പാനൂർ: ഇന്നലെ സി.പി.എം പ്രകടനത്തിന് നേരെയുണ്ടായ ബോംബേറില് പ്രതിഷേധിച്ച് കണ്ണൂര് പാനൂരിലും സമീപ പ്രദേശങ്ങളിലും എൽ.ഡി.എഫ് പ്രഖ്യാപിച്ച ഹര്ത്താല് പൂര്ണം. പാനൂര് നഗരസഭയിലും സമീപത്തെ 5 പഞ്ചായത്തുകളിലുമാണ് ഹര്ത്താല്. വാഹനങ്ങളെ ഹര്ത്താലില് നിന്ന് ഒഴിവാക്കിയിട്ടുണ്ട്. ഇന്നലെ വൈകിട്ട് 6 മണിയോടെയാണ് പാനൂര് കൈവേലിക്കലില് സി.പി.എമ്മിന്റെ പ്രതിഷേധ പ്രകടനത്തിന് നേരെ ബോംബേറുണ്ടായത്. രണ്ടു പൊലീസുകാരടക്കം 7 പേര്ക്ക് പരിക്കേറ്റിരുന്നു. പാനൂരിലും പരിസര പ്രദേശങ്ങളിലും നേരിയ അനിഷ്ട സംഭവങ്ങളുണ്ടായിരുന്നു. കണ്ണൂര് എസ്.പിയുടെ നേതൃത്വത്തില് പ്രദേശത്ത് സുരക്ഷ ശക്തമാക്കി.
വായനക്കാരുടെ അഭിപ്രായങ്ങള് അവരുടേത് മാത്രമാണ്, മാധ്യമത്തിേൻറതല്ല. പ്രതികരണങ്ങളിൽ വിദ്വേഷവും വെറുപ്പും കലരാതെ സൂക്ഷിക്കുക. സ്പർധ വളർത്തുന്നതോ അധിക്ഷേപമാകുന്നതോ അശ്ലീലം കലർന്നതോ ആയ പ്രതികരണങ്ങൾ സൈബർ നിയമപ്രകാരം ശിക്ഷാർഹമാണ്. അത്തരം പ്രതികരണങ്ങൾ നിയമനടപടി നേരിടേണ്ടി വരും.