ശ്രീ​കൃ​ഷ്ണ​സ്വാ​മി ക്ഷേ​ത്ര​ത്തി​ൽ സ്വ​ർ​ണ ഉ​രു​പ്പ​ടി​ക​ളു​ടെ ക​ണ​ക്കെ​ടു​പ്പ് ആ​രം​ഭി​ച്ചു 

അ​മ്പ​ല​പ്പു​ഴ: ശ്രീ​കൃ​ഷ്ണ​സ്വാ​മി ക്ഷേ​ത്ര​ത്തി​ൽ സ്ട്രോ​ങ്​ റൂം ​തു​റ​ന്ന് സ്വ​ർ​ണ ഉ​രു​പ്പ​ടി​ക​ളു​ടെ ക​ണ​ക്കെ​ടു​പ്പ് ആ​രം​ഭി​ച്ചു. ഹൈ​കോ​ട​തി ഉ​ത്ത​ര​വി​നെ​ത്തു​ട​ർ​ന്നാ​ണ് ദേ​വ​സ്വം ഓ​ഫി​സ​ർ​മാ​ർ, വി​ജി​ല​ൻ​സ് എ​ന്നി​വ​രു​ടെ സാ​ന്നി​ധ്യ​ത്തി​ൽ ക​ണ​ക്കെ​ടു​പ്പ് ആ​രം​ഭി​ച്ച​ത്.

നി​ത്യോ​പ​യോ​ഗ​ത്തി​ലി​ല്ലാ​ത്ത സ്വ​ർ​ണ ഉ​രു​പ്പ​ടി​ക​ൾ, കാ​ണി​ക്ക​വ​ഞ്ചി, ന​ട​വ​ര​വ് എ​ന്നി​വ​യാ​ണ് തി​ട്ട​പ്പെ​ടു​ത്തു​ന്ന​ത്. അ​മ്പ​ല​പ്പു​ഴ സ​ബ് ഗ്രൂ​പ്പി​നു കീ​ഴി​ലു​ള്ള ക്ഷേ​ത്ര​ങ്ങ​ളി​ലെ​യും സ്വ​ർ​ണ ഉ​രു​പ്പ​ടി​ക​ൾ അ​മ്പ​ല​പ്പു​ഴ ശ്രീ​കൃ​ഷ്ണ സ്വാ​മി ക്ഷേ​ത്ര​ത്തി​ലാ​ണ് സൂ​ക്ഷി​ക്കു​ന്ന​ത്. ഹൈ​കോ​ട​തി നി​ർ​ദേ​ശ​പ്ര​കാ​രം മാ​വേ​ലി​ക്ക​ര, ക​രു​നാ​ഗ​പ്പ​ള്ളി, ച​ങ്ങ​നാ​ശ്ശേ​രി സ​ബ് ഗ്രൂ​പ് ഓ​ഫി​സു​ക​ൾ​ക്ക്​ കീ​ഴി​ലെ ക്ഷേ​ത്ര​ങ്ങ​ളി​ൽ ക​ണ​ക്കെ​ടു​പ്പ് പൂ​ർ​ത്തി​യാ​യി.

ഹ​രി​പ്പാ​ട് ​െഡ​പ്യൂ​ട്ടി ക​മീ​ഷ​ണ​റു​ടെ കീ​ഴി​ലു​ള്ള 340ഓ​ളം ക്ഷേ​ത്ര​ങ്ങ​ളി​ലെ ക​ണ​ക്കെ​ടു​പ്പ് പൂ​ർ​ത്തി​യാ​യി വ​രു​ക​യാ​ണെ​ന്ന് ദേ​വ​സ്വം ​െഡ​പ്യൂ​ട്ടി ക​മീ​ഷ​ണ​ർ ജി. ​ബൈ​ജു പ​റ​ഞ്ഞു. വി​ജി​ല​ൻ​സ് ഓ​ഫി​സ​ർ​മാ​രാ​യ ഒ.​ബി. ദി​ലീ​പ് കു​മാ​ർ, മ​നു, അ​സി​സ​റ്റ​ൻ​റ്​ ക​മീ​ഷ​ണ​ർ ജ​യ​കു​മാ​ർ, അ​ഡ്മി​നി​സ്ട്രേ​റ്റി​വ് ഓ​ഫി​സ​ർ മ​നോ​ജ്, അ​ത​ത് സ​ബ് ഗ്രൂ​പ് ഓ​ഫി​സ​ർ​മാ​ർ എ​ന്നി​വ​രാ​ണ് നേ​തൃ​ത്വം ന​ൽ​കു​ന്ന​ത്.