ആലപ്പുഴ: എരമല്ലൂരിൽ ആംബുലൻസ് അപകടത്തിൽപെട്ട് കോവിഡ് രോഗി മരിച്ചു. കൊല്ലം തിരുമല്ലവാരം സ്വദേശി ഷീല പി. പിള്ള (66) ആണ് (മരിച്ചത്. ശനിയാഴ്ച പുലർച്ചെ ഒന്നിനാണ് അപകടം.
കൊല്ലത്തുനിന്ന് എറണാകുളത്തെ അമൃത ആശുപത്രിയിലേക്ക് വരികയായിരുന്നു. മറ്റൊരു വാഹനത്തെ മറികടക്കുന്നതിനിടെ നിയന്ത്രണം വിട്ട ആംബുലൻസ് മരത്തിലിടിക്കുകയായിരുന്നു. വാഹനത്തിന്റെ മുൻഭാഗം പൂർണമായും തകർന്നു.
അപകടത്തിൽ മകൻ ഡോ. മഞ്ജുനാഥ്, മരുമകൾ മാളവിക, ഡ്രൈവർ സന്തോഷ് എന്നിവർക്ക് പരിക്കേറ്റു. ഇവരെ ലേക്ഷോർ ആശുപത്രിയിൽ പ്രവേശിപ്പിച്ചു. ഇതിൽ ഡ്രൈവറുടെ നില ഗുരുതരമാണ്.
അപകടം നടന്നയുടൻ നാട്ടുകാരാണ് രക്ഷാപ്രവർത്തനം നടത്തിയത്. ഉടൻ തന്നെ പൊലീസും സ്ഥലത്തെത്തി.
വായനക്കാരുടെ അഭിപ്രായങ്ങള് അവരുടേത് മാത്രമാണ്, മാധ്യമത്തിേൻറതല്ല. പ്രതികരണങ്ങളിൽ വിദ്വേഷവും വെറുപ്പും കലരാതെ സൂക്ഷിക്കുക. സ്പർധ വളർത്തുന്നതോ അധിക്ഷേപമാകുന്നതോ അശ്ലീലം കലർന്നതോ ആയ പ്രതികരണങ്ങൾ സൈബർ നിയമപ്രകാരം ശിക്ഷാർഹമാണ്. അത്തരം പ്രതികരണങ്ങൾ നിയമനടപടി നേരിടേണ്ടി വരും.