ലിംഗമാറ്റ ശസ്​ത്രക്രിയ പരീക്ഷണം​? 

കോ​ഴ​ി​ക്കോ​ട്​: തി​രു​വ​ന​ന്ത​പു​രം മെ​ഡി​ക്ക​ൽ കോ​ള​ജ്​ ആ​ശു​പ​ത്രി​യി​ൽ ന​ട​ന്ന ആ​ദ്യ ലിം​ഗ​മാ​റ്റ ശ​സ്​​ത്ര​​ക്രി​യ വി​ജ​യ​മെ​ന്ന്​ അ​വ​കാ​ശ​പ്പെ​ടു​േ​മ്പാ​ഴും ത​​ന്നെ പ​രീ​ക്ഷ​ണ​ത്തി​ന്​ ​വി​ധേ​യ​മാ​ക്കു​ക​യാ​യി​രു​ന്നു​വെ​ന്ന പ​രാ​തി​യു​മാ​യി ശ​സ്​​ത്ര​ക്രി​യ​ക്ക്​ വി​േ​ധ​യ​മാ​യ ആ​ൾ രം​ഗ​ത്ത്.  സാ​ധാ​ര​ണ ലിം​ഗ​മാ​റ്റ​ത്തി​ന്​ അഞ്ചോ ആറോ​ശസ്​​ത്ര​ക്രി​യ​ക​ൾ ​മ​തി​യാ​വു​ന്നി​ട​ത്ത്​ ത​ന്നെ സ​ങ്കീ​ർ​ണ​മാ​യ 13 ശ​സ്​​ത്ര​ക്രി​യ​ക​ൾ​ക്ക്​ വി​ധേ​യ​മാ​ക്കു​ക​യാ​യി​രു​ന്നു​വെ​ന്ന്​ കാണിച്ച്​ ആ​രോ​ഗ്യ​മ​ന്ത്രി​ക്കും മ​നു​ഷ്യാ​വ​കാ​ശ ക​മീ​ഷ​നും കാ​ട്ടാ​ക്ക​ട സ്വ​ദേ​ശി സാ​ഗ​റാ​ണ്​ പ​രാ​തി ന​ൽ​കി​യ​ത്.

ശ​സ്​​ത്ര​ക്രി​യ ജീ​വ​നു​ത​ന്നെ ഭീ​ഷ​ണി​യാ​യ​തോ​ടെ സു​ഹൃ​ത്തി​​െൻറ നി​ർ​ദേ​ശ​പ്ര​കാ​രം മും​ബൈ​യി​ലെ സ്വ​കാ​ര്യ ആ​ശു​പ​ത്രി​യി​ൽ ചി​കി​ത്സ തേ​ടി ​വീ​ണ്ടും ശ​സ്​​ത്ര​ക്രി​യ​ക്ക്​ വി​ധേ​യ​നാ​യി ആ​രോ​ഗ്യം വീ​​ണ്ടെ​ടു​ക്കു​ക​യാ​യി​രു​ന്നു​വെ​ന്നും ഇ​ദ്ദേ​ഹം പ​റ​യു​ന്നു. 

ജ​നു​വ​രി 24നാ​യി​രു​ന്നു ശ​സ്​​ത്ര​ക്രി​യ. ഫെ​ലോ പ്ലാ​സ്​​റ്റി​യി​ലാ​ണ്​ (പു​രു​ഷാ​വ​യ​വം വെ​ച്ചു​പി​ടി​പ്പി​ക്ക​ൽ) സ്​​ഥി​തി ഗു​രു​ത​ര​മാ​യ​തെ​ന്ന്​ 41കാ​ര​നാ​യ സാ​ഗ​ർ പ​റ​യു​ന്നു. വ​ല​തു​കാ​ൽ മു​ട്ടി​​െൻറ മു​ക​ളി​ൽ​നി​ന്ന്​ ഇ​ടു​പ്പു​വ​െ​​ര മാം​സ​മെ​ടു​ത്താ​ണ്​ പു​രു​ഷ ലൈം​ഗി​കാ​വ​യ​വ​മാ​ക്കി തു​ന്നി​പ്പി​ടി​പ്പി​ച്ച​ത്. നേ​രെ മു​ൻ ഭാ​ഗ​ത്ത്​ വെ​ക്കേ​ണ്ട​തി​നു​പ​ക​രം വ​ല​ത്​ തു​ട​യോ​ട്​ ചേ​ർ​ത്ത്​ ​െവ​ച്ച​തി​നെ​തു​ട​ർ​ന്ന്​ ന​ട​ക്കാ​നോ ഇ​രി​ക്കാ​നോ ക​ഴി​യാ​ത്ത സ്​​ഥി​തി​യാ​യി. മൂ​​ത്രം പോ​കാ​ൻ ട്യൂ​ബ്​ ഘ​ടി​പ്പി​ച്ചി​രു​ന്നെ​ങ്കി​ലും അ​തി​നും സാ​ധി​ക്കാ​തെ​യാ​യി.  പി​ന്നീ​ട്​ ഇൗ ​ഭാ​ഗ​ത്ത്​ പ​ഴു​പ്പ്​ വ​ന്നു. വ​ല​ത്തേ​തു​ട​യി​ൽ മാം​സം വെ​ച്ചു​പി​ടി​പ്പി​ക്കാ​ൻ ഇ​ട​ത്തേ​ക്കാ​ലി​ൽ​നി​ന്ന്​ തൊ​ലി എ​ടു​ത്ത​തി​നാ​ൽ വ​സ്​​​ത്രം പോ​ലും ധ​രി​ക്കാ​നാ​യി​ല്ലെ​ന്നും ഇ​യാ​ൾ പ​റ​യു​ന്നു. തു​ട​ർ​ന്നാ​ണ്​ മു​ം​ബൈ​യി​ൽ ചി​കി​ത്സ തേ​ടി​യ​ത്. 

നേ​ര​ത്തേ സ്​​ത​ന​ങ്ങ​ൾ​ക്ക്​ രൂ​പ​മാ​റ്റം വ​രു​ത്തു​ന്ന മാ​സ​ക്​​ട​മി, ഗ​ർ​ഭാ​ശ​യ​വും അ​നു​ബ​ന്ധ അ​വ​യ​വ​ങ്ങ​ളും മാ​റ്റു​ന്ന സി​സ്​​ക്​​ട്ര​മി, സ്​​ത്രീ ലൈം​ഗി​ക അ​വ​യ​വം മാ​റ്റു​ന്ന വ​ജൈ​ന​ട്ട​മി തു​ട​ങ്ങി​യ ശ​സ്​​​ത്ര​ക്രി​യ​ക​ൾ  പ​ല ഘ​ട്ട​ങ്ങ​ളാ​യി ന​ട​ത്തി​യി​രു​ന്നു.  ഇ​തി​ൽ ഒ​റ്റ​ത്ത​വ​ണ ചെ​യ്യേ​ണ്ട മാ​സ​​ക്​​ട​മി മാ​ത്രം ശ​രി​യാ​വാ​ത്ത​തി​നാ​ൽ നാ​ലു ത​വ​ണ ചെ​യ്യേ​ണ്ടി​വ​ന്ന​താ​യും സാ​ഗ​ർ പ​റ​യു​ന്നു. 

എ​ന്നാ​ൽ, പ​രാ​തി​ക്ക് പി​ന്നി​ൽ ഇ​വി​ടെ​ത്ത​ന്നെ​യു​ള്ള ചി​ല ഡോ​ക്ട​ർ​മാ​രു​ടെ ഇ​ട​പെ​ട​ലു​ക​ളാ​ണെ​ന്ന് മെ​ഡി​ക്ക​ൽ കോ​ള​ജ് പ്ലാ​സ്​​റ്റി​ക് സ​ർ​ജ​റി വി​ഭാ​ഗം മേ​ധാ​വി ഡോ. ​കെ. അ​ജ​യ​കു​മാ​ർ ‘മാ​ധ്യ​മ’​ത്തോ​ട് പ​റ​ഞ്ഞു. രോ​ഗി​യു​ടെ പ്ര​ധാ​ന ശ​സ്ത്ര​ക്രി​യ​ക​ളെ​ല്ലാം വി​ജ​യ​ക​ര​മാ​യി പൂ​ർ​ത്തി​യാ​ക്കി​യ​താ​ണ്. മെ​ഡി​ക്ക​ൽ കോ​ള​ജി​ൽ​െ​വ​ച്ച് ശ​സ്ത്ര​ക്രി​യ ന​ട​ത്തി​യ​തി​​െൻറ സ​ർ​ട്ടി​ഫി​ക്ക​റ്റും ന​ൽ​കി​യി​ട്ടു​ണ്ട്. ശ​സ്ത്ര​ക്രി​യ​യോ​ട​നു​ബ​ന്ധി​ച്ച തു​ട​ർ ചി​കി​ത്സ​ക​ൾ കു​റ​ച്ച് ബാ​ക്കി​യു​ണ്ട്. രോ​ഗി തി​രി​ച്ചു​വ​രു​ക​യാ​ണെ​ങ്കി​ൽ അ​ത് പൂ​ർ​ത്തീ​ക​രി​ച്ച് ന​ൽ​കു​മെ​ന്ന് ഡോ​ക്ട​ർ പ​റ​ഞ്ഞു.