അറസ്റ്റിലായ പ്രതികൾ
Posted On
date_range Updated On
date_range എം.ഡി.എം.എയുമായി ദമ്പതികളടക്കം നാലുപേർ പിടിയിൽ
കൊച്ചി: രാസലഹരി വസ്തുവായ എം.ഡി.എം.എയുമായി ദമ്പതികളടക്കം നാലുപേർ പിടിയിൽ. കോതമംഗലം സ്വദേശിയായ റിജു ഇബ്രാഹീം റയ്യാൻ, ഭാര്യ ഷാനിമോൾ, തിരുവനന്തപുരം കീഴാരൂർ സ്വദേശി അനീഷ്, തൃശൂർ എളനാട് സ്വദേശി അൽബർട്ട് എം. ജോൺ എന്നിവരാണ് കടവന്ത്ര പൊലീസിന്‍റെ പിടിയിലായത്.
ഇവരിൽനിന്ന് 18.79 ഗ്രാം എം.ഡി.എം.എ കണ്ടെടുത്തു. ഹോട്ടലുകൾ കേന്ദ്രീകരിച്ചാണ് ഇവർ മയക്കുമരുന്ന് വിൽപന നടത്തിയിരുന്നത്. പ്രതികളെ കോടതിയിൽ ഹാജരാക്കി റിമാൻഡ് ചെയ്തു.
തീവ്രവാദ വിരുദ്ധ സ്ക്വാഡിന് കിട്ടിയ രഹസ്യവിവരത്തിന്‍റെ അടിസ്ഥാനത്തിൽ എസ്.ഐ ജെ.എസ്. ശ്രീജു, സീനിയർ സിവിൽ പൊലീസ് ഓഫിസർ അനൂപ് രവി, സിവിൽ പൊലീസ് ഓഫിസർമാരായ ഷിയാസ്, ബേസിൽ ജോൺ, നീതു എസ്. കുമാർ, കടവന്ത്ര സ്റ്റേഷനിലെ എ.എസ്.ഐ സനീഷ്, സിവിൽ പൊലീസ് ഓഫിസർ സുധീഷ് എന്നിവരടങ്ങുന്ന സംഘമാണ് പ്രതികളെ അറസ്റ്റ് ചെയ്തത്.
വായനക്കാരുടെ അഭിപ്രായങ്ങള്‍ അവരുടേത് മാത്രമാണ്, മാധ്യമത്തിേൻറതല്ല. പ്രതികരണങ്ങളിൽ വിദ്വേഷവും വെറുപ്പും കലരാതെ സൂക്ഷിക്കുക. സ്പർധ വളർത്തുന്നതോ അധിക്ഷേപമാകുന്നതോ അശ്ലീലം കലർന്നതോ ആയ പ്രതികരണങ്ങൾ സൈബർ നിയമപ്രകാരം ശിക്ഷാർഹമാണ്. അത്തരം പ്രതികരണങ്ങൾ നിയമനടപടി നേരിടേണ്ടി വരും.