ഇതരസംസ്​ഥാനങ്ങളിൽനിന്ന്​ മലയാളികളെ തിര​ിച്ചെത്തിക്കുന്നതിൽ സർക്കാർ പരാജയം -​െചന്നിത്തല

തിരുവനന്തപുരം: ഇതരസംസ്​ഥാനങ്ങളിൽനിന്ന്​ മലയാളികളെ തിര​ിച്ചെത്തിക്കുന്നതിൽ കേരള സർക്കാർ പൂർണ പരാജയമാണെന്ന്​ പ്രതിപക്ഷ നേതാവ്​ രമേശ്​ ചെന്നിത്തല. അന്യസംസ്​ഥാനങ്ങളിൽ എത്രപേർ കുടുങ്ങിക്കിടക്കുന്നു എന്നത്​ സംബന്ധിച്ചുപോലും​ സർക്കാറി​​െൻറ അടുത്ത്​ ധാരണയില്ല.  വ്യക്​തമായ​ കണക്ക്​ ഉണ്ടായിരുന്നുവെങ്കിൽ മികച്ച പദ്ധതി തയാറാക്കി ലോക്​ഡൗൺ മാനദണ്ഡങ്ങൾ പാലിച്ച്​ ആളുകളെ കൊണ്ടുവരാമായിരുന്നു. 

ഇതര സംസ്​ഥാനങ്ങളിൽനിന്ന്​ വരുന്നവർ 14 ദിവസം ക്വാറ​ൈൻറനിൽ കഴിഞ്ഞാൽ മതിയെന്നാണ്​ ഉത്തരവ്​​. എന്നാൽ, സംസ്​ഥാന സർക്കാർ നൽകുന്ന പാസ്​ ഉള്ളവരെ മാത്രമാണ്​ കേരളത്തിലേക്ക്​ പ്രവേശിപ്പിക്കുന്നത്​​. പക്ഷെ, ഇത്​ സംബന്ധിച്ച്​ യാതൊരു ഉത്തരവുമില്ല. സ്വന്തം വാഹനം ഉള്ളവർക്ക്​ മാത്രമാണ്​ സർക്കാർ പാസ്​ നൽകുന്നത്​. എങ്ങനെയെങ്കിലും നാട്ടിൽവരണമെന്ന്​ ആഗ്രഹിക്കുന്നവരെ നിയമങ്ങളുടെ നൂലമാമാലകൾ പറഞ്ഞ്​ കഷ്​ടപ്പെടുത്തുന്നത്​ തെറ്റായ നടപടിയാണ്​​. മനുഷ്യത്വപരമായ സമീപനമല്ല സർക്കാർ സ്വീകരിക്കുന്നത്​.

ഇന്ത്യയിൽ പലയിടത്തേക്കും നാല്​ ലക്ഷം ആളുകളെയാണ്​ ​ട്രെയിനിൽ കൊണ്ടുപോയത്​. എന്നാൽ ഒരാളെപ്പോലും കേരളത്തിലേക്ക്​ കൊണ്ടുവരാൻ കഴിഞ്ഞിട്ടില്ല. നാല്​ എയർപോർട്ടുകളിൽ ഒരുക്കിയ സംവിധാനങ്ങൾ അതിർത്തിയിലെ ആറ്​ ചെക്ക്​പോസ്​റ്റുകളിൽ ഒരുക്കിയാൽ മലയാളികളെ തിരിച്ചെത്തിക്കാമായിരുന്നു. വാളയാറിലെത്തിയ മലയാളികൾക്ക്​ സൗകര്യമൊരുക്കാൻ പാലക്കാട്​ കലക്​ടർ തയാറായില്ല. കോയമ്പത്തൂർ കലക്​ടറാണ്​ ഇവർക്ക്​ സൗകര്യം ഒരുക്കിയത്​. കെ.എസ്​.ആർ.ടി.സി സർവിസ്​ നടത്താനും സർക്കാർ തയാറായില്ല. 

കുടുങ്ങിക്കിടക്കുന്നവരെ തിരിച്ചുകൊണ്ടുവരാൻ ഇനിയും ആഴ്​ചകൾ പിടിക്കേണ്ടി വരുമെന്നാണ്​ മനസ്സിലാകുന്നത്​. ആളുകൾ അതിർത്തിയിൽ വന്ന്​ കുടുങ്ങിങ്ങിടക്കുകയാണ്​. ഇവരെ തിര​ിച്ചെത്തിക്കാൻ സർക്കാർ വ്യക്​തമായ പദ്ധതി തയാറാക്കേണ്ടതുണ്ട്​. 

സ്​പെഷൽ സർവിസിന്​ പകരം റെയിൽവേ റെഗുലർ ട്രെയിൻ സർവിസ്​ തുടങ്ങണമെന്നും ​ചെന്നിത്തല ആവശ്യപ്പെട്ടു. ട്രെയിൻ യാത്രികർക്ക്​ ടിക്കറ്റി​​െൻറ പണം കെ.പി.സി.സി നൽകാമെന്ന്​ പറഞ്ഞിട്ടും ധിക്കാരപരമായ സമീപനമാണ്​ മുഖ്യമന്ത്രിയുടെ ഭാഗത്തുനിന്ന്​ ഉണ്ടായത്​. 

കേരളത്തിൽ ആകെ നടക്കുന്നത്​ പി.ആർ ജോലി​ മാത്രമാണ്​. 35 രാജ്യങ്ങളിൽ സ്​പ്രിൻക്ലർ കേരത്തി​നായി പി.ആർ ജോലി​ തുടങ്ങിയിട്ടുണ്ട്​. തെരഞ്ഞെടുപ്പാണ്​ ഇതി​​െൻറ ലക്ഷ്യം. ജനങ്ങൾക്ക്​ ഉപകാരപ്രദമാകുന്ന കാര്യങ്ങൾ ചെയ്യാതെ യു.എൻ പോലുള്ള സംഘടനകളുടെ പുരസ്​കാരങ്ങൾ നേടിയെടുക്കാനാണ്​ സർക്കാർ ശ്രമിക്കുന്നതെന്നും ചെന്നിത്തല ആരോപിച്ചു.