയ പ്രതികരണങ്ങൾ സൈബർ നിയമപ്രകാരം ശിക്ഷാർഹമാണ്. അത്തരം പ്രതികരണങ്ങൾ നിയമനടപടി നേരിടേണ്ടി വരും.