ഡിസംബർ ആദ്യവാരം ജിദ്ദയിൽ നടക്കുന്ന മീഡിയവൺ ‘ഹാലാ ജിദ്ദ’യുടെ ലോഗോ പ്രകാശനം വ്യവസായമന്ത്രി പി. രാജീവ് നിർവഹിക്കുന്നു. മീഡിയവൺ ഡയറക്ടർ വയലാർ ഗോപകുമാർ,
പി.ബി.എം ഫർമീസ്, ഹസ്നൈൻ അഹ്മദ് ഫാറൂഖ്, സമീർ നീർക്കുന്നം എന്നിവർ സമീപം
തിരുവനന്തപുരം: സൗദി അറേബ്യയുടെ ചരിത്രവും സംസ്കാരവും ഇഴചേർത്ത് മീഡിയവൺ ഒരുക്കുന്ന ഇന്ത്യൻ കാർണിവൽ ‘ഹലാ ജിദ്ദ’യുടെ ലോഗോ പ്രകാശനം ചെയ്തു. തിരുവനന്തപുരത്ത് മന്ത്രി പി. രാജീവും ജിദ്ദയിൽ സൗദി മാധ്യമ മന്ത്രാലയം ഡയറക്ടർ ഹുസൈൻ എസ് അൽ ഷമ്മരിയും പ്രകാശനം നിർവഹിച്ചു. 2024 ഡിസംബർ ആറ്, ഏഴ് തീയതികളിൽ ദി ട്രാക്ക് ജിദ്ദയിലാണ് പരിപാടി.
രണ്ടുദിവസത്തെ മേളയിൽ വിദ്യാഭ്യാസ- ബിസിനസ് പ്രദർശനങ്ങൾ, കല- ഭക്ഷ്യ മേളകൾ, വിവിധ സ്ഥാപനങ്ങൾ പങ്കെടുക്കുന്ന എക്സ്പോ തുടങ്ങിയവയുണ്ടാകും. പ്രശസ്തർ പങ്കെടുക്കുന്ന സംഗീതവിരുന്ന് ഹാലാ ജിദ്ദയുടെ മുഖ്യ ആകർഷണമാകും. കുട്ടികൾക്കും മുതിർന്നവർക്കും പ്രത്യേകം മത്സരങ്ങൾ, വിവിധ കലാപരിപാടികൾ, പ്രഭാഷണങ്ങൾ, ശിൽപശാലകൾ എന്നിവയുണ്ടാകും. ഫുഡ് കോർണറുകൾക്ക് പുറമേ വിദഗ്ധർ പങ്കെടുക്കുന്ന പാചക വർക്ക്ഷോപ്പുകൾ ഹാലാ ജിദ്ദയുടെ സവിശേഷതയായിരിക്കും. വിവിധ മേഖലകളിൽ വിജയം കൈവരിച്ച പ്രമുഖരെ മേളയിൽ ആദരിക്കും.
തിരുവനന്തപുരത്ത് നടന്ന ഹാലാ ജിദ്ദ ലോഗോ പ്രകാശനത്തിൽ മീഡിയവൺ ഡയറക്ടർ വയലാർ ഗോപകുമാർ, കോർപറേറ്റ് കമ്യൂണിക്കേഷൻസ് ജനറൽ മാനേജർ പി.ബി.എം ഫർമീസ്, മീഡിയ സൊലൂഷൻ ഡി.ജി.എം ഹസ്നൈൻ അഹ്മദ് ഫാറൂഖ്, അഡ്മിനിസ്ട്രേഷൻ ഡെപ്യൂട്ടി മാനേജർ സമീർ നീർക്കുന്നം എന്നിവർ പങ്കെടുത്തു.
ജി.സി.സിതല ലോഗോ പ്രകാശനത്തിന്റെ ഭാഗമായി ജിദ്ദ അൽ ഹംറ റാഡിസൺ ബ്ലൂവിൽ നടന്ന ബിസിനസ് മീറ്റ് മീഡിയവൺ ചെയർമാൻ പി. മുജീബ് റഹ്മാൻ ഉദ്ഘാടനം ചെയ്തു. ജെ.എൻ.എച്ച് ചെയർമാൻ വി.പി. മുഹമ്മദ് അലി, മീഡിയവൺ സി.ഇ.ഒ റോഷൻ കക്കാട്ട്, മിഡിൽ ഈസ്റ്റ് ബിസിനസ് മാനേജർ സ്വവ്വാബ് അലി, മീഡിയവൺ കോഓഡിനേഷൻ കമ്മിറ്റി വെസ്റ്റേൺ പ്രോവിൻസ് രക്ഷാധികാരി ഫസൽ പി. മുഹമ്മദ്, എക്സ്കോം മീഡിയവൺ രക്ഷാധികാരി നജ്മുദ്ദീൻ, മീഡിയവൺ കോഓഡിനേഷൻ കമ്മിറ്റി ചെയർമാൻ ബഷീർ ചുള്ളിയൻ എന്നിവർ പങ്കെടുത്തു
വായനക്കാരുടെ അഭിപ്രായങ്ങള് അവരുടേത് മാത്രമാണ്, മാധ്യമത്തിേൻറതല്ല. പ്രതികരണങ്ങളിൽ വിദ്വേഷവും വെറുപ്പും കലരാതെ സൂക്ഷിക്കുക. സ്പർധ വളർത്തുന്നതോ അധിക്ഷേപമാകുന്നതോ അശ്ലീലം കലർന്നതോ ആയ പ്രതികരണങ്ങൾ സൈബർ നിയമപ്രകാരം ശിക്ഷാർഹമാണ്. അത്തരം പ്രതികരണങ്ങൾ നിയമനടപടി നേരിടേണ്ടി വരും.