അങ്കമാലി നായത്തോട് കവലയില്‍ ഓടിക്കൊണ്ടിരുന്ന കാര്‍ അഗ്നിക്കിരയായപ്പോള്‍
അങ്കമാലി: സുഹൃത്തുക്കള്‍ സഞ്ചരിച്ചിരുന്ന കാര്‍ ഓട്ടത്തിനിടെ അഗ്നിക്കിരയായി. യാത്രക്കാര്‍ അത്ഭുതകരമായി രക്ഷപെട്ടു. അങ്കമാലി എം.സി റോഡില്‍ നായത്തോട് കവലക്ക് സമീപം ചൊവ്വാഴ്ച വൈകിട്ടായിരുന്നു സംഭവം.
സൗത്ത് കൊരട്ടി സ്വദേശി മാന്‍ഡി ആേൻറാ വര്‍ഗീസും സുഹൃത്തും സഞ്ചരിച്ചിരുന്ന കാറാണ് അഗ്നിക്കിരയായത്. കൊരട്ടിയില്‍ നിന്ന് കാലടി ഭാഗത്തേക്ക് പോവുകയായിരുന്നു കാര്‍. നായത്തോട് കവല എത്തുന്നതിന് മുമ്പായി ബോണറ്റില്‍ നിന്ന് ബാറ്ററി ഷെല്‍ പൊട്ടിത്തെറിക്കുകയും തീപടരുകയുമായിരുന്നുവെന്നാണ് പറയുന്നത്. ഉടനെ കാറിനകത്തേക്കും തീപടര്‍ന്നു. അതോടെ കാര്‍ നിര്‍ത്തി ഇരുവരും ചാടി ഇറങ്ങിയതിനാലാണ് വന്‍ ദുരന്തം ഒഴിവായത്. അല്‍പ്പം സമയത്തിനകം കാറിന് ചുറ്റും തീ വ്യാപിക്കുകയായിരുന്നു.
ഷോര്‍ട് സര്‍ക്യൂട്ടാണ് ബാറ്ററി ഷെല്‍ പൊട്ടിത്തെറിക്കാന്‍ ഇടയാക്കിയതെന്നാണ് നിഗമനം. സംഭവം അറിഞ്ഞതോടെ അങ്കമാലി അഗ്നിരക്ഷ സേന എത്തി തീയണച്ചെങ്കിലും കാര്‍ പൂര്‍ണമായും നശിച്ചിരുന്നു.
വായനക്കാരുടെ അഭിപ്രായങ്ങള്‍ അവരുടേത് മാത്രമാണ്, മാധ്യമത്തിേൻറതല്ല. പ്രതികരണങ്ങളിൽ വിദ്വേഷവും വെറുപ്പും കലരാതെ സൂക്ഷിക്കുക. സ്പർധ വളർത്തുന്നതോ അധിക്ഷേപമാകുന്നതോ അശ്ലീലം കലർന്നതോ ആയ പ്രതികരണങ്ങൾ സൈബർ നിയമപ്രകാരം ശിക്ഷാർഹമാണ്. അത്തരം പ്രതികരണങ്ങൾ നിയമനടപടി നേരിടേണ്ടി വരും.