ഡോ.സഞ്ജീബ് കുമാർ പട്ജോഷി
തിരുവനന്തപുരം: ഡോ.സഞ്ജീബ് കുമാർ പട്ജോഷി ഡി.ജി.പി പദവിയിൽ നിന്നും ചൊവ്വാഴ്ച വിരമിക്കും. നിലവിൽ സംസ്ഥാന മനുഷ്യാവകാശ കമീഷനിൽ സേവനമനുഷ്ഠിക്കുന്ന അദ്ദേഹം 1991 ബാച്ച് ഐ.പി.എസ് ഓഫിസറാണ്. പട്ജോഷിയുടെ ഒഴിവിൽ മുതിർന്ന ഐ.പി.എസ് ഉദ്യോഗസ്ഥനും മുൻ ബി.എസ്.എഫ് മേധാവിയുമായ നിതിൻ അഗവർവാളിന് ഡി.ജി.പി പദവി നൽകും. ബി.എസ്.എഫിൽനിന്ന് മാസങ്ങൾക്ക് മുമ്പ് തിരികെ എത്തിയ അഗർവാളിന് നിലവിൽ താൽക്കാലിക ഡി.ജി.പി തസ്തികയുണ്ടാക്കിയാണ് റോഡ് സുരക്ഷ കമീഷണറുടെ ചുമതല നൽകിയിരിക്കുന്നത്.
പാലക്കാട്, കൊല്ലം ജില്ലകളിൽ എസ്.പി, കോഴിക്കോട് സിറ്റി പൊലീസ് കമീഷണർ, പൊലീസ് ആസ്ഥാനത്ത് സ്പെഷ്യൽ സെൽ, ടെലികമ്യൂണിക്കേഷൻ എന്നിവിടങ്ങളിൽ എസ്.പി, ഗവർണറുടെ എ.ഡി.സി എന്നീ ചുമതലകൾ വഹിച്ചിട്ടുണ്ട്. കേരള പോലീസ് അക്കാദമി ഡി.ഐ.ജി, സംസ്ഥാന മനുഷ്യാവകാശ കമീഷൻ, ട്രാഫിക് ആൻഡ് റോഡ് സേഫ്റ്റി എന്നിവിടങ്ങളിൽ ഐ.ജി, തീരദേശ പൊലീസിൽ എ.ഡി.ജി.പി, പൊലീസ് ഹൗസിങ് ആൻഡ് കൺസ്ട്രക്ഷൻ കോർപറേഷനിൽ മാനേജിങ് ഡയറക്ടർ എന്നീ പദവികളും കൈയാളി. ഇതിനുപുറമെ മിൽമ, കെ.എസ്.ആർ.ടി.സി, കെ.എസ്.എഫ്.ഡി.സി, സിവിൽ സപ്ലൈസ് കോർപറേഷൻ എന്നീ സ്ഥാപങ്ങളിൽ എം.ഡി, അഗ്നിശമന സേന, ദുരന്ത നിവാരണ വകുപ്പ് എന്നിവിടങ്ങളിൽ ഡയറക്ടർ ജനറൽ എന്നീ തസ്തികകളിലും സേവനമനുഷ്ഠിച്ചിട്ടുണ്ട്.
വായനക്കാരുടെ അഭിപ്രായങ്ങള് അവരുടേത് മാത്രമാണ്, മാധ്യമത്തിേൻറതല്ല. പ്രതികരണങ്ങളിൽ വിദ്വേഷവും വെറുപ്പും കലരാതെ സൂക്ഷിക്കുക. സ്പർധ വളർത്തുന്നതോ അധിക്ഷേപമാകുന്നതോ അശ്ലീലം കലർന്നതോ ആയ പ്രതികരണങ്ങൾ സൈബർ നിയമപ്രകാരം ശിക്ഷാർഹമാണ്. അത്തരം പ്രതികരണങ്ങൾ നിയമനടപടി നേരിടേണ്ടി വരും.