തൃശൂർ: ആലുവ ശിവരാത്രിക്ക് പ്രത്യേക ട്രെയിനും അധിക സ്റ്റോപ്പുകളുമായി കൂടുതൽ യാത്രസൗകര്യം ഒരുക്കിയതായി റെയിൽവേ അറിയിച്ചു. ശിവരാത്രി ദിവസമായ വെള്ളിയാഴ്ച വൈകീട്ടത്തെ 16325 നിലമ്പൂർ -കോട്ടയം എക്സ്പ്രസ് മറ്റ് സ്റ്റോപ്പുകൾക്ക് പുറമെ മുള്ളൂർക്കര, ഒല്ലൂർ, നെല്ലായി, കൊരട്ടി എന്നിവിടങ്ങളിലും നിർത്തും.
അന്ന് രാത്രി 06461 ഷൊർണൂർ -തൃശൂർ എക്സ്പ്രസ് സ്പെഷൽ ആലുവ വരെ ഓടും. രാത്രി 11.15ന് തൃശൂർ വിടുന്ന ട്രെയിൻ എല്ലാ സ്റ്റേഷനിലും നിർത്തി അർധരാത്രി 12.45ന് ആലുവയിൽ എത്തും. പിറ്റേന്ന് രാവിലെ 5.15ന് ആലുവയിൽനിന്ന് പുറപ്പെടുന്ന 16609 തൃശൂർ -കണ്ണൂർ എക്സ്പ്രസ് രാവിലെ 6.40ന് തൃശൂരിലെത്തി പതിവുപോലെ കണ്ണൂരിലേക്ക് യാത്ര തുടരും. ഈ ട്രെയിൻ ആലുവക്കും ഷൊർണൂരിനും ഇടയിലുള്ള എല്ലാ സ്റ്റേഷനിലും നിർത്തും.
വായനക്കാരുടെ അഭിപ്രായങ്ങള് അവരുടേത് മാത്രമാണ്, മാധ്യമത്തിേൻറതല്ല. പ്രതികരണങ്ങളിൽ വിദ്വേഷവും വെറുപ്പും കലരാതെ സൂക്ഷിക്കുക. സ്പർധ വളർത്തുന്നതോ അധിക്ഷേപമാകുന്നതോ അശ്ലീലം കലർന്നതോ ആയ പ്രതികരണങ്ങൾ സൈബർ നിയമപ്രകാരം ശിക്ഷാർഹമാണ്. അത്തരം പ്രതികരണങ്ങൾ നിയമനടപടി നേരിടേണ്ടി വരും.