കോഴിക്കോട്: പി.വി. അൻവർ എം.എൽ.എയുടെ ഉടമസ്ഥതയിലുള്ള കക്കാടംപൊയിൽ റിസോർട്ടിലെ നാല് തടയണകൾ ഒരു മാസത്തിനകം പൊളിച്ചുമാറ്റാൻ കോഴിക്കോട് ജില്ല കലക്ടറുടെ ഉത്തരവ്. കേരള നദീസംരക്ഷണ സമിതി ജനറൽ സെക്രട്ടറി ടി.വി രാജൻ നൽകിയ ഹരജിയിൽ തടയണ പൊളിക്കണമെന്ന് ഹൈകോടതി നിർദേശം നൽകിയിരുന്നു.
ജില്ലാ ജിയോളജിസ്റ്റ്, സോയിൽ കൺസർവേഷൻ ഓഫിസർ സ്ഥലം സന്ദർശിക്കുകയും ചെയ്തിരുന്നു. തടയണ നിർമാണം പ്രകൃത്യായുള്ള നീരൊഴുക്കിനെ തടസ്സെപ്പടുത്തുന്ന രീതിയിലാണെന്ന് കണ്ടെത്തിയിരുന്നു. അനധികൃത മണ്ണ് ഖനനം നടത്തിയതിന് ജിേയാളജി വകുപ്പ് നടപടി സ്വീകരിക്കുകയും ചെയ്തിരുന്നു.
പി.വി.ആർ നാച്വർ റിസോർട്ടിന് വേണ്ടി നിർമിച്ച നാല് തടയണകളും ഒരുമാസത്തിനകം പൊളിച്ചു മാറ്റണമെന്നാണ് ജില്ലാ കലക്ടർ എൻ. തേജ് ലോഹിത് റെഡ്ഡിയുടെ ഉത്തരവ്. തടയണ പൊളിക്കുന്നില്ലെങ്കിൽ കൂടരഞ്ഞി പഞ്ചായത്ത് സെക്രട്ടറി പൊളിക്കാൻ നടപടി സ്വീകരിച്ച് ചെലവാകുന്ന തുക ഉടമയിൽ നിന്ന് ഈടാക്കണമെന്നും ഉത്തരവിലുണ്ട്.
വായനക്കാരുടെ അഭിപ്രായങ്ങള്‍ അവരുടേത് മാത്രമാണ്, മാധ്യമത്തിേൻറതല്ല. പ്രതികരണങ്ങളിൽ വിദ്വേഷവും വെറുപ്പും കലരാതെ സൂക്ഷിക്കുക. സ്പർധ വളർത്തുന്നതോ അധിക്ഷേപമാകുന്നതോ അശ്ലീലം കലർന്നതോ ആയ പ്രതികരണങ്ങൾ സൈബർ നിയമപ്രകാരം ശിക്ഷാർഹമാണ്. അത്തരം പ്രതികരണങ്ങൾ നിയമനടപടി നേരിടേണ്ടി വരും.