പാതിവില തട്ടിപ്പ്​; സായിഗ്രാമം സംശയനിഴലിൽ

തി​രു​വ​ന​ന്ത​പു​രം: പാ​തി​വി​ല ത​ട്ടി​പ്പി​ൽ കെ.​എ​ൻ. ആ​ന​ന്ദ​കു​മാ​ർ എ​ക്സി​ക്യൂ​ട്ടി​വ് ഡ​യ​റ​ക്ട​റാ​യ എ​ൻ.​ജി.​ഒ സാ​യി​ഗ്രാ​മ​വും സം​ശ​യ​നിഴലി​ൽ. സാ​യി​ഗ്രാ​മ​ത്തി​ലേ​ക്ക് ല​ഭി​ക്കു​ന്ന സാ​മൂ​ഹി​ക പ്ര​തി​ബ​ദ്ധ​താ​ഫ​ണ്ടി​ൽ (സി.​എ​സ്.​ആ​ർ) അ​ധി​കം​വ​രു​ന്ന തു​ക നാ​ഷ​ന​ൽ എ​ൻ.​ജി.​ഒ കോ​ൺ​ഫെ​ഡ​റേ​ഷ​നി​ലേ​ക്ക് മാ​റ്റാ​മെ​ന്ന വാ​ഗ്ദാ​ന​ത്തി​ലാ​ണ്​ ത​ട്ടി​പ്പ്​ കൂ​ട്ടാ​യ്മ​യു​ടെ തു​ട​ക്കം. സം​ഭാ​വ​ന​യാ​യി ന​ൽ​കി​യ ര​ണ്ട്​ കോ​ടി കൂ​ടാ​തെ മാ​സം​തോ​റും പ​ത്ത്​ ല​ക്ഷം രൂ​പ വീ​ത​വും സാ​യി​ഗ്രാ​മി​ന്​ ന​ൽ​കി​യ​താ​യി ക​ണ്ടെ​ത്തി​.

ഇ​ന്ത്യ​യി​ലെ നാ​ലാ​മ​ത്തെ വ​ലി​യ എ​ൻ.​ജി.​ഒ​യും കേ​ര​ള​ത്തി​ലെ ഏ​റ്റ​വും വ​ലി​യ എ​ൻ.​ജി.​ഒ​യു​മെ​ന്ന അ​വ​കാ​ശ​വാ​ദ​ത്തോ​ടെ സ​ത്യ​സാ​യി ട്ര​സ്റ്റി​ന്റെ 25ാം വാ​ർ​ഷി​ക​ത്തി​ൽ സാ​യി​ഗ്രാ​മ​ത്തി​ന്റെ നേ​തൃ​ത്വ​ത്തി​ലാ​ണ്​ നാ​ഷ​ന​ൽ എ​ൻ.​ജി.​ഒ കോ​ൺ​ഫെ​ഡ​റേ​ഷ​ൻ രൂ​പ​വ​ത്​​ക​രി​ച്ച​ത്. കേ​ര​ള​ത്തി​ലെ ചെ​റി​യ എ​ൻ.​ജി.​ഒ​ക​ളെ കൂ​ട്ടി​യോ​ജി​പ്പി​ച്ച്​ വ​ലി​യ സം​ഘ​ട​ന​യാ​വുകയെ​ന്ന ല​ക്ഷ്യ​ത്തോ​ടെ​ ആ​ന​ന്ദ​കു​മാ​ർ ആ​ജീ​വ​നാ​ന്ത ചെ​യ​ർ​മാ​നാ​യാ​ണ്​ പ്ര​വ​ർ​ത്ത​നം. സാ​യി​ഗ്രാ​മ​ത്തി​ന്​ ല​ഭി​ക്കു​ന്ന സി.​എ​സ്.​ആ​ർ ഫ​ണ്ടു​പ​​യോ​ഗി​ച്ച്​ പാ​തി​വി​ല ധ​ന​സ​ഹാ​യ​ത്തോ​ടെ സ്കൂ​ട്ട​ർ ഉ​ൾ​പ്പെ​ടെ ന​ൽ​കാ​മെ​ന്നാ​യി​രു​ന്നു വാ​ഗ്ദാ​നം.

ത​ല​സ്ഥാ​ന​ത്ത്​ ന​ട​ന്ന പ​രി​ശോ​ധ​ന​യി​ൽ സാ​യി​ഗ്രാ​മ​ം ഓ​ഫി​സും ഉ​ൾ​പ്പെ​ട്ടി​രു​ന്നു. റെ​യ്ഡ് ന​ട​ത്തി​യ 12 കേ​ന്ദ്ര​ങ്ങ​ളി​ൽ നി​ന്നാ​യി ഒ​ട്ടേ​റെ രേ​ഖ​ക​ൾ ഇ.​ഡി ക​സ്റ്റ​ഡി​യി​ലെ​ടു​ത്തു. ചി​ല​യി​ട​ങ്ങ​ളി​ൽ​നി​ന്ന് റെ​യ്ഡി​നു​മു​മ്പ് രേ​ഖ​ക​ളും ലാ​പ്‌​ടോ​പ് അ​ട​ക്ക​മു​ള്ള ഇ​ല​ക്‌​ട്രോ​ണി​ക് ഉ​പ​ക​ര​ണ​ങ്ങ​ളും ക്രൈം​ബ്രാ​ഞ്ച് ക​സ്റ്റ​ഡി​യി​ലെ​ടു​ത്തി​രു​ന്നു. ക്രൈം​ബ്രാ​ഞ്ച് കോ​ട​തി​യി​ൽ സ​മ​ർ​പ്പി​ച്ച​ശേ​ഷ​മേ ഇ​വ ഇ.​ഡി​ക്ക് ല​ഭി​ക്കൂ.

ക​ണ്ണൂ​രി​ൽ ര​ജി​സ്റ്റ​ർ​ചെ​യ്ത കേ​സി​ൽ ര​ണ്ടാം​പ്ര​തി​യാ​യ ആ​ന​ന്ദ​കു​മാ​റി​ന്‍റെ മു​ൻ​കൂ​ർ ജാ​മ്യ​ഹ​ര​ജി തി​രു​വ​ന​ന്ത​പു​രം പ്രി​ൻ​സി​പ്പ​ൽ സെ​ഷ​ൻ കോ​ട​തി വ്യാ​ഴാ​ഴ്ച വീ​ണ്ടും പ​രി​ഗ​ണി​ക്കും. ആ​ന​ന്ദ​കു​മാ​റി​ന്‍റെ പ​ങ്കാ​ളി​ത്തം സം​ബ​ന്ധി​ച്ച്​ പൊ​ലീ​സ്​ റി​പ്പോ​ർ​ട്ട്​ സ​മ​ർ​പ്പി​ക്കാ​ൻ വൈ​കി​യ​തി​നാ​ലാ​ണ്​ ഹ​ര​ജി തീ​ർ​പ്പാ​കാ​ത്ത​ത്. പൊ​ലീ​സ്​ വീ​ഴ്ച​കാ​ര​ണം ആ​ന​ന്ദ​കു​മാ​റി​നെ ഇ​തു​വ​രെ ​ചോ​ദ്യം​ചെ​യ്യാ​നും സാ​ധി​ച്ചി​ട്ടി​ല്ല. ഇ​തി​നി​ടെ, ആ​ന​ന്ദ​കു​മാ​റി​നെ​യും കോ​ൺ​ഗ്ര​സ് നേ​താ​വും നി​യ​മോ​പ​ദേ​ശ​ക​യു​മാ​യ അ​ഡ്വ. ലാ​ലി വി​ൻ​സ​ന്റി​നെ​യും നോ​ട്ടീ​സ്​ ന​ൽ​കി വി​ളി​പ്പി​ക്കാ​നാ​ണ്​ ഇ.​ഡി​ തീ​രു​മാ​നം. ഇ​രു​വ​രും ബാ​ങ്ക്​ അ​ക്കൗ​ണ്ട്​ വി​വ​ര​ങ്ങ​ൾ ഹാ​ജ​രാ​ക്കേ​ണ്ടി​വ​രും. ലാ​ലി​യു​ടെ എ​റ​ണാ​കു​ളത്തെ ഓ​ഫി​സി​ലും ഇ.​ഡി പ​രി​ശോ​ധ​ന ന​ട​ത്തി. അ​ന​ന്തു​കൃ​ഷ്ണ​നി​ൽ​നി​ന്ന്​ 45 ല​ക്ഷം​രൂ​പ വ​ക്കീ​ൽ ഫീ​സാ​യി വാങ്ങിയത് ലാ​ലി സ​മ്മ​തി​ച്ചി​ട്ടു​ണ്ട്. അ​ന​ന്തു​കൃ​ഷ്ണ​ന്‍റെ ഓ​ഫി​സ്, വീ​ട്​ എ​ന്നി​വി​ട​ങ്ങ​ളി​ൽ​നി​ന്ന്​ പി​ടി​ച്ചെ​ടു​ത്ത രേ​ഖ​ക​ൾ പ​രി​ശോ​ധി​ച്ച​ശേ​ഷം അ​ന​ന്തു​കൃ​ഷ്​​ണ​നെ​യും ഇ.​ഡി ക​സ്റ്റി​യി​ൽ വാ​ങ്ങും.