മല്ലപ്പള്ളി: യൂത്ത് കോൺഗ്രസ് ജില്ല പ്രസിഡന്റ് എം.ജി കണ്ണന്റെ നേതൃത്വത്തിൽ ജലസേചന മന്ത്രി റോഷി അഗസ്റ്റിനെ കരിങ്കൊടി കാട്ടുന്നത് റിപ്പോർട്ട് ചെയ്യുന്നതിനിടെ മല്ലപ്പള്ളി ഗ്യാലക്സി ചാനൽ ചീഫ് എഡിറ്റർ ജിജു വൈക്കത്തുശ്ശേരിക്ക് പൊലീസിന്റെ മർദനം.
ഞായറാഴ്ച വൈകീട്ട് 6.15ന് മല്ലപ്പള്ളി മടുക്കോലി ജങ്ഷനിലാണ് സംഭവം. തിരുവല്ല ഡിവൈ.എസ്.പി രാജപ്പൻ റാവുത്തറുടെ നേതൃത്വത്തിൽ വൻ പൊലീസ് സംഘം യൂത്ത് കോൺഗ്രസുകാരെ നേരിടുന്നതിന് ഇടയിലാണ് ജിജുവിനെ പൊലീസ് മർദിച്ചത്.
യൂത്ത് കോൺഗ്രസുകാർ കരിങ്കൊടിയും കാലിക്കുടവും മന്ത്രിയെ കാണിച്ച് പ്രതിഷേധിക്കുന്ന സമരപരിപാടിയാണ് ആസൂത്രണം ചെയ്തത്. ഇത് റിപ്പോർട്ട് ചെയ്യുന്നതിനാണ് ജിജു സംഭവ സ്ഥലത്ത് എത്തിയത്. പരിക്കേറ്റ ജിജു മല്ലപ്പള്ളി താലൂക്ക് ആശുപത്രിയിൽ ചികിത്സ തേടി.
വായനക്കാരുടെ അഭിപ്രായങ്ങള് അവരുടേത് മാത്രമാണ്, മാധ്യമത്തിേൻറതല്ല. പ്രതികരണങ്ങളിൽ വിദ്വേഷവും വെറുപ്പും കലരാതെ സൂക്ഷിക്കുക. സ്പർധ വളർത്തുന്നതോ അധിക്ഷേപമാകുന്നതോ അശ്ലീലം കലർന്നതോ ആയ പ്രതികരണങ്ങൾ സൈബർ നിയമപ്രകാരം ശിക്ഷാർഹമാണ്. അത്തരം പ്രതികരണങ്ങൾ നിയമനടപടി നേരിടേണ്ടി വരും.