പത്മനാഭസ്വാമി ക്ഷേത്രത്തിൽ സ്വർണക്കമ്പി മോഷണം

തി​രു​വ​ന​ന്ത​പു​രം: പ​ത്മ​നാ​ഭ​സ്വാ​മി ക്ഷേ​ത്ര​ത്തി​ലെ സ്ട്രോ​ങ് റൂ​മി​ലെ ലോ​ക്ക​റി​ല്‍ സൂ​ക്ഷി​ച്ചി​രു​ന്ന 13 പ​വ​ന്റെ സ്വ​ർ​ണ​ദ​ണ്ഡ് കാ​ണാ​താ​യി. ശ്രീ​കോ​വി​ലി​ന് മു​ന്നി​ലെ വാ​തി​ലി​ൽ സ്വ​ർ​ണം പൊ​തി​യാ​നാ​യി പു​റ​ത്തെ​ടു​ത്ത ദ​ണ്ഡു​ക​ളി​ലൊ​രെ​ണ്ണ​മാ​ണ് ശ​നി​യാ​ഴ്ച രാ​വി​ലെ​യോ​ടെ ന​ഷ്ട​പ്പെ​ട്ട​താ​യി ക​ണ്ടെ​ത്തി​യ​ത്. പൊ​ലീ​സും ക്ഷേ​ത്ര സു​ര​ക്ഷാ​ഉ​ദ്യോ​ഗ​സ്ഥ​രും പ​ക​ൽ മു​ഴു​വ​നും അ​രി​ച്ചു​പെ​റു​ക്കി​യെ​ങ്കി​ലും ദ​ണ്ഡ് ക​ണ്ടെ​ത്താ​നാ​യി​ല്ല. സി.​സി ടി.​വി ദൃ​ശ്യ​ങ്ങ​ള്‍ പൊ​ലീ​സ് പ​രി​ശോ​ധി​ച്ചു​വ​രി​ക​യാ​ണ്. ജീ​വ​ന​ക്കാ​രെ​യും ചോ​ദ്യം​ചെ​യ്യു​ന്നു​ണ്ട്.

ക്ഷേ​ത്ര​ത്തി​ലെ നി​ർ​മാ​ണ ആ​വ​ശ്യ​ങ്ങ​ള്‍ക്കാ​യു​ള്ള സ്വ​ർ​ണം സ്ട്രോ​ങ് റൂ​മി​ലാ​ണ് കാ​ല​ങ്ങ​ളാ​യി സൂ​ക്ഷി​ക്കു​ന്ന​ത്. ശ്രീ​കോ​വി​ലി​ലെ അ​ന​ന്ത​ശ​യ​ന വി​ഗ്ര​ഹ​ത്തി​ന് മു​ന്നി​ൽ ശി​ര​സ്, ഉ​ട​ൽ, പാ​ദം എ​ന്നി​വ തൊ​ഴാ​ൻ മൂ​ന്നു​വാ​തി​ലു​ക​ളു​ണ്ട്. ഇ​വ​യി​ൽ ആ​ദ്യ​ത്തെ ന​ട​യി​ലെ വാ​തി​ലി​ലെ പ​ഴ​യ സ്വ​ർ​ണം മാ​റ്റി പു​തി​യ സ്വ​ർ​ണ​ത്ത​കി​ട് സ്ഥാ​പി​ക്കു​ന്ന ജോ​ലി​ക​ള്‍ ന​ട​ക്കു​ക​യാ​ണ്. ഇ​തി​നാ​യി സ്ട്രോ​ങ് റൂ​മി​ല്‍ സൂ​ക്ഷി​ച്ചി​രു​ന്ന സ്വ​ർ​ണം പു​റ​ത്തെ​ടു​ത്തി​രു​ന്നു.

ബു​ധ​നാ​ഴ്ച​യാ​ണ് അ​വ​സാ​നം ജോ​ലി​ക​ള്‍ ന​ട​ന്ന​ത്. ഇ​തി​നു​ശേ​ഷം സ്വ​ർ​ണം വീ​ണ്ടും സ്ട്രോ​ങ് റൂ​മി​ലേ​ക്ക് തി​രി​ച്ചു​വെ​ച്ചു. ശ​നി​യാ​ഴ്ച രാ​വി​ലെ ജോ​ലി തു​ട​രാ​നാ​യി സ്വ​ർ​ണം തൂ​ക്കി നോ​ക്കി​യ​പ്പോ​ഴാ​ണ് ഒ​രു ദ​ണ്ഡ് കു​റ​വാ​ണെ​ന്ന് ക​ണ്ടെ​ത്തി​യ​ത്. സ്വ​ർ​ണ​ത്ത​കി​ട് വി​ള​ക്കി​ച്ചേ​ർ​ക്കാ​നു​ള്ള കാ​ഡ്മി​യം ചേ​ർ​ന്ന​താ​ണ് കാ​ണാ​താ​യ സ്വ​ർ​ണ​ദ​ണ്ഡ്. ക്ഷേ​ത്ര​ത്തി​ലെ ഉ​ദ്യോ​ഗ​സ്ഥ​രു​ടെ​യും സു​ര​ക്ഷ വി​ഭാ​ഗം പൊ​ലീ​സി​ന്റെ​യും സാ​ന്നി​ധ്യ​ത്തി​ലാ​ണ് ദി​വ​സ​വും സ്വ​ർ​ണം പു​റ​ത്തെ​ടു​ക്കു​ന്ന​ത്. ശ്രീ​കോ​വി​ലി​ന് മു​ന്നി​ലെ ഒ​റ്റ​ക്ക​ൽ മ​ണ്ഡ​പ​ത്തി​ലാ​ണ് വാ​തി​ലി​ന്റെ ജോ​ലി​ക​ൾ ന​ട​ക്കു​ന്ന​ത്.

രാ​വി​ലെ പു​റ​ത്തെ​ടു​ക്കു​ന്ന സ്വ​ർ​ണം, ഉ​പ​യോ​ഗ​ത്തി​ന് ശേ​ഷം അ​ള​ന്ന് രേ​ഖ​പ്പെ​ടു​ത്തി സു​ര​ക്ഷ മു​റി​യി​ലേ​ക്ക് മാ​റ്റി​യി​രു​ന്ന​താ​യി എ​ക്സി​ക്യൂ​ട്ടി​വ് ഓ​ഫി​സ​ർ ബി. ​മ​ഹേ​ഷ് പ​റ​ഞ്ഞു. നി​ർ​മാ​ണം ന​ട​ക്കു​ന്ന സ്ഥ​ല​മു​ൾ​പ്പെ​ടെ ക്ഷേ​ത്ര​പ​രി​സ​ര​ത്ത് സി.​സി ടി.​വി കാ​മ​റ​ക​ളു​ണ്ട്. ഇ​ത് പ​രി​ശോ​ധി​ച്ച​പ്പോ​ള്‍ ആ​രും സ്വ​ർ​ണ​ദ​ണ്ഡ് എ​ടു​ത്ത​താ​യി സ്ഥി​രീ​ക​രി​ച്ചി​ട്ടി​ല്ല. സു​ര​ക്ഷാ​മു​റി ഇ​രു​ൾ നി​റ​ഞ്ഞ​താ​ണ്. ദ​ണ്ഡ് താ​ഴെ വീ​ണ​താ​കാ​നു​ള്ള സാ​ധ്യ​ത​യും പ​രി​ശോ​ധി​ക്കു​ന്നു​ണ്ട്. എ​ക്സി​ക്യൂ​ട്ടി​വ് ഓ​ഫി​സ​ര്‍ ന​ല്‍കി​യ പ​രാ​തി​യി​ല്‍ ഫോ​ർ​ട്ട് പൊ​ലീ​സ് കേ​സെ​ടു​ത്തു.