തൊഴിലുറപ്പ് പദ്ധതിയിൽ ഗു​രു​തര ക്രമക്കേടെന്ന് കേന്ദ്ര റിപ്പോർട്ട്

കോ​ഴി​ക്കോ​ട്: സം​സ്ഥാ​ന​ത്ത് മ​ഹാ​ത്മാ​ഗാ​ന്ധി ദേ​ശീ​യ ഗ്രാ​മീ​ണ തൊ​ഴി​ലു​റ​പ്പ് പ​ദ്ധ​തി​യി​ൽ ഗു​​രു​​ത​ര ക്ര​മ​ക്കേ​ടു​ക​ളെ​ന്ന് കേ​ന്ദ്ര റി​പ്പോ​ർ​ട്ട്. പ​ദ്ധ​തി​യി​ൽ ഉ​ൾ​​പ്പെ​ട്ട തൊ​ഴി​ലാ​ളി​ക​ൾ പ​ണി​സ്ഥ​ല​ത്തെ​ത്തി ഫോ​ട്ടോ​യെ​ടു​ത്ത​ശേ​ഷം തൊ​ഴി​ലെ​ടു​ക്കാ​തെ വാ​ർ​ഷി​കാ​ഘോ​ഷ​ങ്ങ​ളി​ലും കു​ടു​ബ​ശ്രീ എ.​ഡി.​എ​സ്, സി.​ഡി.​എ​സ് യോ​ഗ​ങ്ങ​ളി​ലും മ​റ്റും പ​​​ങ്കെ​ടു​ക്കു​ക​യാ​ണെ​ന്ന് കേ​ന്ദ്ര അ​ന്വേ​ഷ​ണ റി​പ്പോ​ർ​ട്ടി​ൽ ആ​രോ​പി​ക്കു​ന്നു. പ​ദ്ധ​തി വ​ക​മാ​റ്റു​​ന്ന​തു​മൂ​ലം, തൊ​ഴി​ലാ​ളി​ക​ൾ​ക്ക് ല​ഭി​ക്കേ​ണ്ട പ​ണം ക​രാ​റു​കാ​ർ കൈ​വ​ശ​പ്പെ​ടു​ത്തു​ന്ന​താ​യി റി​പ്പോ​ർ​ട്ടി​ലു​ണ്ട്. ​

ജൂ​ൺ ആ​ദ്യം മ​ല​പ്പു​റം ജി​ല്ല​യി​ലെ ചു​ങ്ക​ത്ത​റ പ​ഞ്ചാ​യ​ത്തി​ൽ തൊ​ഴി​ലു​റ​പ്പ് പ​ദ്ധ​തി ന​ട​ത്തി​പ്പി​ൽ ​ക്ര​മ​ക്കേ​ടു​ക​ൾ ശ്ര​ദ്ധ​യി​ൽ​പെ​ട്ട​തി​നെ തു​ട​ർ​ന്ന് ന​ട​ത്തി​യ അ​ന്വേ​ഷ​ണ​ത്തി​ലാ​ണ് സം​സ്ഥാ​ന വ്യാ​പ​ക​മാ​യി ക്ര​മ​ക്കേ​ടു​ക​ൾ ന​ട​ക്കു​ന്ന​താ​യി കേ​ന്ദ്ര സം​ഘം റി​പ്പോ​ർ​ട്ട് ന​ൽ​കി​യ​ത്. കേ​ന്ദ്ര ഗ്രാ​മ​വി​ക​സ​ന മ​ന്ത്രാ​ല​യ​ത്തി​ലെ എം.​ജി.​എ​ൻ.​ആ​ർ.​ഇ.​ജി.​എ​സ് ഡ​യ​റ​ക്ട​ർ പി. ​ശി​വ​ശ​ങ്ക​ര​ന്റെ നേ​തൃ​ത്വ​ത്തി​ലു​ള്ള കേ​ന്ദ്ര സം​ഘ​മാ​ണ് ക്ര​മ​​ക്കേ​ടു​ക​ൾ ക​ണ്ടെ​ത്തി​യ​ത്.

സ​മാ​ന പ്ര​വൃ​ത്തി​ക​ളി​ൽ സം​സ്ഥാ​ന വ്യാ​പ​ക​മാ​യി അ​ന്വേ​ഷ​ണം ന​ട​ത്തി റി​പ്പോ​ർ​ട്ട് 15 ദി​വ​സ​ത്തി​ന​കം കേ​ന്ദ്ര ഗ്രാ​മ​വി​ക​സ​ന മ​ന്ത്രാ​ല​യ​ത്തി​ന് ന​ൽ​ക​ണ​മെ​ന്നാ​ണ് നി​ർ​ദേ​ശി​ച്ചി​രു​ന്ന​ത്. മ​തി​യാ​യ പ​രി​ശോ​ധ​ന​ക​ൾ ന​ട​ത്താ​തെ, പ​ര​മാ​വ​ധി തു​ക ചെ​ല​വ​ഴി​ക്കു​ന്ന​തി​ന് ഉ​ദ്യോ​ഗ​സ്ഥ​രും ക​രാ​ർ ജീ​വ​ന​ക്കാ​രും നി​യ​മ​വി​രു​ദ്ധ​മാ​യും താ​ൽ​പ​ര്യ​ങ്ങ​ൾ മു​ൻ​നി​ർ​ത്തി​യു​മാ​ണ് പ്ര​വൃ​ത്തി​ക​ൾ ഏ​റ്റെ​ടു​ക്കു​ന്ന​തെ​ന്ന ആ​രോ​പ​ണ​ത്തി​ന്റെ അ​ടി​സ്ഥാ​ന​ത്തി​ലാ​ണ് കേ​ന്ദ്ര​സം​ഘം അ​ന്വേ​ഷ​ണം ന​ട​ത്തി​യ​ത്.

മെ​റ്റീ​രി​യ​ൽ വ​ർ​ക്കു​ക​ളു​ടെ റോ​ഡ്-​വ്യ​ക്തി​ഗ​ത ആ​സ്തി എ​ന്നി​വ​യു​ടെ അ​നു​പാ​ത​ത്തി​ലും സം​സ്ഥാ​നം ച​ട്ട​വി​രു​ദ്ധ​മാ​യ തീ​രു​മാ​ന​ങ്ങ​ളാ​ണ് ന​ട​പ്പി​ലാ​ക്കു​ന്ന​തെ​ന്നാ​ണ് കേ​ന്ദ്ര​സം​ഘ​ത്തി​ന്റെ ക​ണ്ടെ​ത്ത​ൽ. തൊ​ഴി​ലു​റ​പ്പ് ച​ട്ട​ങ്ങ​ൾ​ക്ക് വി​രു​ദ്ധ​മാ​യി മെ​റ്റീ​രി​യ​ൽ വ​ർ​ക്കു​ക​ൾ യ​ന്ത്ര​സാ​മ​ഗ്രി​ക​ൾ ഉ​പ​യോ​ഗി​ച്ച് ക​രാ​റു​കാ​രെ​കൊ​ണ്ട് ചെ​യ്യി​ക്കു​ക​യും തൊ​ഴി​ലാ​ളി​ക​ളു​ടെ പേ​രി​ൽ തു​ക മാ​റി​യെ​ടു​ത്ത് ക​രാ​റു​കാ​ർ​ക്ക് കൈ​മാ​റു​ക​യും ചെ​യ്യു​ന്നത് വ്യാ​പ​ക​മാ​യി ന​ട​ക്കു​ന്ന​താ​യി ക​ണ്ടെ​ത്തി​യി​ട്ടു​ണ്ട്.

തൊ​ഴി​ൽ സൈ​റ്റി​ൽ ഫോ​ട്ടോ എ​ടു​ക്കാ​ൻ മാ​ത്ര​മാ​ണ് തൊ​ഴി​ലാ​ളി​ക​ൾ പ​ണി​സ്ഥ​ല​ത്തെ​ത്തു​ന്ന​ത്. ഇ​വി​ടെ​യെ​ത്തി ഒ​പ്പി​ട്ട​ശേ​ഷം തൊ​ഴി​ലാ​ളി​ക​ൾ കു​ടു​ബ​ശ്രീ എ.​ഡി.​എ​സ്, സി.​ഡി.​എ​സ് വാ​ർ​ഷി​ക​ങ്ങ​ൾ, മ​റ്റ് യോ​ഗ​ങ്ങ​ൾ എ​ന്നി​വ​ക്കെ​ല്ലാം പോ​കു​ക​യും ആ ​ദി​വ​സ​ത്തേ​ക്കു​ള്ള വേ​ത​നം കൈ​പ്പ​റ്റു​ക​യും ചെ​യ്യു​ന്ന രീ​തി വ്യാ​പ​ക​മാ​ണെ​ന്നും കേ​ന്ദ്ര​സം​ഘം വി​ല​യി​രു​ത്തു​ന്നു.

തൊ​ഴി​ലു​റ​പ്പ് പ​ദ്ധ​തി​യി​ലെ ച​ട്ട​പ്ര​കാ​ര​മു​ള്ള ഏ​ക നി​യ​മാ​നു​സൃ​ത പ​രാ​തി​പ​രി​ഹാ​ര സം​വി​ധാ​ന​മാ​യ ജി​ല്ല ഓം​ബു​ഡ്സ്മാ​ന്മാ​രു​ടെ ഉ​ത്ത​ര​വു​ക​ൾ സം​സ്ഥാ​ന, ജി​ല്ല മി​ഷ​നു​ക​ൾ അ​വ​ഗ​ണി​ക്കു​ന്ന​താ​ണ് അ​ഴി​മ​തി​ക​ൾ പെ​രു​കു​ന്ന​തി​ന് പ്ര​ധാ​ന കാ​ര​ണ​മെ​ന്നാ​ണ് വി​ല​യി​രു​ത്ത​ൽ. നി​യ​മ​ങ്ങ​ൾ ക​ർ​ശ​ന​മാ​യി പാ​ലി​ക്കാ​തെ പ്ര​വൃ​ത്തി​ക​ൾ ന​ട​പ്പാ​ക്കു​​ന്ന​ത് കേ​ന്ദ്ര​ത്തി​ന്റെ ക​ടു​ത്ത ന​ട​പ​ടി​ക​ൾ​ക്ക് കാ​ര​ണ​മാ​കു​മെ​ന്ന ആ​ശ​ങ്ക​യി​ലാ​ണ് തൊ​ഴി​ലാ​ളി​ക​ൾ.