കണ്ണൂർ: സെൻട്രൽ ജയിലിൽ കൂടുതൽ പേർക്ക് കോവിഡ് രോഗം റിപ്പോർട്ട് ചെയ്തതിനെ തുടർന്ന് ഫ്രീഡം ഫുഡ് നിർമാണ യൂനിറ്റ് പ്രവർത്തനം നിർത്തിവെച്ചു.
ഇതോടെ വിവിധ കൗണ്ടറുകൾ വഴിയുള്ള ഭക്ഷ്യവസ്തുക്കളുടെ വിതരണവും നിർത്തിവെച്ചതായി ജയിൽ അധികൃതർ അറിയിച്ചു. തടവുകാർക്കും ജയിൽ ജീവനക്കാർക്കുമടക്കം 154 പേർക്കാണ് രോഗം സ്ഥിരീകരിച്ചത്. ഇതോടെയാണ് യൂനിറ്റിൻെറ പ്രവർത്തനം നിർത്തിവെച്ചത്. കൂടാതെ ജയിലിൻെറ കീഴിലുള്ള പെട്രോൾ പമ്പ് താൽക്കാലികമായി അടച്ചിടാനും തീരുമാനിച്ചു. രോഗവ്യാപനത്തെ തുടർന്ന് ജയിലിനുള്ളിൽ കൂടുതൽ നിയന്ത്രണങ്ങൾ ഏർപ്പെടുത്തിയിരിക്കുകയാണ്.
തടവുപുള്ളികൾക്ക് തൽക്കാലത്തേക്ക് ജയിലിനുള്ളിലെ ജോലികൾ നൽകുന്നതും നിർത്തിവെച്ചു. ഇതോടെയാണ് ഫ്രീഡം യൂനിറ്റ് പ്രവർത്തനവും നിർത്തിവെച്ചത്.
വായനക്കാരുടെ അഭിപ്രായങ്ങള് അവരുടേത് മാത്രമാണ്, മാധ്യമത്തിേൻറതല്ല. പ്രതികരണങ്ങളിൽ വിദ്വേഷവും വെറുപ്പും കലരാതെ സൂക്ഷിക്കുക. സ്പർധ വളർത്തുന്നതോ അധിക്ഷേപമാകുന്നതോ അശ്ലീലം കലർന്നതോ ആയ പ്രതികരണങ്ങൾ സൈബർ നിയമപ്രകാരം ശിക്ഷാർഹമാണ്. അത്തരം പ്രതികരണങ്ങൾ നിയമനടപടി നേരിടേണ്ടി വരും.