മണ്ണിലാണ്ടവരെ കണ്ടെത്താൻ ബെ​ൽ​ജി​യം നായകൾ

മൂ​ന്നാ​ർ: മ​ണ്ണി​ന​ടി​യി​ൽ പൂ​ണ്ടവരെ ഓ​രോ​രുത്തരെയായി ക​ണ്ടെ​ത്താൻ മാ​യ​യും ഡോ​ണ​യും. ക​ന​ത്ത മൂ​ട​ൽ മ​ഞ്ഞും മ​ഴ​യും ര​ക്ഷാ പ്ര​വ​ർ​ത്ത​ന​ത്തി​ന് ത​ട​സ്സം സൃ​ഷ്​​ടി​ച്ച സാ​ഹ​ച​ര്യ​ത്തി​ലാ​ണ് തൃ​ശൂ​ർ പൊ​ലീ​സ് അ​ക്കാ​ദ​മി​യി​ൽ നി​ന്നെ​ത്തി​ച്ച നാ​യ്ക്ക​ൾ കർമനിരതരാ​യ​ത്.

അ​ര മ​ണി​ക്കൂ​റി​ന​കം ആ​ദ്യ മൃ​ത​ദേ​ഹ​ത്തി​െൻറ സാ​ന്നി​ധ്യം മാ​യ ക​ണ്ടെ​ത്തി. മ​ണ്ണി​ന​ടി​യി​ലെ മൃ​ത​ദേ​ഹ​ങ്ങ​ൾ ക​ണ്ടെ​ത്താ​ൻ പ​രി​ശീ​ല​നം ല​ഭി​ച്ച ബെ​ൽ​ജി​യം മെ​ല​നോ​യി​സ് ഇ​ന​ത്തി​ൽ​പെ​ട്ട മാ​യ​യാ​ണ് മൂ​ന്ന് മൃ​ത​ദേ​ഹ​ങ്ങ​ളും ക​ണ്ടെ​ത്തി​യ​ത്.

മൃ​ത​ദേ​ഹ​ങ്ങ​ൾ കി​ട​ക്കു​ന്നി​ടം മ​ണം പി​ടി​ച്ച് മ​ന​സ്സി​ലാ​ക്കി​യ ശേ​ഷം നാ​യ് പ്ര​ത്യേ​ക ശ​ബ്​​ദം പു​റ​പ്പെ​ടു​വി​ക്കും. തു​ട​ർ​ന്ന് ദു​ര​ന്ത​നി​വാ​ര​ണ സേ​നാം​ഗ​ങ്ങ​ൾ മ​ണ്ണു​മാ​ന്തി യ​ന്ത്ര​മു​പ​യോ​ഗി​ച്ച് ആ ​സ്ഥ​ല​ത്ത് തി​ര​ച്ചി​ൽ ന​ട​ത്തി ക​ണ്ടെ​ത്തു​ക​യാ​ണ് ചെ​യ്ത​ത്.

ഇ​ന്ത്യ​യി​ൽ ആ​ദ്യ​മാ​യാ​ണ് ഇ​ത്ത​ര​മൊ​രു പ​രി​ശോ​ധ​ന​യെ​ന്ന് പ​രി​ശീ​ല​ക​ർ പ​റ​ഞ്ഞു. ബി​ൻ ലാ​ദ​ന​ട​ക്ക​മു​ള്ള​വ​രെ പി​ടി​കൂ​ടാ​നാ​യി അ​മേ​രി​ക്ക​ൻ പ​ട്ടാ​ളം ഉ​പ​യോ​ഗി​ച്ച ബെ​ൽ​ജി​യം മലിനോ​യി​സ് ഇ​ന​ത്തി​ൽ​പെ​ട്ട നാ​യ്ക്ക​ളാ​ണ് മാ​യ​യും ഡോ​ണ​യും.

ആ​റു​മാ​സം മു​മ്പാ​ണ് ഇ​വ​ർ പൊ​ലീ​സ് അ​ക്കാ​ദ​മി​യി​ലെ​ത്തി​യ​ത്. ഒ​രു വ​ർ​ഷ​ത്തെ പ​രി​ശീ​ല​ന​മാ​ണ്​ ന​ൽ​കു​ന്ന​ത്. ദു​ര​ന്ത​മേ​ഖ​ല​ക​ളി​ൽ കു​ടു​ങ്ങി കി​ട​ക്കു​ന്നവ​രെ ക​ണ്ടെ​ത്താ​നും പ​രി​ശീ​ല​നം ന​ൽ​കു​ന്നു​ണ്ട്. തി​ങ്ക​ളാ​ഴ്ച പ​രി​ശോ​ധ​ന തു​ട​രു​ം.