ഇരിട്ടി: ജബ്ബാര്‍ക്കടവ് എരുമത്തടത്തെ ഡ്രൈവിങ് ടെസ്റ്റ് ഗ്രൗണ്ടിന് സമീപമുള്ള ഭൂമിയിൽ വിള്ളല്‍ കണ്ടെത്തി. ചൊവ്വാഴ്ച രാവിലെ ഡ്രൈവിങ് ടെസ്റ്റ് നടക്കുന്നതിനിടെയായിരുന്നു സംഭവം. ഉടന്‍ മോട്ടോർ വെഹിക്കിള്‍ ഇന്‍സ്‌പെക്ടര്‍ വൈകുണ്ഠന്‍ ബന്ധപ്പെട്ട വകുപ്പ് അധികൃതരെ അറിയിക്കുകയായിരുന്നു.
ഇരിട്ടി പൊലീസും ഇരിട്ടി തഹസില്‍ദാര്‍ സി.വി. പ്രകാശന്റെ നേതൃത്വത്തിലുള്ള റവന്യൂ സംഘവും സ്ഥലത്തെത്തി പരിശോധന നടത്തി.10 മീറ്ററോളം നീളത്തില്‍ രണ്ട് ഭാഗങ്ങളിലായാണ് വിള്ളല്‍ രൂപപ്പെട്ടത്. മുമ്പ് ഈ സ്ഥലം താഴ്ന്ന പ്രദേശമായിരുന്നു. ഇവിടെ മണ്ണിട്ട് ഉയര്‍ത്തുകയായിരുന്നു. മഴ പെയ്തപ്പോള്‍ മണ്ണില്‍ വെള്ളമിറങ്ങി വിള്ളല്‍ സംഭവിച്ചതാകാമെന്നാണ് പ്രാഥമിക നിഗമനം.
ഇതുസംബന്ധിച്ച് ആശങ്ക വേണ്ടെന്ന് തഹസില്‍ദാര്‍ സി.വി. പ്രകാശന്‍ പറഞ്ഞു. കൂടുതല്‍ മണ്ണിടിച്ചില്‍ ഉണ്ടാവുകയാണെങ്കില്‍ വേണ്ട മുന്‍കരുതല്‍ സ്വീകരിക്കുമെന്ന് പഞ്ചായത്ത് വൈസ് പ്രസിഡന്റ് എം. വിനോദ്കുമാര്‍ പറഞ്ഞു. ഇപ്പോഴുണ്ടായ വിള്ളല്‍ ഡ്രൈവിങ് ടെസ്റ്റിനെ ബാധിക്കില്ല.
വായനക്കാരുടെ അഭിപ്രായങ്ങള്‍ അവരുടേത് മാത്രമാണ്, മാധ്യമത്തിേൻറതല്ല. പ്രതികരണങ്ങളിൽ വിദ്വേഷവും വെറുപ്പും കലരാതെ സൂക്ഷിക്കുക. സ്പർധ വളർത്തുന്നതോ അധിക്ഷേപമാകുന്നതോ അശ്ലീലം കലർന്നതോ ആയ പ്രതികരണങ്ങൾ സൈബർ നിയമപ്രകാരം ശിക്ഷാർഹമാണ്. അത്തരം പ്രതികരണങ്ങൾ നിയമനടപടി നേരിടേണ്ടി വരും.