പ്ലാസ്റ്റിക്കിന് വിലക്കുമായി ഹൈകോടതി; മലയോര വിനോദ കേന്ദ്രങ്ങളിലും വിവാഹമടക്കമുള്ള പൊതുചടങ്ങുകളിലും ഒറ്റത്തവണ ഉപയോഗിക്കുന്ന പ്ലാസ്റ്റിക്കിന് നിരോധനം

കൊ​ച്ചി: സം​സ്ഥാ​ന​ത്തെ മ​ല​യോ​ര വി​നോ​ദ​സ​ഞ്ചാ​ര മേ​ഖ​ല​ക​ളി​ലും വി​വാ​ഹ​മ​ട​ക്കം ച​ട​ങ്ങു​ക​ളി​ലും ഒ​റ്റ​ത്ത​വ​ണ ഉ​പ​യോ​ഗി​ക്കു​ന്ന പ്ലാ​സ്റ്റി​ക് ഉ​ൽ​പ​ന്ന​ങ്ങ​ൾ ​നി​രോ​ധി​ച്ച്​ ഹൈ​കോ​ട​തി. ഗാ​ന്ധി ജ​യ​ന്തി ദി​ന​മാ​യ ഒ​ക്ടോ​ബ​ർ ര​ണ്ടു​മു​ത​ൽ നി​രോ​ധ​നം ന​ട​പ്പാ​ക്ക​ണ​മെ​ന്ന്​ ജ​സ്റ്റി​സ് ബെ​ച്ചു കു​ര്യ​ൻ തോ​മ​സ്, ജ​സ്റ്റി​സ് പി. ​ഗോ​പി​നാ​ഥ് എ​ന്നി​വ​ര​ട​ങ്ങു​ന്ന ഡി​വി​ഷ​ൻ ബെ​ഞ്ച്​ ഉ​ത്ത​ര​വി​ട്ടു. ബ്ര​ഹ്മ​പു​രം തീ​പി​ടി​ത്ത​ത്തെ​തു​ട​ർ​ന്ന്​ സ്വ​മേ​ധ​യാ എ​ടു​ത്ത ഹ​ര​ജി​യാ​ണ്​ കോ​ട​തി പ​രി​ഗ​ണി​ച്ച​ത്.

വി​വാ​ഹ​മ​ട​ക്കം ച​ട​ങ്ങു​ക​ൾ, ഓ​ഡി​റ്റോ​റി​യ​ങ്ങ​ൾ, ഹോ​ട്ട​ലു​ക​ൾ, റ​സ്റ്റാ​റ​ന്റു​ക​ൾ, കേ​ന്ദ്ര-​സം​സ്ഥാ​ന സ​ർ​ക്കാ​ർ പ​രി​പാ​ടി​ക​ൾ എ​ന്നി​വ​യി​ൽ അ​ഞ്ച് ലി​റ്റ​റി​ൽ താ​ഴെ​യു​ള്ള പ്ലാ​സ്റ്റി​ക് വെ​ള്ള​ക്കു​പ്പി​ക​ൾ, ര​ണ്ട്​ ലി​റ്റ​റി​ൽ താ​ഴെ​യു​ള്ള പ്ലാ​സ്റ്റി​ക് ശീ​ത​ള​പാ​നീ​യ കു​പ്പി​ക​ൾ, പ്ലാ​സ്റ്റി​ക്‌ സ്ട്രോ, ​പ്ലേ​റ്റു​ക​ൾ, ക​പ്പ്, സ്പൂ​ൺ, ക​ത്തി മു​ത​ലാ​യ​വ ഉ​പ​യോ​ഗി​ക്കു​ന്ന​തും ഡി​വി​ഷ​ൻ ബെ​ഞ്ച് നി​രോ​ധി​ച്ചു. ഇ​ത്​ ഹോ​ട്ട​ലു​ക​ളു​ടെ ലൈ​സ​ൻ​സ് വ്യ​വ​സ്ഥ​ക​ളു​ടെ ഭാ​ഗ​മാ​ക്ക​ണ​മെ​ന്നും കോ​ട​തി നി​ർ​ദേ​ശി​ച്ചു.

നി​ർ​ദേ​ശ​ങ്ങ​ൾ ത​ദ്ദേ​ശ​ഭ​ര​ണ സ്ഥാ​പ​ന​ങ്ങ​ൾ, മ​ലി​നീ​ക​ര​ണ നി​യ​ന്ത്ര​ണ ബോ​ർ​ഡ്, പൊ​ലീ​സ് എ​ന്നി​വ​ർ മു​​ഖേ​ന ക​ർ​ശ​ന​മാ​യി ന​ട​പ്പാ​ക്ക​ണം. ചീ​ഫ് സെ​ക്ര​ട്ട​റി, ത​ദ്ദേ​ശ​ഭ​ര​ണ സ്പെ​ഷ​ൽ സെ​ക്ര​ട്ട​റി എ​ന്നി​വ​ർ​ക്കാ​ണ്​ ന​ട​പ​ടി​ക​ളു​ടെ​ ഏ​കോ​പ​ന​ച്ചു​മ​ത​ല.

പ്ലാ​സ്റ്റി​ക്കും അ​ത്​ ക​ല​ർ​ന്ന വ​സ്തു​ക്ക​ളും ദ്രാ​വ​ക​വും മ​നു​ഷ്യ​ന​ട​ക്കം ജീ​വ​ജാ​ല​ങ്ങ​ൾ​ക്ക്​ ഭീ​ഷ​ണി​യാ​​ണെ​ന്നും പ്ലാ​സ്റ്റി​ക്​ സം​സ്ക​ര​ണം​ ലോ​ക​വ്യാ​പ​ക പ്ര​ശ്ന​വു​മാ​ണെ​ന്ന്​ കോ​ട​തി വി​ല​യി​രു​ത്തി.

ബ​ദ​ൽ ക​​ണ്ടെ​ത്താ​ത്ത സാ​ഹ​ച​ര്യ​ത്തി​ൽ അ​തി​ന്‍റെ ദു​രി​തം പ​ര​മാ​വ​ധി കു​റ​ക്കു​ക​യാ​ണ്​ ല​ക്ഷ്യം. പ​ല ഉ​ത്ത​ര​വു​ക​ളി​ലൂ​ടെ​യും സം​സ്ഥാ​ന​ത്ത്​ ഒ​റ്റ​ത്ത​വ​ണ ഉ​പ​​യോ​ഗി​ക്കു​ന്ന പ്ലാ​സ്റ്റി​ക്കി​ന്​ നി​യ​ന്ത്ര​ണ​മു​ണ്ടെ​ങ്കി​ലും സം​സ്ഥാ​ന​ത്തെ മ​ല​യോ​ര വി​നോ​ദ​സ​ഞ്ചാ​ര മേ​ഖ​ല​ക​ളി​ൽ ഒ​റ്റ​ത്ത​വ​ണ ഉ​പ​യോ​ഗി​ക്ക​ൽ പ്ലാ​സ്റ്റി​ക് വ്യാ​പ​ക​മാ​ണ്. മ​ലി​നീ​ക​ര​ണ വി​മു​ക്ത പ​രി​സ്ഥി​തി​യെ​ന്ന പൗ​ര​ന്റെ മൗ​ലി​കാ​വ​കാ​ശ​വും സ​മാ​ന​മാ​യ ക​ട​മ​ക​ളും പ​രി​ഗ​ണി​ച്ചാ​ണ്​ കോ​ട​തി ഉ​ത്ത​ര​വ്​ പു​റ​പ്പെ​ടു​വി​ച്ച​ത്.

ഹൈ​കോ​ട​തി​ നി​ർ​ദേ​ശ​ങ്ങ​ൾ

• മ​ല​യോ​ര വി​നോ​ദ​സ​ഞ്ചാ​ര കേ​ന്ദ്ര​ങ്ങ​ളി​ൽ ജ​ല കി​യോ​സ്കു​ക​ൾ സ്ഥാ​പി​ക്ക​ണം. ഗ്ലാ​സ്, ലോ​ഹ​ക്കു​പ്പി​ക​ളി​ൽ ശു​ദ്ധ​ജ​ലം വി​ൽ​പ​ന​ക്ക്​ ഒ​രു​ക്ക​ണം. 

• ഒ​റ്റ​ത്ത​വ​ണ ഉ​പ​യോ​ഗി​ക്കു​ന്ന പ്ലാ​സ്റ്റി​ക്കു​മാ​യി മ​ല​യോ​ര വിനോദ കേ​ന്ദ്ര​ങ്ങ​ളി​ൽ പ്ര​വേ​ശി​ക്കു​ന്ന​തു ത​ട​യ​ണം.

• ജ​ല​സ്രോ​ത​സ്സു​ക​ളി​ൽ പ്ലാ​സ്റ്റി​ക് ത​ള്ളു​ന്ന​ത് ത​ട​യാ​ൻ ന​ട​പ​ടി വേണം. പ്ലാ​സ്റ്റി​ക് കു​പ്പി​ക​ൾ ശേ​ഖ​രി​ക്കാ​ൻ സ​ന്ന​ദ്ധ സം​ഘ​ട​ന​ക​ളു​ടെ സ​ഹാ​യ​ത്തോ​ടെ സ്ഥി​രം സം​വി​ധാ​നം വേ​ണം.

• ഒ​റ്റ​ത്ത​വ​ണ ഉ​പ​യോ​ഗി​ക്കു​ന്ന പ്ലാ​സ്റ്റി​ക്കി​ന്റെ ദൂ​ഷ്യ​ഫ​ല​ങ്ങ​ളെ​ക്കു​റി​ച്ച് ബോ​ധ​വ​ത്​​ക​ര​ണ​വും ദൃ​ശ്യ, അ​ച്ച​ടി മാ​ധ്യ​മ​ങ്ങ​ളു​ടെ കാ​മ്പ​യി​നും ഉ​ണ്ടാ​ക​ണം.

• പ്ലാ​സ്റ്റി​ക് ഉ​ൽ​പ​ന്ന നി​ർ​മാ​ണ​ ച​ട്ട​ങ്ങ​ൾ ക​ർ​ശ​ന​മാ​ക്ക​ണം.